Yalan “Doğan” Media qrup...
Tarix: 19.06.2015 | Saat: 02:19:00 | E-mail | Çapa göndər


Türkiyənin ən böyük media təsisatlarından olan “Doğan Media Qrupu” Azərbaycan əleyhinə təbliğatına ara vermir. Qardaş ölkədəki erməni mətbuatı ilə yanaşı, Doğana məxsus KİV-lər də ölkəmizə qarşı qərəzli mövqeyi ilə seçilir. Paytaxtımızın ilk Avropa Oyunları kimi mötəbər multi-idman yarışına ev sahiblik etdiyi bir dövrdə, Qərb mətbuatının ölkəmiz əlyehinə apardığı kampaniyaya “Doğan”çılar da qoşulub.
“Kanal D”, CNN Turk kanalları, “Hürriyet”, “Radikal” və digər nəşrlərin daxil olduğu media qurumu Azərbaycana qarşı açıq-aşkar erməni mövqeyini sərgiləyir. Bir faktı xatırlatmaq kifayət edər. Ötən il Azərbacan ordusu tərəfindən Ermənistan hərbi hava qüvvələrinə məxsus döyüş helikopterinin Ağdam ərazisində məhv edilməsi CNN Turk kanalının efirində “Azərbaycan Dağlıq Qarabağa aid savaş helikopterini düşürdü” başlığı ilə təqdim edilmişdi. Bundan açıq-aydın görünür ki, kanal Ermənistan-Azərbaycan, Dağlıq Qarabağ münaqişəsi ilə bağlı istənilən xəbəri yayarkən yalnız erməni mənbələrinə istinad edir.
Və ya, Türkiyənin Ermənistanla sərhədlərinin açılması çağırışlarını edən “Doğan”çılar buna qarşı çıxan rəsmi Ankaranı “Azərbaycanın təsiri altında qalmamağa” çağırırdı.
Onu da qeyd edək ki, bu qrupa daxil olan KİV-lər üçün türkçülük dəyərləri tamamilə yaddır və türk dünyasının birliyi qətiyyən qəbul edilmir. Antitürk və antiazərbaycan mövqeyi sərgiləyən “Doğan Media Qrupu” əslində Qərb dairələri tərəfindən idarə olunur və 5-ci kolon qismində çıxış edərək öz maraqlarını həyata keçirməyə çalışır. Təsadüfi deyil ki, bu media orqanlarında vaxtaşırı olaraq Türkiyə və Azərbaycan arasında qardaşlıq münasibətləri və strateji tərəfdaşlıq əlaqələrinə qarşı məlumatlar yayılır.
Əslində, bəlkə də, “Doğan Media Qrupu”nun iki qardaş ölkə əleyhinə fəaliyyətini yeni bir hadisə kimi qəbul etmək lazım deyil. Demokratiya və söz azadlığı kimi dəyərləri əldə bayraq edən böyük güclər daim bu cür media orqanlarına maddi dəstək verərək dövlətlərə təzyiq etməyə çalışırlar. Amma Türkiyə-Azərbaycan birliyi ayrı-ayrı “doğanların” və onların sifarişçilərinin sarsıda biləcəyi birlik deyil. Bu birliyin qarşısında onlar acizdirlər...




 
Bölməyə aid digər xəbərlər
18.01.2019
Azərbaycanın müstəqil siyasətinə heç bir kənar qüvvə təsir edə bilməyəcək
18.01.2019
TÜRKSAM: “Azərbaycanın regionda dəyəri artır”
18.01.2019
Rusiya XİN-dəki ermənipərəstlər Rusiya-Azərbaycan əlaqələrindən narahatdır
18.01.2019
“İaşə müxalifəti”nin yalanlar üzərində qurulan təbliğatı...
18.01.2019
İqtisadiyyat Nazirliyində 20 Yanvar qurbanlarının xatirəsi yad edilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info