Samboçularımız “Bakı-2015”-i dörd gümüş medalla başa vurublar
Tarix: 23.06.2015 | Saat: 16:29:00 | E-mail | Çapa göndər


İyunun 22-də “Bakı-2015” birinci Avropa Oyunlarında sambo yarışlarında səkkiz çəki dərəcəsi üzrə qaliblər müəyyənləşib.
Heydər Əliyev adına İdman Sarayında keçirilən yarışda Azərbaycan tam heyətlə təmsil olunub və samboçularımız dörd gümüş medal qazanıblar.
Qadınların 52 kiloqram çəki dərəcəsində yarışında mübarizəyə qoşulan idmançımız Nəzakət Xəlilova dörddəbir final mərhələsində rumıniyalı Kodrina İoneskuya, yarımfinalda isə litvalı Ruta Aksionovaya qalib gəlib. Finalda Azərbaycan samboçusu Nəzakət Xəlilova rusiyalı Anna Xaritonovaya ciddi müqavimət göstərə bilməyib və gümüş medalla kifayətlənməli olub. Bu çəki dərəcəsində bürünc medalları litvalı Ruta Aksionova və bolqarıstanlı Maqdalena Varbanova qazanıblar.
Şəhanə Hüseynova (60 kq) bürünc medal uğrunda mübarizədə belaruslu Katarina Prakapenka ilə qarşılaşıb və idmançımız rəqibinə məğlub olub. Digər bürünc medala rumıniyalı Daniela Hondiu sahib çıxıb. Bu çəki dərəcəsində qızıl medalı bolqarıstanlı Kalina Stefanovaya qalib gələn rusiyalı Yana Kostenko qazanıb.
Qadınlar arasında 64 kiloqram çəki dərəcəsində qızıl medala belaruslu Tatyana Matsko sahib olub. O, finalda ukraynalı Alena Saykoya qalib gəlib. Fransalı Sara Loko və rusiyalı Anna Şerbakova bürünc medala yiyələniblər.
Yarışda qadın samboçumuz Nərminə Əlizadə (68 kq) bürünc medal uğrunda mübarizədə fransalı Selin Kondeyə məğlub olub. Digər bürünc medalı isə rusiyalı Olqa Zakartsova qazanıb. Qızıl medal uğrunda görüşdə serbiyalı İvana Jandriç belaruslu Volya Namazavaya qalib gələrək birinci Avropa Oyunlarının qalibi adını qazanıb.
Kişi samboçumuz İslam Qasımov (57 kq) dörddəbir final mərhələsində Rumıniya təmsilçisi Orlando Qruiaya, yarımfinalda isə gürcüstanlı Vaxtanqi Çidraşviliyə qalib gəlib. Avropa və dünya çempionu İslam Qasımov finalda rusiyalı Aymergen Atkunova məğlub olaraq birinci Avropa Oyunlarının gümüş mükafatı ilə kifayətlənib. Belaruslu Vladislav Burdz və Gürcüstan samboçusu Vaxtanqi Çidraşvili isə yarışı üçüncü pillədə başa vurublar.
Mübarizəyə dörddəbir final mərhələsindən qoşulan Amil Qasımov (74 kq) ilk görüşünü qələbə ilə başa vurub. Gürcüstanlı Kaxa Mamulaşviliyə tam üstünlüklə qalib gələn samboçumuz yarımfinala yüksəlib. Növbəti rəqibi bolqarıstanlı Martin İvanovu da məğlub edən samboçumuz finalda Belarus idmançısı Stepan Papova uduzaraq yarışı ikinci pillədə tamamlayıb. Bu çəki dərəcəsində bürünc medalları isə rusiyalı Azamat Sidakov və gürcüstanlı Kaxa Mamulaşvili qazanıblar.
Doxsan kiloqram çəki dərəcəsində qızıl medalı Rusiya samboçusu Alsim Çernaskulov, gümüş mükafatı belaruslu Andrey Kazusionak, bürünc medalları isə gürcüstanlı Davit Kerbalaşvili və litvalı Radvilas Matukas əldə ediblər.
Yarışda 100 kiloqramdan yuxarı çəki dərəcəsində mübarizə aparan idmançımız Vasif Səfərbəyov dörddəbir final mərhələsində makedoniyalı Bajro Maşoviçə, yarımfinalda isə ukraynalı Razmik Tonoyana qalib gələrək həlledici mərhələyə yüksəlib. Samboçumuz finalda rusiyalı rəqibi Artyom Osipenkodan üstün ola bilməyib və “Bakı-2015”-i ikinci olaraq başa vurub. Bu çəki dərəcəsində belaruslu Yuri Rıbak və ukraynalı Razmik Tonoyan yarışı üçüncü pillədə başa vurublar.
Bununla da “Bakı-2015”-də sambo üzrə yarışlara yekun vurulub. Samboçularımız üçün bir o qədər uğurlu olmayıb.
Tural




 
Bölməyə aid digər xəbərlər
18.11.2018
Paracüdoçularımız dünya çempionatını on medalla başa vurublar
18.11.2018
UEFA Millətlər Liqası: İngiltərə növbəti mərhələyə yüksəlib
18.11.2018
Azərbaycan gimnastı Abdulla Əl-Məşayxi: Mübarizə çətin idi
18.11.2018
“Messi ilə Ronaldo Qızıl Top-a layiq deyillər”
18.11.2018
Millətlər Liqası: Türkiyə İsvevçə məğlub oldu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info