Naxçıvanda həkim və tibb işçilərinə ixtisas dərəcələri veriləcək
Tarix: 08.07.2015 | Saat: 18:18:00 | E-mail | Çapa göndər


Naxçıvan Muxtar Respublikası Səhiyyə Nazirliyinin tabeliyindəki tibb müəssisələrində çalışan həkim və orta tibb işçilərinə bu ildən ixtisas dərəcələrinin verilməsinə başlanılacaq. Bu məqsədlə Naxçıvan Muxtar Respublikası Səhiyyə Nazirliyində ixtisas komissiyası yaradılıb.
Naxçıvan Muxtar Respublikası Səhiyyə Nazirliyinin mətbuat xidmətindən bildirilib ki, büdcədən maliyyələşdirilən səhiyyə müəssisələrində tibbi xidmət sahəsində yüksək iş təcrübəsi ilə fərqlənən həkim və orta tibb heyəti vəzifələrində çalışan səhiyyə işçilərinə ixtisas dərəcələrinin verilməsi qaydaları müəyyən edilib.
Qaydalara görə, tibbi xidmət sahələrində yüksək iş təcrübəsi, peşəkarlıq səviyyəsi ilə fərqlənən tibb işçilərinə ali, birinci və ikinci ixtisas dərəcəsi verilir. Tibb işçilərinə ixtisas dərəcəsinin verilməsi praktik tibb və ya əczaçılıq fəaliyyəti ilə məşğul olan şəxslərin (işçilərin) sertifikasiyasının nəticələrinə uyğun olaraq müəyyən edilir.
İxtisas dərəcələrinin verilməsinə qoyulan tələblərə əsasən, səhiyyə müəssisələrində çalışan və ixtisası üzrə əmək stajı beş ildən az olmayan ali və orta təhsilli tibb işçiləri ardıcıllıqla (ikinci, birinci, ali) ixtisas dərəcəsini almaq hüququna malikdirlər.
İxtisas komissiyasının üzvləri tərəfindən praktik tibb və ya əczaçılıq fəaliyyəti ilə məşğul olmaq üçün sertifikasiyadan keçən tibb işçilərinə ixtisas dərəcəsinin verilməsi məqsədilə, səhiyyə mütəxəssisinin beş il ərzində ixtisası üzrə fəaliyyəti barədə hesabatı ilə tanış olaraq, onların ixtisasına aid praktik bilik səviyyəsini və peşə vərdişlərini müəyyən edən suallar verilir. Tibb işçilərinə ixtisas dərəcələrinin verilməsi barədə ixtisas komissiyası tərəfindən rəy hazırlanarkən onların mövcud ixtisas dərəcəsinin təsdiq və ya dəyişdirilməsi barədə nazirlik qarşısında vəsatət qaldırılır.
İxtisas komissiyası tərəfindən namizədin tibb üzrə fəlsəfə doktoru və ya tibb elmləri doktoru elmi dərəcəsinin olması, rezidenturanı bitirməsi, elmi məqalələrin dərc edilməsi nəzərə alınır.
Komissiyanın rəyi müvafiq formada hazırlanır və komissiyanın sədri, katibi, üzvləri tərəfindən imzalanır, təsdiq üçün nazirliyə təqdim olunur. Nazirliyin əmri ilə bir həftə ərzində tibb işçisinə müvafiq formada ixtisas dərəcəsi barədə beş il müddətinə şəhadətnamə verilir.
Tural




 
Bölməyə aid digər xəbərlər
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib
15.11.2018
Qaçaq yolla dərman gətirilməsi cəhdinin qarşısı alınıb
15.11.2018
Bu vulkanların ətrafında yaşayanlar üçün ciddi təhlükə var
14.11.2018
Bələdiyyə loqo müsabiqəsi elan edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10481

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info