“ABŞ polisinin günlərlə öldürdüyü insanların sayı digər ölkə polislərinin illərlə öldürdüyündən çoxdur”
Tarix: 10.06.2015 | Saat: 22:34:00 | E-mail | Çapa göndər


“The Guardian”: “2015-ci ilin ilk 24 günü ərzində ABŞ polisi İngiltərə və Uelsdə polisin 24 il ərzində güllələdiyindən daha çox insan güllələyib”

ABŞ özünü dünyada “insan haqları hamisi”, “demokratiya mərkəzi” kimi qələmə verməyə cəhdlər etməsinə baxmayaraq, bu ölkədə baş verən qətllər, zorakılıq faktları tamam başqa mənzərəni açıb ortaya qoymuş olur. Bəlli olur ki, bu zorakılıq və qətllər digər ölkələrdə törədilən qətllərdən çoxdur. Ən pisi isə odur ki, bu cür qətl və zorakılıqlar ABŞ polisi tərəfindən törədilir. Beləliklə, Böyük Britaniyanın “The Guardian” media qurumunun bu barədə ortaya çıxardığı faktları oxucuların diqqətinə çatdırırıq.
“The Guardian” yazır ki, ABŞ-da bu ilin ötən dövrü ərzində polis tərəfindən öldürülmüş insanlarla bağlı hesablama aparılıb: “ABŞ polisinin günlər ərzində öldürdüyü insanların sayı digər ölkələrin polislərinin illər ərzində öldürdüyündən çoxdur. Bu inkarolunmazdır ki, ABŞ digər inkişaf etmiş demokratik ölkələrdə polislə bağlı daha çox zorakı situasiyaların və daha ağır silahlanan fərdlərin olduğunu sübut etməyə çalışır. Amma faktlar göstərir ki, ABŞ bu baxımdan heç də istisna deyil. Əksinə, ABŞ bu baxımdan daha pis durumdadır və bu da böhrandan xəbər verir. 2015-ci ilin ilk 24 günü ərzində ABŞ polisi İngiltərə və Uelsdə polisin 24 il ərzində güllələdiyindən daha çox insan güllələyib. “The Guardian”ın bu barədə xüsusi layihəsi olan “The Counted”ə görə, göstərilən dövr ərzində - yanvarən 1-dən 24-ə qədər ABŞ-da polis tərəfindən faciə ilə nəticələnən 59 atəş açılıb. Böyük Britaniyanın “Inquest” qrupunun faktlarına əsasən, İngiltərə və Uelsdə 1990-cı ildən 2014-cü ilə qədər cəmisi 55 bu cür atış baş verib.
İslandiyada isə ölkənin 71 illik tarixində cəmisi bir dəfə bu cür atış baş verib. İslandiyanın bütün əhalisindən cəmisi 25 min nəfər az olan Stokton və Kaliforniyada isə 2015-ci ilin ilk 5 ayında üç faciəvi polis atəşi açılıb.
Daha bir fakt odur ki, ABŞ polisi hər həftə ərzində Almaniya polisinin bir il ərzində öldürdüyündən daha çox adam güllələyərək öldürüb.
Yaxud ABŞ polisi bu ilin bir ayı ərzində Avstraliya polisinin 19 il ərzində öldürdüyündən daha çox adam güllələyərək öldürüb. Kanadada orta hesabla, hər il polis tərəfindən faciə ilə nəticələnən 25 atəş açılır. ABŞ-ın Kaliforniyasının əhalisi Kanada əhalisindən cəmisi 10 faiz artıqdır. Kaliforniyada cəmisi üç ayda faciə ilə nəticələnən polis atəşləri Kanadada bir ildə baş verən bu cür atəş hallarından 3 dəfəyə qədər çoxdur.
Yaxud başqa bir fakt odur ki, ABŞ polisi adicə daşla silahlanmış Antonio Zambrano-Montesə 17 güllə vurub. Bu 17 güllə isə Finlandiyada bütün 2013-cü il boyu atılan bu cür atəşlərin sayına bərabərdir”.

İlkin AĞAYEV





 
Bölməyə aid digər xəbərlər
08.04.2020
İsraildə koronavirusa yoluxanların sayı 9,2 mindən çox olub
07.04.2020
ABŞ-da koronavirus qurbanlarının sayı 12 min nəfəri keçib
07.04.2020
Dünyada koronavirusdan ölənlərin sayı 80 mini ötüb
07.04.2020
Fransada koronavirusdan ölənlərin sayı 10 mini ötüb
07.04.2020
Türkiyədə koronavirusdan ölənlərin sayı 725 nəfərə çatıb

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11498

1 “300 minə yaxın işçinin əməkhaqqısının 50 faizə qədərinin dövlət tərəfindən dəstəklənməsi nəzərdə tutulur”
2 Türkiyədə azan vaxtı çəkilən bu video heyrətə gətirdi-VİDEO
3 “Dövlət tərəfindən iqtisadiyyatın sabitləşməsi üçün bütün lazımi addımlar atılır”
4 İtaliyada koronavirusdan 5 nəfər ölüb, qalanları isə...
5 Prezident Bakı-Sumqayıt yolunda görülən işlərlə tanış olub YENİLƏNİB


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info