“Bakı-2015”-in açılışında bayrağımızı Elmar Qasımov daşıyacaq
Tarix: 11.06.2015 | Saat: 18:35:00 | E-mail | Çapa göndər


Avropa Oyunlarında Azərbaycan millisinin bayraqdarı müəyyənləşib. Qitədə ilk dəfə keçiriləcək yarışda üçrəngli bayrağımızı cüdo üzrə Dünya Çempionatının gümüş medalçısı, Avropa çempionu Elmar Qasımov daşıyacaq. Bu barədə jurnalistlərə Milli Olimpiya Komitəsinin (MOK) vitse-prezidenti Çingiz Hüseynzadə məlumat verib.
O bildirib ki, açılış mərasimində ən möhtəşəm komanda bizim olacaq: “Say etibarı ilə ikinci olsa da, bu yarışda ən böyük komanda bizik. Bu gün yeni mərasimin təməl daşını qoyuruq. Qərara gəlmişik ki, Azərbaycanın bayrağını burdan başlayaq. Bayrağımız məhz burda bayraqdara təqdim olunacaq”. Gənclər və idman nazirinin müavini İsmayıl İsmayılov ölkəmizi təmsil edən hər bir idmançıya uğurlar arzuladıqdan sonra, onların göstərilən etimadı doğruldacaqlarına inam ifadə edib. Sidney-2000-də bayraqdarımız olan Namiq Abdullayev isə bildirib ki, “Bakı-2015”-in paytaxtımızda keçirilməsi Azərbaycan xalqı üçün mühüm hadisədi: “Mən də ölkəmizin bayrağını dalğalandırmışam. Sevinirəm ki, həmin bayrağı apardığım yarışda Olimpiya çempionu olmuşam. İndiki bayraqdarımızın da bu nəticəni təkrarlamasını arzu edirəm”. Mundialın finalında güləşən təcrübəli cüdoçumuz 2009-cu ildə Ermənistanda keçirilən gənclər arasında Avropa çempionu titulunu qazanıb. O, həmçinin “World Masters”, Qran-pri və digər turnirlərdə də qalib adına layiq görülüb. London Olimpiadasının iştirakçısı olan Qasımovum aktivində qitə çempionatının gümüş və bürünc medalları da var. Qeyd edək ki, Avropa Oyunlarınadək - Yay Olimpiya Oyunlarında bayraqdarımız əsasən Olimpiya çempionları olub.Olimpiadalarda əvvəlki yarışların qalibinin bu vəzifəni icra etməsinə təsadüf edilib. Barselona-1992-nin qalibi Nazim Hüseynov, Afina-2004-ün çempionu Fərid Mansurov, Pekin-2008-in qızıl mükafatının sahibi Elnur Məmmədli növbəti yarışlarda ölkəmizin bayrağını daşıyıb. Onlardan başqa, Namiq Abdullayev Sidney-2000-də, Nizami Paşayev Afina-2004-də bayraqdarımız olub.




 
Bölməyə aid digər xəbərlər
20.07.2019
Futbol üzrə Əlcəzair millisi Afrika Millətlər Kubokunun qalibi olub
19.07.2019
“Çelsi“nin Lempardla ilk məğlubiyyəti
19.07.2019
“Barselona“ yeni transferini icarəyə göndərdi
19.07.2019
Lukakunun alternativini tapdı
19.07.2019
Avropa Liqasında 43 oyun keçirilib, “Reyncers” “Neftçi”yə şərik olub

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info