“Bakı Olimpiya Stadionu Olimpiada üçün hazırdır”
Tarix: 26.06.2015 | Saat: 00:59:00 | E-mail | Çapa göndər


“Avropa Atletika Assosiasiyası bizim gözəl stadionumuzu görüb,
yeniyetmə, gənclər və böyüklər arasında yarışların təşkilatçılığını
təklif edir”


“Bakı Olimpiya Stadionunda çoxsaylı atletika yarışı keçiriləcək. 2017-ci ildə Bakıda baş tutacaq İslam Həmrəylik Oyunlarının proqramına atletika növü daxildir”. Bunu Azərbaycan Milli Olimpiya Komitəsinin vitse-prezidenti Çingiz Hüseynzadə deyib. Azərbaycan Atletika Federasiyasının prezidenti olan Ç.Hüseynzadə bildirib ki, yeni inşa olunan Bakı Olimpiya stadionu idmanın atletika növü üzrə böyük miqyaslı yarışları qəbul edə bilər:
“Hazırda Avropa Atletika Assosiasiyası ilə danışıqlar aparılır. Qurum nümayəndələri bizim gözəl stadionumuzu görüb, yeniyetmə, gənclər və böyüklər arasında yarışların təşkilatçılığını təklif edir. Bu turnirlər arasında Avropa Çempionatı da var. Növbəti ilin təqvimi tərtib olunmağa başlayanda, bu mövzuda daha konkret danışmaq olar”.

Ç. Hüseynzadə qeyd edib ki, I Avropa Oyunlarının açılış mərasimi və atletika yarışlarının keçirildiyi idman qurğusunun Dünya Çempionatını da qəbul etməsi mümkündür: Mən “Brilyant liqa”nın mərhələsi və hətta yay Dünya Çempionatını nəzərdə tuturam. Avqustda Çinin paytaxtı Pekində Beynəlxalq Atletika Federasiyaları Assosiasiyasının prezidenti postuna seçkilər olacaq. Bu quruma yeni rəhbər təyin olunandan sonra onunla gələcəkdə ən böyük atletika yarışlarının Bakıda keçirilməsi barədə söhbət edəcəyik”. İyunun 12-də Avropa Oyunlarının açılış mərasiminin keçirildiyi arena ayın 28-də bağlanışı da qəbul edəcək. Ç. Hüseynzadə bildirib ki, müasir idman qurğusu Olimpiya Oyunlarında da analoji tədbirləri qəbul etmək gücündədir: “Stadion Olimpiya Oyunlarının açılış və bağlanış mərasimlərini keçirmək üçün də hazırdır. Beynəlxalq Olimpiya Komitəsinin tələblərinə əsasən, bu mərasimlər üçün ən azı 80 min tamaşaçı tutumu olmalıdır. Bakı Olimpiya stadionu hazırda 68 min tamaşaçı tutumuna malikdir. Lakin arenanın layihələşdirilməsi zamanı əlavə tribunalar hesabına bu rəqəmin artırılmasının mümkünlüyü də nəzərə alınıb”.
Anar




 
Bölməyə aid digər xəbərlər
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib
15.11.2018
Qaçaq yolla dərman gətirilməsi cəhdinin qarşısı alınıb
15.11.2018
Bu vulkanların ətrafında yaşayanlar üçün ciddi təhlükə var
14.11.2018
Bələdiyyə loqo müsabiqəsi elan edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10483

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info