Azərbaycan Qardaşlıq və Əməkdaşlıq Cəmiyyəti TBMM-də olub
Tarix: 10.06.2015 | Saat: 21:38:00 | E-mail | Çapa göndər


Azərbaycan Qardaşlıq və Əməkdaşlıq Cəmiyyəti, Türkiyədə Azərbaycanın daha da yaxından tanıdılması, Türkiyə-Azərbaycan münasibətlərinin daha da inkişaf etdirilməsi, bu istiqamətdə fəaliyyət göstərən qurum və fərdlərə dəstək olunması, Azərbaycandan gəlib İzmir Universitetlərində təhsil alan tələbələrin təhsillərini daha da uğurlu bir şəkildə başa vurmalarına dəstək məqsədi ilə qurulub.
Məqsədləri arasında Azərbaycan həqiqətlərinin, Dağlıq Qarabağın Ermənistan tərəfindən işğal edilməsinin və Xocalı Soyqırımın tanıdılması da olan cəmyyət bu sahədə bir çox fəaliyyətlər həyata keçirməkdədir. Bu məqsədlə cəmiyyətin sədri Dr. Asıf Kurban və bərabərindəki heyət Türkiyə Böyük Millət Məclisi Baş Katibi Dr. İrfan Nəziroğlu ilə TBMM-də görüşüblər. Səmimi bir atmosferdə keçən görüşdə TBMM Baş Katibi Dr. İrfan Nəziroğlu, heyəti TBMM-də görməkdən məmnun olduqlarını, dost və qardaş dövlət olan Azərbaycana hər zaman və hər dəstəyi verməyə hazır olduqlarını deyib. Heyət adından çıxış edən cəmiyyətin sədri Dr. Asıf Kurban sözlərinə onları qəbul etdiyinə görə Baş Katibə təşəkkür edərək başlayıb. Kurban son zamanlarda Türkiyə əleyhinə qondarma erməni soyqırımı iddialarının artmasının, hətta buna Türkiyə vətəndaşı olan insanların da dəstək verməsinin onları çox narahat etdiyini söyləyib. Türkiyəni olmayan, qondarma bir soyqırımla günahlandıranlar çox yaxın tarixdə Azərbaycanın Xocalı şəhərində rrmənilərin həyata keçirtdiyi soyqırımı görməzdən gəlməkdədirlər. Hansı ki, Xocalı Soyqımının canlı şahidləri hələ sağdırlar, bu soyqırımı kimlərin həyata keçirtdikləri hər kəs tərəfindən bilinməkdə və bunlar tam tərsi milli qəhrəman elan edilmiş və ya prezident seçilmişdilər - deyib. Asıf Kurban daha sonra, bu xususlar və Azərbaycan türklərinin acısını paylaşmaq, Türkiyədə yaşayan milyonlarca insanın istəyi olan TBMM-də Xocalı soyqırımına həsr edilən bir oturumun təşkil olunmasını Baş Katibdən xahiş edib. Bu müzakirələrə Xocalı soyqırımının canlı şahidləri və çox sayda qeyri-hökümət təşkilatları da dəvət oluna biləcəyini ifadə edib. İrfan Nəziroğlu da öz növbəsində belə bir tədbirin çox faydalı olacağını və bunun üçün dəstək verəcəklərini bildirib. Daha sonra cəmiyyətin sədri qəbula görə və o günün xatirəsi kimi Baş Katibə cəmiyyətin xatirə hədiyyəsini təqdim edib. TBBM Baş Katibi Dr. İrfan Nəziroğlu da cəmiyyət sədrinə üzərində TBMM-nin emblemi olan hədiyyəni təqdim edib. Görüşdə eyni zamanda cəmiyyətin idarə heyətinin üzvləri Cavid Əliyev, Prof. Dr. Gülmira Kuruoğlu, Nurlanə Axundzadə Akfidan, Dr. Faiq İsayev, Fərid Novruzov və Dr. Vəfa Kurban da iştirak ediblər. Görüşdən sonra heyət məclis binasını gəzib. Onlara TBMM quruluşu, məclis binası və məclisin iş sistemi ilə bağlı geniş məlumat verilib.
Fuad




 
Bölməyə aid digər xəbərlər
26.05.2019
Gəncənin İmamzadə ziyarətgahında Heydər Əliyev Fondunun təşəbbüsü ilə iftar süfrəsi açılıb
26.05.2019
Güclü külək Qubada və Qusarda ciddi fəsadlar törədib
25.05.2019
“Azərişıq” hava şəraitinin kəskin dəyişilməsi ilə bağlı qabaqlayıcı tədbirlər görür
25.05.2019
Heydər Əliyev Fondu növbəti iftar süfrəsini Ağsuda açıb
25.05.2019
Bu günün havası: paytaxtda yağmursuz, rayonlarda isə...

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info