Səfir: “Azərbaycan Türkiyənin ən mühüm və etibarlı tərəfdaşıdır”
Tarix: 02.07.2015 | Saat: 17:15:00 | E-mail | Çapa göndər


“Azərbaycanla Türkiyə arasında uzunmüddətli əməkdaşlıq yaradılıb və Azərbaycan Türkiyənin ən mühüm və etibarlı tərəfdaşıdır”.
"Caspian Energy İnternational Media Group"dan bildirilib ki, bu sözləri Türkiyənin Azərbaycandakı səfiri İsmayıl Alper Coşqun "Caspian Energy İnternational Media Group"un prezidenti və baş redaktoru Natalya Əliyeva və redaksiyanın əməkdaşları ilə keçirdiyi görüşdə səsləndirib.
Görüşdə "Caspian European Club" və "Caspian Energy İnternational Media Group" çərçivəsində əməkdaşlığın genişləndirilməsi imkanları, həmçinin Türkiyə iqtisadiyyatının inkişafına həsr olunan xüsusi nömrənin buraxılışı müzakirə olunub.
Səfir İsmayıl Alper Coşqun "Caspian European Club" və "Caspian Energy İnternational Media Group"un fəaliyyətini yüksək qiymətləndirib. O qeyd edib ki, "Caspian Energy" jurnalının iqtisadiyyat və energetika bölmələri Türkiyədə xüsusi maraqla qarşılanır. Diplomat www.caspianenergy.net saytında və dünyanın 50 ölkəsində yayılan "Caspian Energy" jurnalında nəşr olunan məqalə və materialları izlədiyini bildirib.
Səfir, "Caspian Energy" jurnalının səhifələrində Türkiyə iqtisadiyyatı ilə bağlı məqalə və müsahibələrin dərcində maraqlı olduğunu diqqətə çatdırıb.
Sonra İsmayıl Alper Coşqun "Caspian Energy" jurnalına eksklüziv müsahibə verib. Azərbaycanla Türkiyə arasındakı əməkdaşlığın perspektivlərindən danışan səfir vurğulayıb ki, iki ölkə arasında uzunmüddətli əməkdaşlıq yaradılıb və Azərbaycan Türkiyənin ən mühüm və etibarlı tərəfdaşıdır.
“Xüsusi əhəmiyyətə malik olan Azərbaycan-Türkiyə əlaqələri sadəcə iki ölkə arasındakı rəsmi və ənənəvi münasibətlərə əsaslanmır. Biz Azərbaycana təkcə enerji mənbəyi və ya ixracat həyata keçirdiyimiz bazar kimi baxmırıq. Azərbaycan bizim üçün mühüm tərəfdaş və qardaş ölkədir. Ümumi keçmişimiz olduğu kimi biz ümumi gələcəyə də böyük ümidlər bəsləyirik”, - deyə səfir vurğulayıb.
Enerji əməkdaşlığı məsələsinə də toxunan səfir “Cənub" qaz dəhlizi çərçivəsində həyata keçirilən layihələrin əhəmiyyətini xüsusilə vurğulayıb.
Tural




 
Bölməyə aid digər xəbərlər
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq
17.11.2018
KTMT-nin Ermənistan problemi: Azərbaycan-Belarus əməkdaşlığına rəsmi İrəvanın qısqanclığı
17.11.2018
Parisin qeyri-adekvat siyasəti Fransanın ATƏT Minsk qrupunda iştirakını şübhə altına alır
16.11.2018
Humanist addıma kölgə salmaq istəyənlər uğursuzluğa məhkumdur
16.11.2018
İlqar Orucov: Bu gün Azərbaycanı dünyada uğurla təbliğ edən yüksək hazırlıqlı gənclər ordusu formalaşıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info