Serbiyalı idmançı: “Bakı-2015” gələcəkdə digər yarışlara örnək ola bilər”
Tarix: 22.06.2015 | Saat: 17:21:00 | E-mail | Çapa göndər


“İlk Avropa Oyunlarında hər şey ən yüksək səviyyədədir. Bu, dünyada ən səmərəli idman yarışlarından biridir. “Bakı-2015” gələcəkdə digər yarışlara örnək ola bilər”. Bu fikirləri “Palitra”ya özəl açıqlamasında Serbiya idmançısı Milutin Stefanoviç bildirdi.
Serbiyalı idmançı “Bakı-2015”-in açılış mərasiminin də çox gözəl keçdiyini dedi: “Fikrimcə, bir çox ölkələr belə açılışdan nümunə götürə bilərlər. Bu açılışa emosiyasız baxmaq olmurdu. Çox qısa oldu deyə, yorucu olmadı. Amma, həm də təsirli oldu. Maraqlıdır ki, açılışın səhəri günü biz yarışa başlayacaqdıq. Ona görə biz gəlib dincəlməli idik. Amma oradan qayıdandan sonra yatmadıq, bu açılışdan danışdıq”.
Atletlər kəndinin çox geniş olduğunu deyən Milutin Stefanoviç onlar üçün orada pulsuz xidmət göstərildiyini vurğuladı: “Atletlər kəndindən idman meydançalarına rahat şəkildə bizi aparırlar. Mən burada könüllülərin də fəaliyyətini çox yüksək qiymətləndirərdim. Biz şəhərin gəzməli yerlərini görməyə getmişdik. Könüllülər bizə kömək edir və ya istiqamət göstərirdilər. Onlar özləri bizə yaxınlaşıb hər nə köməyin lazım olduğunu təklif edirdilər”.
Onun fikrincə, “Bakı-2015” yarışları bir Avropa bayramıdır: “Bakı-2015” mənim iştirak etdiyim ilk beynəlxalq yarışdır. Mənim Rio Olimpiya Oyunlarında iştirak hüququm da var”.
Milutin Stefanoviç keçən il Qəbələ rayonunda olduğunu bildirdi: “O zaman Bakını gəzə bilməmişdim. Amma bu dəfə Bakını da gəzib dolanmışam. Və gördüm ki, Bakı çox geniş və gözəl şəhərdir. Bakının özünəməxsus sambalı və görünüşü var. Bakı, həm də çox təmiz şəhərdir. Çox nəhəng konstruksiyalı binalar tikilib. Belə desək, Bakı yerində “dayanmır”, ildən-ilə inkişaf edir”.
O, Bakı ilə Belqradın oxşar və fərqli cəhətlərinin olduğunu dedi: “Hər ikisində, demək olar ki, əhali sayı eynidir. Bakıda yeni hündürmərtəbəli binalar çoxdur, Belqradda isə qədim konstruksiyalı tikililər çoxluq təşkil edir. Belqradın bir qədim, bir də yeni hissəsi var. Bakı Belqradın yeni hissəsinə bənzəyir”. Milutin Stefanoviç Azərbaycan mətbəxini də çox bəyənib: “Atletlər kəndində bizə çoxlu yeməklər verilir. Bizə həm Avropa, həm də Azərbaycan yeməkləri təqdim olunur. Amma mən daha çox Azərbaycan yeməklərini yeməyə üstünlük verirəm”.
Fuad Hüseynzadə




 
Bölməyə aid digər xəbərlər
18.03.2019
S-400 sistemlərinin alınması ABŞ-Türkiyə münasibətlərində ciddi problemlər yaradır
17.03.2019
Prezidentin əfv Sərəncamı xalqımızın bayram əhval-ruhiyyəsini daha da yüksəldib
17.03.2019
Prezident İlham Əliyevin son Sərəncamı əsl humanizm nümunəsidir
16.03.2019
Azərbaycan xalqlar arasında qarşılıqlı anlaşmanın təmin olunmasına böyük töhfə verir
16.03.2019
Mehriban Əliyeva sayəsində Azərbaycanda gimnastikanın inkişafı üçün ən yaxşı şərait yaradılıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info