Silahlı Qüvvələr üçün 1440 sürücü hazırlanıb
Tarix: 08.07.2015 | Saat: 01:03:00 | E-mail | Çapa göndər


“Hərbi Vətənpərvərlik və Mütəxəssis Hazırlığı Mərkəzi” MMC-də hesabat müşavirəsi keçirilib. Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) ictimaiyyətlə əlaqələr şöbəsindən bildiriblər ki, müşavirədə çıxış edən Cəmiyyətin sədri Şahvələd Əliyev cari ilin birinci yarımilinin MMC-nin maddi-texniki bazasının möhkəmləndirilməsi, hüquqmüəyyənedici sənədlərin təkmilləşdirilməsi, normal iş mühitinin yaradılması, tədbirlərin təşkili və keçirilməsi baxımından uğurlu olduğunu söyləyib.
Müşavirədə xüsusi hərbi və texniki ixtisaslar üzrə mütəxəssislərin hazırlığına toxunan Şahvələd Əliyev qeyd edib ki, 2015-ci ilin birinci tədris mərhələsi üzrə Silahlı Qüvvələr və ölkə qanunvericiliyinə uyğun olaraq yaradılmış başqa silahlı birləşmələr üçün 1440 sürücü, I və II tədris mərhələsi üzrə 187 aşpaz, 144 rabitəçi və 73 paraşütçü mütəxəssis hazırlanıb. Bundan əlavə, 130 həvəskar paraşütçü, habelə təsərrüfat hesablı hazırlıq planına uyğun olaraq 14865 sürücü-mütəxəssis hazırlanıb ki, bu da illik planın 42,9 faizini təşkil edir. Snayper xüsusi hərbi ixtisası üzrə mütəxəssislərin hazırlığı barədə məlumat verən Cəmiyyətin sədri 2015-ci ilin I tədris mərhələsi üzrə sifarişə uyğun olaraq, Silahlı Qüvvələr üçün müvafiq sayda snayperçinin hazırlandığını diqqətə çatdırıb. Bu ixtisas üzrə hazırlıq keçən çağırışçıların praktiki vərdişlərinə xüsusi önəm verildiyi, bu məqsədlə tədris proqramına uyğun olaraq tədris müddətində müdavimlərlə mütəmadi olaraq interaktiv və atıcılıq tirlərində, o cümlədən poliqonda SVD snayper tüfəngi və AK-74 silahlarından praktiki atışların gerçəkləşdirildiyi bildirilib. Həmçinin təlimlərdə istismar edilməsi məqsədilə əlavə olaraq iki ədəd yeni “Hyundai Accent” markalı minik avtomobilinin alınması barədə məlumat verilib. Daha sonra məruzələr dinlənilib, qarşıya çıxan problemlərin yaranma səbəbləri, həlli yolları müzakirə edilib, tapşırıq və tövsiyələr verilib. Müşavirədə Cəmiyyətin filial direktorları, direktor müavinləri və mühasiblər iştirak ediblər.




 
Bölməyə aid digər xəbərlər
25.05.2019
Ordubadlı nümunəvi ailə təsərrüfatlarının iş təcrübələri muxtar respublikada yayılır
25.05.2019
Beyləqandakı əmək yarmarkasında 54 nəfər işə göndəriş alıb
24.05.2019
Tikinti mühəndisi vəzifəsinə işçi axtarılır
24.05.2019
“Gilan Holding“ işçi axtarır
24.05.2019
Bank mütəxəssis axtarır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info