“Rusiya-Çin əməkdaşlığı dünyanı dəyişir”
Tarix: 08.07.2015 | Saat: 00:22:00 | E-mail | Çapa göndər


“Yeni bir qlobal yanaşma ortaya qoyan bu ölkələr Qərb modelinə alternativ olan yeni diplomatiyanın təşviqində ortaq maraq nümayiş
etdirir”

Britaniyanın gündəlik “The Guardian” nəşrinin yazdığına görə, Rusiya və Çin- rəqib olmasına baxmayaraq, bu, onların birləşərək yeni dünyada siyasi güc mərkəzi yaratmasına mane olmur.
Doğrudur, bu ölkələr arasındakı münasibətlər ziddiyyətdən də xali deyil, bununla belə, iki ölkəni ABŞ hegemonluğuna qarşı müqavimətdə ümumi arzu birləşdirir. BRİKS və Şanxay Əməkdaşlıq Təşkilatının bu həftə Ufada kçiriləcək sammitinə toxunan nəşr Moskvanın dünyanın ən sürətlə inkişaf edən ərazilərdə aparıcı rol oynayacağını bildirir. Nəşr yazır ki, Moskva və Pekin arasında 4 min km-dən artıq sərhəd olmaqla yanaşı, onları bir araya gətirən çox ümumilikləri var. Hər iki ölkənin iqtisadiyyatında dövlət şirkətləri üştünlük təşkil edir.
“The Guardian” iddia edir ki, Kreml rəsmiləri yeni Şərq Alyansının yaradılmasını, Çin ilə hərbi blok variantında birlik yaradılmasını inkar edərək, dünya siyasətinə yeni bir qlobal yanaşmadan söhbət getdiyini bildirir. Lakin görünən budur ki, hər iki dövlətin ən ümdə arzusu Amerikanın dünyadakı təsirini məhdudlaşdırmağa hesablanıb. Karbohidrogen və ucuz istehlak malları sahəsində öz ticarətlərini artıran bu ölkələr Qərb modelinə alternativ olan yeni diplomatiyanın təşviqində ortaq maraq nümayiş etdirirlər. Nəşrə görə, son on il ərzində Rusiya ilə Çin arasında ticarətin həcmi altı dəfə artıb. Ötən il iki ölkə arasındakı ən böyük qaz müqaviləsi imzalanıb. Bu yay isə iki ölkənin hərbi gəmiləri Aralıq dənizinin şərqidə “müharibə oyunu” oynadılar. Bu ilin sentyabrın da isə iki ölkə başçısı Pekində, II Dünya müharibəsinin 70 illik yubileyinə həsr olunmuş tədbirdə çiyin-çiyinə dayanacaq. Rusiya ilə Çinin qarşılıqlı əlaqələrinin müxtəlif sahələrini- geosiyasət, ticarət, enerji, valyuta dövriyyəsi, hərbi sahədə əmkdaşlıqlarını təhlil edən nəşr iki ölkə arasındakı strateji tərəfdaşlığı zamanın diqtəsi kimi xarakterizə etsə də, bu əməkdaşlığın ABŞ və Yaponiya kimi ənənəvi hərbi ittifaqlarlardan tamamilə fərqli olduğunu qeyd edir. Və əlavə edir ki, hər iki dövlət Qərb dünyası ilə əməkdaşlıq əlaqələrinin inkişafını istisna etmir.
Ağasəf Babayev




 
Bölməyə aid digər xəbərlər
25.09.2018
Azərbaycan-Ermənistan dövlət sərhədində növbəti monitorinq keçiriləcək
25.09.2018
Prezident İlham Əliyev Avropa İnvestisiya Bankının vitse-prezidentinin başçılıq etdiyi nümayəndə heyətini qəbul edib
25.09.2018
Bakıda Səudiyyə Ərəbistanının milli bayramı qeyd edilib
25.09.2018
Azərbaycanın XİN rəhbəri GUAM-Yaponiya Nazirlər görüşündə iştirak edib
24.09.2018
XİN yayılan məlumatı araşdırır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10140

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info