“Global Research”: “Yunanıstanın iflasdan çıxış yolu BRİKS-dir”
Tarix: 03.07.2015 | Saat: 01:49:00 | E-mail | Çapa göndər


Yunanıstanda iqtisadi vəziyyət daha da pisləşə bilər. Belə ki, iyunun 30-da Beynəlxalq Valyuta Fonduna kredit borcunu ödəyə bilməyən ölkə artıq iflas vəziyyətinə düşüb. Kanadanın “Global Research” nəşrinin yazdığına görə, BRİKS kreditorların təzyiqi altında olan Yunanıstan üçün yaxşı bir seçim ola bilər.
Xatırladaq ki, Rusiyanın maliyyə nazirinin müavini Sergey Storçak hələ may ayında Yunanıstanın baş naziri Aleksis Çiprasa BRİKS-in altıncı üzvü olmağı təklif etmişdi. Həmin ərəfədə baş nazir tərəfindən nümayiş etdirilən maraq ölkənin birliyə üzv olmaq istəyini nümayiş etdirirdi. Birliyə qoşulmaq Yunanıstana BRIKS İnkişaf Bankının çıxış imkan verəcək. “Bankın əsas məqsədi Qərbin maliyyə bazarlarındakı üstünlüyünə son qoymaq və aparıcı kredit təşkilatlarından biri olmaqdır. Bu baxımdan Rusiya və Çin Yunanıstana maliyyə dəstəyi verə bilər. Bunları nəzərə alan Afina BRİKS təşkilatına daxil olan digər dövlətlərlə də Yunanıstanın təşkilata mümkün üzvlüyü ilə bağlı danışıqlar aparırlar. Bu danışıqlar iyulun 9-10-da Ufada keçiriləcək sammitə qədər davam edəcək” deyə, “Global Research” nəşrində yer alan məqalədə qeyd edilir. Artıq Yunanıstanın müdafiə nazirinin müavini Kostas İsixos bu məsələyə müsbət münasibət bildirib. Onun fikrincə, əgər ölkə vətəndaşları referendumda irəli sürülən şərtlərlə razılaşsa, bu halda Yunanıstan Avropanın iqtisadi müstəmləkəsinə çevrilmiş olacaq. Məqalədə qeyd edilir ki, bütün bunlar kreditorların o qədər də marağında deyil və onlar ölkədəki acınacaqlı vəziyyətin daha da pisləşməsini istəyirlər: “Kreditorlar Yunanıstanın iqtisadi cəhətdən bərpasında maraqlı deyillər. Onlar ölkəni boşaltmaq və aktiv biznesdən məhrum etmək istəyirlər”. Xatırladaq ki, Yunanıstan Avropa Birliyi və Beynəlxalq Valyuta Fondu ilə 2010-cu və 2012-ci illərdə yunan büdcəsini xilas etmək üçün yaranan 240 milyard avrodan artıq borcun həlli ilə əlaqədar danışıqlar aparır. Ölkədə qənaət hesabına borcların qaytarılması barədə kreditorların verdiyi proqnozlar özünü doğrultmayıb. Yunanıstan tərəfi iyunun 26-da büdcəyə qənaət barədə yeni tədbirlərlə əlaqədar kreditorlarla danışıqlardan ayrıldı. İyunun 27-də isə danışıqlara xitam verən Avroqrup yardım proqramının etibarlığının iyunun 30-da başa çatdığını bildirdi. Beləliklə, BVF-nin Afinaya ayırdığı 1,6 milyard avro məbləğində güzəştli ödənişlər Yunanıstandakı bankların altı iş günü müddətində bağlı olması ilə əlaqədar həyata keçirilə bilmədi. Xatırladaq ki, Yunanıstan Maliyyə Nazirliyinin verdiyi məlumatına görə, ölkə borcunun ümumi məbləği bu ilin aprelin 1-nə 312.7 milyard avro təşkil edib. Bu borcun 184 milyardı Avropa Maliyyə Sabitlik Fonduna və Almaniya, Fransa, Estoniya və Slovakiya kimi ölkələrədir. Yunanıstan dövlətinin 27 milyard avro Avropa Mərkəzi Bankına, 21 milyard avro isə Beynəlxalq Valyuta Fonduna borcu var.
Ağasəf Babayev




 
Bölməyə aid digər xəbərlər
23.02.2019
Erməni müxalifəti: Paşinyan ziddiyyətli bəyanatların sayına görə rekorda imza atıb
23.02.2019
Rusiyaya gələn miqrantların sayı azalır
22.02.2019
Ermənilər ayağa qalxdı: Sərkisyan bundan daha yaxşı idi
22.02.2019
Yerevanda taksi sürücüləri aksiya keçirib
22.02.2019
Moldova dövlət başçısına sui-qəsd təşkil ediləcək

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 1400 manat maaşla sürücü axtarılır
5 “İnternet medianın getdikcə daha da aktivləşməsi tendensiyasını müşahidə edirik”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info