“Hər birimiz Bakıya yeni qızıl medal üçün gedirik”
Tarix: 11.06.2015 | Saat: 17:56:00 | E-mail | Çapa göndər


“Bakı-2015” ilk Avropa Oyunlarında iştirak edəcək Gürcüstan idmançılarının bir qrupu iyunun 11-də Tbilisi aeroportundan Azərbaycana yola düşüb. Onları Gürcüstan Gənclər və idman Nazirliyinin, idman ictimaiyyətinin nümayəndələri, eləcə də yaxınları yola salıblar.
Gürcüstan Milli Olimpiya Komitəsinin vitse-prezidenti, stend atıcılığı üzrə dəfələrlə dünya və Avropa çempionu Nino Salukvadze deyib: “Bu gün Bakıya boks, cüdo, yunan-Roma güləşi, güllə və ox atıcılığı, qılıncoynatma üzrə 30 idmançı, onların məşqçiləri və həkimləri gedir. Ümumiyyətlə isə biz “Bakı-2015” İlk Avropa Oyunlarında 105 idmançı ilə təmsil olunacağıq. Onların arasında bir sıra dünya və Avropa çempionları var. Hər birimiz Bakıya yeni qızıl medal üçün gedirik”.
Gürcüstan Boks Federasiyasının Prezidenti David Kvaçadze isə bildirib ki, Bakıda ilk Avropa Oyunlarında medallar uğrunda 9 boksçu mübarizə aparacaq. O deyib: “Azərbaycanda idmana böyük maraq var. Ən başlıcası isə ölkənizdə idmana və idmançılara yüksək dövlət qayğısı göstərilir və bu da inkişaf üçün əsas amildir. Bilirik ki, Bakıda güclü idmançılarla qarşılaşacağıq. Bizim idmançılar da yaxşı hazırlaşıblar. Hələlik kimin güclü olduğunu deyə bilmərəm. Amma qoy güclü olan qalib gəlsin”.
Gürcüstanda ilk Avropa Oyunlarında qalib gələcək idmançılar üçün xüsusi mükafatlar nəzərdə tutulub. Belə ki, yarışlarda birinci yeri tutan idmançıya 68 min lari (təqribən 33,5 min dollar), ikinci yerin sahibinə 51 min lari, üçüncü yerin sahibinə isə 34 min lari veriləcək. Birinci yeri tutan komandaya 270 min lari, ikinci və üçüncü yerə çıxan komandalara isə müvafiq olaraq 204 və 136 min lari mükafat təyin olunub.
Tural




 
Bölməyə aid digər xəbərlər
19.07.2019
Avropa Liqasında 43 oyun keçirilib, “Reyncers” “Neftçi”yə şərik olub
19.07.2019
“Qəbələ”nin Avropa Liqasındakı rəqibi müəyyənləşib
19.07.2019
“Neftçi” “Speranta”nı darmadağın edib
18.07.2019
“Səbail” klubu avrokuboklarda mübarizəsini dayandırıb
18.07.2019
Yaşar Nəcəfov Aktauda bürünc medal qazandı

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10831

1 “4-cü qrupa hazırlaşan hər bir abituriyentin arzusu həkim olmaqdır”
2 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
3 Dünya brendi olmağı hədəfləyən azərbaycanlı gənc
4 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”
5 “Ermənistana qarşı iqtisadi sanksiyalar tətbiq olunmalıdır”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info