Sosial təminat gücləndirilir
Tarix: 10.07.2015 | Saat: 18:22:00 | E-mail | Çapa göndər


Əmək və Əhalinin Sosial Müdafiəsi Nazirliyi (ƏƏSMN) yanında Dövlət Sosial Təminat Xidməti (DSTX) tərəfindən cari ilin 6 ayı ərzində görülən işlərin və qarşıda duran vəzifələrin müzakirəsinə həsr olunmuş iclas keçirilib.
İclasda Xidmətin rəisi Çingiz Əliyev ölkəmizin sürətli makroiqtisadi inkişafı şəraitində əhalinin sosial təminatının da daim gücləndirildiyini, Prezident İlham Əliyevin diqqət və qayğısı nəticəsində sosial cəhətdən həssas əhali qruplarına dövlət qayğısının ilbəil artdığını vurğulayıb. Ç.Əliyev sosial-iqtisadi inkişaf proseslərinin və dövlət sosial yardımlarının təyinatında şəffaflığın təminatına nəzarətin gücləndirilməsi nəticəsində bu yardımların alan ailələrin sayının cari ilin 6 ayı ərzində 20,5 % azaldığını, bir ailə üzrə ödənilən yardımın orta aylıq məbləğinin isə 12,1% artaraq 141,53 manata çatdığını bildirib. Ünvanlı dövlət sosial yardımı sisteminin avtomatlaşdırılması yönündə aparılan işlərdən bəhs edən Xidmət rəisi hesabat dövründə sosial müavinət və təqaüd təminatı sahəsində işlərin uğurla davam etdirildiyini göstəricilər əsasında diqqətə çatdırıb. O, hazırda sosial işçilər tərəfindən 12850 nəfərdən çox şəxsin evdə sosial məişət xidməti, habelə sosial sifarişlər əsasında 1500 nəfər ehtiyacı olan uşağın ixtisaslaşmış sosial reabilitasiya xidmətləri ilə təmin olunduğunu qeyd edib.
Bildirilib ki, dövlət başçısının müvafiq Sərəncamlarına əsasən, müharibə əlilləri və onlara bərabər tutulan şəxslərin dövlət büdcəsi hesabına minik avtomobili ilə təminatı xeyli sürətlənib. Ötən il 2014-cü ilin mart ayınadək növbədə olan bütün müharibə əlilləri və onlara bərabər tutulan şəxslərə minik avtomobilləri təqdim edilib. Sonrakı dövrdə avtomobil növbəsinə dayananların da avtomobilə təmin olunması üçün müvafiq işlər aparılır. Ötən ay Tərtər rayonunda 6 mərtəbəli 54 mənzilli yaşayış evi müharibə əlilləri və şəhid ailələrinin istifadəsinə verilib, hazırda bu təbəqələrdən olanlar üçün Bakı şəhərində, İmişli, Beyləqan, Şamaxı rayonlarında çoxmənzilli yaşayış binaları, 52 rayonda 379 fərdi ev inşa olunur. Respublikanın ayrı-ayrı şəhərlərində hazır binalardan alınmış mənzillər də təmir olunduqdan sonra müharibə əlilləri və şəhid ailələrinə təqdim olunacaq.
Cari ilin 6 ayı ərzində sosial xidmət müəssisələrinin fəaliyyəti, de-institisionalizasiya tədbirləri, sağlamlıq imkanları gənclərin peşə reabilitasiyası, əlilliyi olan şəxslərin tibbi reabilitasiya və sosial-məişət problemlərinin həllinə köməklik göstərilməsi, imtiyazlı vətəndaşların sanatororiya-kurort putyovkası (yollayışı) ilə təmin edilməsi sahələrində görülən işlərdən də söz açılıb. Əlilliyi olan şəxslərin asudə vaxtının səmərəli təşkilinin diqqətdə saxlanıldığı qeyd olunaraq, təkcə cari ilin 6 ayında 780 nəfərdən çox belə şəxsin ölkənin səfalı bölgələrindəki sağlamlıq və istirahət mərkəzlərinə göndərildiyi bildirilib. Hesabat dövründə sosial cəhətdən həssas qrupların təminatının gücləndirilməsi sahəsində görülən işlərin və qarşıda duran vəzifələrin müzakirə olunduğu iclasda əhaliyə xidmətin təşkilində nöqsanlara yol verən əməkdaşlarla bağlı inzibati tənbeh tədbirlərinin görülməsi barədə qərarlar qəbul edilib.

Qorqud




 
Bölməyə aid digər xəbərlər
21.09.2020
Təhsil müddəti ümumi pensiya stajına daxil ediləcək
19.09.2020
Ekspert: İşləyən pensiyaçılar üçün yeni pensiya kapitalı formalaşacaq
19.09.2020
“Əlilliyin müəyyən olunması meyarları” layihəsi Nazirlər Kabinetinə təqdim edilib
19.09.2020
Bu gündən sentyabrın 21-dək Bakı, Sumqayıt və Abşeronda ictimai nəqliyyat işləməyəcək
18.09.2020
“Qızılqum” sanatoriyasında müvəqqəti məskunlaşmış ailələrə yeni mənzillərə köçmək təklif olunub

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 Avropada nümayişçilər polis zorakılığına məruz qalır, amma bu məsələlər heç vaxt müzakirəyə çıxarılmır
2 “Yanar dağ” qoruğu Dövlət Turizm Agentliyinin tabeliyinə verilib
3 “Xınalıq”, “Keşikçidağ”, “Atəşgah məbədi” Dövlət Turizm Agentliyinin tabeliyinə keçirilib
4 “Azərbaycan öz məmləkətimizdir“
5 Ölkəmizə gələn turistlər arasında sorğu keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info