Bob Bləkmən: “Xocalı soyqırımı Azərbaycana qarşı böyük ədalətsizlikdir”
Tarix: 02.07.2015 | Saat: 16:14:00 | E-mail | Çapa göndər


Avropa Azərbaycan Cəmiyyətinin təşkilatçılığı ilə Böyük Britaniya parlamentində “Xocalı: Ermənistanın müharibə cinayətinin təsdiqi” kitab-məcmuəsinin təqdimatı olub.
Tədbirdə çıxış edən Britaniya Parlamentinin üzvü Bob Bləkmən Xocalı faciəsi haqqında məlumat verib. Ermənistan-Azərbaycan, Dağlıq Qarabağ münaqişəsi ilə bağlı BMT-nin qətnamələrinə indiyədək əməl edilməməsini nümunə göstərən deputat Xocalı soyqırımının ölkəmizə qarşı böyük ədalətsizlik adlandırıb. Kitab-məcmuə haqqında fikirlərini bildirən B.Bləkmən hadisə haqqında hüquqi sənədlərin qeydiyyatı və arxivdə saxlanılması baxımından əhəmiyyətini vurğulayıb.
Azərbaycanın Böyük Britaniyadakı səfiri Tahir Tağızadə Xocalı soyqırımı və dəhşətli müharibə haqqında ətraflı məlumat verib. Bu ədalətsizliyi ermənilərin özlərinin də qəbul etdiyini deyən səfir hətta Ermənistanda rəsmi olaraq nəşr edilən kitablarda Xocalıda törədilən vəhşiliklər müzakirə edilir, əliyalın əhalinin amansızlıqla qətlə yetirilməsindən bəhs olunur. Səfir bu ədalətsizlikərin və vəhşiliklərin beynəlxalq ictimaiyyətə çatdırılmasının, dünyada bir daha bu cür hadisələrin baş verməməsi baxımından da böyük əhəmiyyət kəsb etdiyini bildirib. Diplomat kitab-məcmuənin hüquqi baxımdan əhəmiyyətini vurğulayıb, layihənin təşkilatçılarına minnətdarlığını ifadə edib.
T.Tağızadə deyib: “Dağlıq Qarabağ problemi bizim əsas məsələmizdir. Münaqişə ədalətli həllini tapana qədər ölkəmiz üçün ən vacib məsələ olaraq qalacaq”.
Kitabın redaktoru İan Peart kitab-məcmuənin ərsəyə gətirilməsində görülən işlər haqqında məlumat verib. İ.Peart Xocalı soyqırımı haqqında rəsmi sənədləri araşdırarkən, faciə barəsində dəhşətli faktlarla qarşılaşdığını bildirib. Azərbaycana qarşı bu cinayəti törədənlərin layiqli cəzalarını tezliklə tapacaqlarına ümidvar olduğunu diqqətə çatdırıb.
“Links” araşdırma mərkəzinin direktoru Dennis Sammut Xocalı faciəsinin beynəlxalq hüquq normalarına əsasən bir cinayət olduğunu bildirib. Əliyalın əhaliyə divan tutulması, yurd-yuvalarından didərgin salınması insanlığa sığışmayan bir hərəkətdir. O, kitab-məcmuənin bu gerçəklərin bir araya toplanması və dünya ictimaiyyətinə çatdırılması baxımından vacib olduğunu diqqətə çatdırıb.
Sonda iştirakçıların sualları cavablandırılıb.
Tural




 
Bölməyə aid digər xəbərlər
21.02.2019
Mayk Pompeo RUA telekanalına müsahibә verdi
20.02.2019
Ermənistan vətəndaşlarının Türkiyədə olmasının səbəbi ölkələrindəki iqtisadi böhrandır
20.02.2019
İsrailin Baş naziri Moskvaya səfərini təxirə salıb
20.02.2019
İngiltərədə Mühafizəkarlar partiyasından olan üç deputat partiya sıralarını tərk edib
20.02.2019
Suriyanın yeni konstitusiyası hazırlanacaq

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10609

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info