TBMM-də Xocalı soyqırımına həsr edilən tədbir təşkil olunsun
Tarix: 11.06.2015 | Saat: 17:57:00 | E-mail | Çapa göndər


Təklif İzmirdəki Azərbaycan cəmiyyətindən gəldi

Türkiyənin İzmir şəhərində fəaliyyət göstərən “Azərbaycan Qardaşlıq və Əməkdaşlıq Cəmiyyəti”nin üzvüləri Türkiyə Böyük Millət Məclisinin Baş Katibi İrfan Nəziroğlu ilə görüşdülər. TBMM-də keçirilən bu əlamətdar görüş barədə Türkiyə Böyük Millət Məclisinin ”Məclis xəbər” rəsmi saytında məlumat verilir.
Uzun illərdir İzmir şəhərində ictimai-siyasi fəaliyyətlə məşğul olan azərbaycanlı iş adamı, iqtisad elmləri doktoru Asif Qurbanın yaratdığı cəmiyyət Türkiyədə, o cümlədən İzmirdə Azərbaycan həqiqətlərinin daha yaxından tanıdılması, Türkiyə-Azərbaycan münasibətlərinin daha da inkişaf etdirilməsi yolunda uğurla fəaliyyət göstərməkdədir. “Azərbaycan Qardaşlıq və Əməkdaşlıq Cəmiyyəti”nin keçirdiyi genişmiqyaslı tədbirlər dövlətimizin kursunu dəstəkləməklə, həm də İzmir Universitetlərində təhsil alan azərbaycanlı tələbələrin fəaliyyətlərinə, milli adət-ənənələrimizin təbliğinə dəstək olmuşdur. Azərbaycan həqiqətlərinin, Dağlıq Qarabağın Ermənistan tərəfindən işğal edilməsinin və Xocalı soyqırımın tanıdılması ilə əlaqədar həyata kecirilən davamlı tədbirlər içtimaiyyətdə geniş əks-səda döğurmuşdur.
“Azərbaycan Qardaşlıq və Əməkdaşlıq Cəmiyyəti”nin sədri Asif Qurbanı və cəmiyyətin üzvülərini qəbul edən TBMM Baş Katibi İrfan Nəziroğlu heyəti TBMM-də görməkdən məmunluğunu bildirmiş, dost və qardaş dövlət olan Azərbaycana hər zaman və hər dəstəyi verməyə hazır olduqlarını söyləmişdir. Heyət adından çıxış edən Asif Qurban qəbul üçün minnətdarlıq etmiş, son zamanlarda Türkiyə əleyhinə qondarma Erməni soyqırımı iddialarının artmasının, hətta buna Türkiyə vətəndaşı olan bəzi insanların da dəstək verməsindən çox narahat olduğunu bildirmişdir.
Asif Qurban çox yaxın bir tarixdə Azərbaycanın Xocalı şəhərində ermənilərin həyata keçirtdiyi soyqırımını xatırladaraq bildirmişdir ki, Xocalı soyqımının canlı şahidləri həyatdadırlar, bu soyqırımı kimlərin həyata keçirtdikləri hər kəs tərəfindən bilinsə də dünya bu həqiqətlərə ədalətsizcəsinə nəinki göz yumur, hətta bu faciənin təşkilatcılarına geniş imkanlar yaradır. Heç kəsə gizli deyil ki, bu soyqırımın “şanlı müəllifləri” Ermənistan respublikasında yüksək vəzifələr tutur, hətta prezident belə seçilir. Asif Qurban daha sonra, TBMM-də Xocalı soyqırımına həsr edilən bir tədbirin təşkil olunmasını Baş Katibdən xahiş etdi. Bu müzakirələrdə həqiqətlərin ortaya qoyulması üçün Xocalı soyqırımının canlı şahidlərinin iştirakını da vacib saydı.
İrfan Nəziroğlu da öz növbəsində belə bir tədbirin çox faydalı olacağını və bunun üçün dəstək verəcəklərini söylədi.
Səmimi və işgüzar bir əhvalda kecirilən görüşdə “Azərbaycan Qardaşlıq və Əməkdaşlıq Cəmiyyəti” nin idarə heyəti üzvləri Cavid Əliyev, professor Gülmira Kuruoğlu, Nurlanə Axundzadə Akfidan, Faiq İsayev, Fərid Novruzov və Vəfa Qurban da iştirak etdilər. Görüşdən sonra heyət məclisi gəzdilər, TBMM quruluşu, məclis binası və məclisin iş həyatı ilə yaxından tanış oldular.
Ağasəf




 
Bölməyə aid digər xəbərlər
25.05.2019
Heydər Əliyev Mərkəzində “Tarixin şah əsərləri” sərgisi açılacaq
25.05.2019
“Qafqazda Azərbaycan və erməni məsələsi“ kitabının müzakirəsi keçirilib
24.05.2019
Azərbaycan “Ordu-2019” Forumunda öz ekspozisiyasını təqdim edəcək
24.05.2019
Qars şəhərində Azərbaycan-Türkiyə qardaşlıq yürüşü keçirilib
24.05.2019
“Siyasi repressiya qurbanları mu­zeyi“nin açılışı olub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10787

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 …Hər sözdə vətən axtaran soydaşımız


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info