“Avropa Oyunları ilə əlaqədar çoxlu ukraynalı Azərbaycana gələcək”
Tarix: 12.06.2015 | Saat: 01:41:00 | E-mail | Çapa göndər


İlk Avropa Oyunlarının Bakıda keçilməsini hər bir azərbaycanlı, eləcə də xaricdəki tələbələrimiz böyük sevinclə qarşılayır. Müsahibimiz Adil Məmmədov da bu sevincini bizimlə paylaşıb. Qeyd edək ki, A.Məmmədov Ukraynanın Vinniça Texniki Dövlət Universitetinin Beynəlxalq iqtisadi əlaqələr fakültəsində təhsil alır. Eyni zamanda 2014-cü ildən Ukrayna Azərbaycanlı Gənclər Birliyinin (UAGB) Vinniça vilayəti bölməsinin rəhbəri vəzifəsində çalışır.
-Ukraynalıların “Bakı-2015”-ə marağı necədir?
- Ukrayna xalqı Azərbaycanda keçirilən bu Oyunlara qarşı çox sevinclidir. Xalqın böyük hissəsi Azərbaycanı, Bakını tanıyır. Avropa Oyunlarının Bakıda keçirilməsinə görə də, çoxlu Ukrayna vətəndaşı Azərbaycana gələcək. Bildiyimiz kimi, Ukraynanın "Olimpiya" İdman Kompleksində Bakıda keçiriləcək Birinci Avropa Oyunlarının təqdimatı və respublikamızın paytaxtına göndəriləcək idmançılarla görüş oldu. Bu tədbirdə ukraynalılara Azərbaycanın bütün regionlarından, adət-ənənələrindən də danışıldı.
- İlk Avropa Oyunlarının ölkəmiz üçün nə kimi əhəmiyyəti var?
- I Avropa Oyunlarının məhz Azərbaycanda keçirilməsi Ukraynada yaşayan və təhsil alan azərbaycanlıları qürurlandırır. I Avropa Oyunları dünya idman tarixində ilk hadisədir. Belə bir mötəbər idman tədbirinə ev sahibliyi etmək çox çətin və məsuliyyətli bir vəzifədir. Amma biz gənclər inanırıq ki, Azərbaycan bu mötəbər Oyunu ən yüksək səviyyədə keçirəcək. Çünki bu gün Azərbaycan qədər bu Oyunları ürəkdən keçirməyə razı olan ikinci dövlət tapmaq olmaz. Ona görə ki, hər bir azərbaycanlı bu Oyunları keçirməklə, Azərbaycanın dünyada daha da tanınacağını, ilk Avropa Oyunlarını keçirən ölkə kimi tarixə düşəcəyini yaxşı başa düşür. Hər zaman ilkləri gerçəkləşdirmək böyük məsuliyyət və güc tələb edir. Şükürlər olsun ki, bizim güclü liderimiz var. Əminəm ki, məhz güclü liderimiz İlham Əliyevin yorulmaz səyləri nəticəsində Azərbaycan bu Oyunları dünyaya səs sala biləcək səviyyədə keçirəcək. Harada yaşamağımızdan asılı olmayaraq, biz azərbaycanlı gənclər hər zaman Prezident İlham Əliyevin yanında olacağıq.
- Oyunlara kölgə salmaq istəyənlər də var...
- Yaşadığı yerdən asılı olmayaraq hər bir azərbaycanlı bu Oyunların keçirilməsindən qürur duyur. Artıq I Avropa Oyunlarının məşəli bölgələrimizdən Bakıya gətirilib. Ölkənin tanınmış insanları həmin tədbirdə böyük ruh yüksəkliyi ilə iştirak etdilər. Bu, bir daha bizə deməyə əsas verir ki, Azərbaycan xalqı bu Oyunların keçirilməsinə nə qədər əhəmiyyət verir. I Avropa Oyunlarının yüksək səviyyədə keçiriləcəyindən əmin olan bəzi antiazərbaycan dairələr bu Oyunlara kölgə salmaq, idman oyunlarına heç bir aidiyyəti olmayan sahələr üzrə qara piar kampaniyası aparırlar. Əslində, bu dairələrin Azərbaycana qarşı qısqanc mövqe sərgiləməsinin səbəbləri aydındır. Çünki bu dairələr Azərbaycanın artan siyasi və iqtisadi gücünü, müstəqil siyasətini, hər ötən gün bölgədə və dünyada yüksələn nüfuzunu həzm edə bilmirlər. Ancaq bizlər, Ukraynada yaşayan azərbaycanlı gənclər olaraq əminik ki, Azərbaycanda keçiriləcək I Avropa Oyunları dünyanın idman tarixinə qızıl hərflərlə yazılacaq.
-İlk Avropa Oyunlarının təbliği qaneedicidirmi?
- Bilirsiz, həyatda qaneedici heç nə yoxdur. İnsan oğlu hər zaman daha da yaxşı olar deyə, fikirləşir. Ona görə də, qaneedicidir deyə, dayanıb durmamalıyıq. Hər zaman daha yaxşısı uğrunda çalışmalıyıq. I Avropa Oyunlarının təbliği istiqamətində Azərbaycan çox böyük işlər görüb. Dünyanın müxtəlif şəhərlərində təqdimat mərasimləri keçirilib. Bundan başqa, mükəmməl təbliğatın nəticəsidir ki, 50 ölkənin ən güclü idmançıları bu Oyunlara daha maraqla gəlirlər. Hesab edirəm ki, I Avropa Oyunlarının təbliğatı istiqamətində görülən işlər qaneedicidir.
Fuad Hüseynzadə




 
Bölməyə aid digər xəbərlər
21.09.2018
“Tələbələrin ixtisasa uyğun təcrübə qazanmaları üçün kifayət qədər imkanlar var”
18.09.2018
“Bu il sığorta bazarı 40 faizdən çox genişlənib, yığımlar artıb”
10.09.2018
“Məqsədimiz diaspor fəaliyyətinə vətəndaş dəstəyini artırmaqdır”
07.09.2018
“Ukraynada bizim güclü və mehriban komandamız var”
07.09.2018
Qan verənlər minlərlə insanın müalicəsinə böyük töhfə vermiş olurlar

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info