CEV prezidenti Bakının hazırlığını yüksək qiymətləndirib
Tarix: 26.06.2015 | Saat: 01:22:00 | E-mail | Çapa göndər


Andre Meyer: “Azərbaycan I Avropa Oyunlarını uğurlu şəkildə təşkil edib, bununla da beynəlxalq miqyasda mövqeyini bir qədər də gücləndirdi”

Bakıda Avropa Voleybol Konfederasiyasının (CEV) rəsmi şəxsləri ilə Azərbaycan və Gürcüstan Voleybol federasiyalarının nümayəndələri arasında görüş keçirilib.

Görüşdə I Avropa Oyunlarını izləməyə gələn CEV-in prezidenti Andre Meyer və vitse-prezidenti Yan Xronek, Azərbaycan Voleybol Federasiyasının (AVF) baş katibi Elşən İsmayılov və icraçı-direktoru Mixail Frişman, həmçinin Gürcüstan Voleybol Federasiyasının (GVF) prezidenti İrakli Çaçua və baş katibi Andriya Lejava iştirak ediblər. Azərbaycan və Gürcüstan qadın voleybolçular arasında 2017-ci ildə keçiriləcək Avropa Çempionatına ev sahibliyi edəcək. Görüşdə məhz bu məsələ ilə bağlı müzakirələr aparılıb, hər iki ölkənin yarışın təşkilatçılığını yüksək səviyyədə yerinə yetirəcəyi bildirilib.
CEV-in prezidenti Andre Meyer Azərbaycanın I Avropa Oyunlarına layiqli şəkildə ev sahibliyi etdiyini bildirib. O qeyd edib ki, təşkilatçı ölkələr bu missiyanın öhdəsindən gələ biləcəklər: “Avropa Çempionatına hələ 2 il vaxt qalsa da, artıq təşkilatçı ölkələr bu yöndə işlərə başlayıblar. Azərbaycan I Avropa Oyunlarını uğurlu şəkildə təşkil edib, bununla da beynəlxalq miqyasda mövqeyini bir qədər də gücləndirdi. Gürcüstanda isə bu il gənclərin Avropa Olimpiya Festivalı keçiriləcək və bunu səbirsizliklə gözləyirik. Bir sözlə, 2017-ci ildə keçiriləcək voleybol üzrə Avropa çempionatını təşkil etməyə hər iki ölkənin təcrübəsi imkan verəcək. Əminik ki, Azərbaycan və Gürcüstan ideal atmosfer yaradacaqlar. Avropa Oyunları artıq başa çatmaq üzrədi. Fanatlar indidən daha bir mötəbər yarışı, voleybol üzrə Avropa Çempionatını səbirsizliklə gözləyə bilərlər”. Qeyd edək ki, AVRO-2017-nin həlledici matçlarının Azərbaycan və Gürcüstanda keçirilməsi ilə bağlı qərar Avropa Voleybol Konfederasiyasının Antalyada keçirilən konqresində qəbul edilmişdi.
Yarışın böyük hissəsinə ölkəmiz sahiblik edəcək. Gürcüstanda cəmi 1 qrupun oyunları və 1/4 final matçları baş tutacaq. Digər 3 qrup - biri Quba, ikisi Bakıda olmaqla, Azərbaycanda mübarizə aparacaq. Çempionatın həlledici qarşılaşmaları - yarımfinal və final oyunları paytaxtımızda gerçəkləşəcək.




 
Bölməyə aid digər xəbərlər
23.09.2018
Bu gün cüdo üzrə dünya çempionatında 81 və 63 kiloqram çəki dərəcələrində yarışlar keçiriləcək
23.09.2018
İspaniya La Liqası: “Real Madrid“ dördüncü qələbəsini qazanıb
22.09.2018
Topaz Premyer Liqası: “Neftçi“ növbəti qələbəsini qazanaraq liderliyini qoruyub
22.09.2018
İngiltərə Premyer Liqası: “Mançester Yunayted“ doğma meydanda xal itirdi
22.09.2018
Hidayət Heydərov yarımfinala yüksəlib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info