37 ölkəni qabaqlayan 16 yaşlı çempion
Tarix: 29.06.2015 | Saat: 23:32:00 | E-mail | Çapa göndər


“Bakı-2015” I Avropa Oyunlarında ən çox medal qazanan idmançılar müəyyənləşib. 7 dəfə çempion adına yiyələnən 16 yaşlı rusiyalı üzgüçü Arina Openışeva yarışların rekordçusu olub. O, 7 qızılla yanaşı, 1 gümüş medala da sahib çıxıb. Bu göstərici ilə o, Avropa Oyunlarına qatılan 50 ölkədən 37-ni qabaqlayıb. Yalnız qeyri-rəsmi komanda hesabında ilk 13 yeri tutanlar Arinadan öndə qərarlaşıb.
Digər rusiyalı üzgüçü Mariya Kamenova ümumi medal sayında rekord vurub. Həmyerlisi ilə müqayisədə qızılı az olan Kamenova 9 dəfə fəxri kürsüyə qalxıb. O, 6 qızıl, 1 gümüş və 2 bürüncə yiyələnib. 6 çempionluq yaşayan daha bir idmançı - Polina Yeqorova da Rusiya üzgüçüsüdü. Qızıldan başqa mükafat qazanmayan idmançı ümumi siyahıda 3-cüdü. Bu 3 idmançının aktivindəki 19 qızıl isə yalnız Azərbaycanın çempionluğundan azdı. Digər 48 iştirakçı ölkə isə rusiyalı “üçlüy”ə həsəd apara bilər. Ümumilikdə, “Bakı-2015” I Avropa Oyunlarında 10 idmançı 5 və daha çox medal qazanıb. Bu rekordçuların 9-u üzgüçülük, 1-i idman gimnastikasını təmsil edir. Üzgüçü olmayanlar arasında siyahıya düşən yeganə idmançı isə Azərbaycan gimnastı Oleq Stepkodur. Təmsilçimizin yer aldığı “onluq”da 5 qadın, 5 kişi idmançı yer alıb. İlk 3 pilləsində qadınların yer aldığı cədvəldə ən yaxşı kişi atlet Dmitri Paxomovdu. Rusiyalı üzgüçü 4 qızıl və 1 gümüşə sevinib. Kişilər arasında yalnız 1 iştirakçı - medalların ümumi sayında Stepkonu arxada qoyub. Bu, böyük britaniyalı üzgüçü Dsnkan Skottdu. Onun hesabında 6 mükafat var. Stepko və digər 3 kişi idmançı 5 dəfə fərqlənib.
Maraqlıdır ki, 5 və daha çox medal alanlar arasında çempionluğa həsrət qalan da var. Bu da rusiyalı qız üzgüçülərin kölgəsində qalan böyük britaniyalı Jorjia Koatesdir. 5 və daha çox medal qazananların siyahısında Rusiya və Böyük Britaniya hərəyə 4, Azərbaycanla Hollandiya isə 1 idmançı ilə təmsil olunub. İlk “onluq”da yer alan 4 idmançı dörd və daha çox qızıl medala yiyələnib. Onlardan başqa üzgüçülər Anton Çupkov, Mariya Astaşkina, Vasilisa Buynaya və bədii gimnast Yana Kudryavtseva da eyni sayda çempionluq yaşayıb. Lakin onlar elə 4 medalla kifayətlənib.
Qeyd edək ki, 17 gün ərzində 253 dəst mükafat üçün mübarizə aparan 50 ölkə təmsilçisinin yarışı sona çatıb. Son günü medalsız başa vuran Azərbaycan yığması ümumilikdə 2-ci yeri tutub.
21-i qızıl, 15-i gümüş, 20-si bürünc olmaqla, 56 medala yiyələnən millimiz yalnız Rusiyadan geri qalıb. Şimal qonşularımız 79 dəfə çempionluq yaşayıb. 40 gümüş və 45 bürüncü də olan rusiyalılar 164 medala sahib çıxıb. İlk “üçlük”də Böyük Britaniya yığması da yer alıb. Almaniya 4-cü, Fransa 5-ci, İtaliya isə 6-cı yerlə kifayətlənib. 29 medal qazanan qonşu Türkiyə 14-cü pillə ilə kifayətlənib.
Ümumilikdə isə “Bakı-2015”də 844 medalın sahibi bəlli olub. 253 qızıl və gümüşlə yanaşı, 338 bürünc mükafat oynanılıb. Bunlara 50 iştirakçı ölkədən 42-nin idmançıları yiyələnib. Onlardan 31-i çempionluq qazanmağı bacarıb. Lüksemburq, Malta, Bosniya və Herseqovina, Andorra, Albaniya, İslandiya, Lixtenşteyn, və Monako isə “Bakı-2015”i medalsız tərk edib.




 
Bölməyə aid digər xəbərlər
23.02.2019
“Barselona“ “Sevilya“nı məğlubiyyətə uğradıb
23.02.2019
İngiltərə Premyer Liqası: “Tottenhem” səfərdə məğlub oldu
23.02.2019
“Mançester Siti” Emerik Laport ilə yeni müqavilə imzalayıb
22.02.2019
Rusiya Futbol İttifaqının yeni prezidenti məlum oldu
22.02.2019
Pauerliftinq üzrə Paralimpiya yığmamızın üzvləri ilə görüş keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 1400 manat maaşla sürücü axtarılır
5 “İnternet medianın getdikcə daha da aktivləşməsi tendensiyasını müşahidə edirik”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info