Nəbatat Bağı instituta çevrilə bilər
Tarix: 31.01.2013 | Saat: 13:33:00 | E-mail | Çapa göndər


AMEA-da orta məktəb dərsliklərinin keyfiyyətini artırmaq üçün xüsusi komissiya yaradılacaq


Azərbaycan Milli Elmlər Akademiyasında (AMEA) humanitar və ictimai sahə ilə bağlı yazılmış orta məktəb dərsliklərinin, eləcə də tarixə dair dərc olunmuş müxtəlif kitabların, elmi əsərlərin keyfiyyətini artırmaq üçün Dil və Ədəbiyyat Araşdırmaları Komissiyası yaradılacaq. Yeni komissiyanın AMEA-nın Humanitar və İctimai Elmlər Bölməsinin nəzdində yaradılması nəzərdə tutulur. Artıq bununla bağlı məsələ AMEA-nın Humanitar və İctimai Elmlər Bölməsinin 2013-cü il üçün perspektiv iş planına daxil edilib. AMEA prezidenti Mahmud Kərimov da belə komissiyanın yaradılmasının tərəfdarı olduğunu bildirib: “AMEA-da müxtəlif sahələr üzrə komissiyalar olmalıdır. Düzdür, Akademiya daxilində Problem Şuralar var. Amma komissiyalar dərslikləri və elmi əsərləri daha yaxşı araşdıra bilər. Müxtəlif sahələr üzrə belə komissiyalar olmalıdır. Tarix elmi üzrə də belə komissiyanın yaradılması vacibdir. Tarix elmində də müəyyən pərakəndəlik baş verir. Tariximizi bir alim bir cür, o biri alim başqa cür qəbul edir. Amma bir komissiya olsa və onun rəyi olmadan bu kitablar nəşr olunmasa, bu, yalnız elmin xeyrinə olar. Tarix, dilçilik, ədəbiyyat, arxeologiya, iqtisadiyyat üzrə belə komissiyaların fəaliyyəti çox vacibdir”. Eyni zamanda AMEA-ya tabe olan bəzi elmi mərkəzlər elmi tədqiqat institutlarına çevriləcək. M. Kərimovun sözlərinə görə, bu, həmin qurumların fəaliyyətinin daha da səmərəli qurulmasına yardımçı olacaq: “Məsələn, AMEA-da Mərdəkan Dendrarisi var. Əslində, bu qurum elmi tədqiqat müəssisəsidir. Elə isə niyə onun adı Dendrologiya İnstitutu olmasın? Mərkəzi Nəbatat Bağı da faktiki olaraq elmi mərkəzdir. Bu mərkəz də Nəbatat İnstitutuna çevrilə bilər. Vaxtilə AMEA-da Əlyazmalar Fondu olub, sonradan Əlyazmalar İnstitutuna çevrilib. Respublika Seysmoloji Xidmət Mərkəzi ikili tabeli qurumdur. Bu qurum həm Nazirlər Kabinetinə, həm AMEA-ya tabedir. Əgər Nazirlər Kabineti etiraz etməsə, Respublika Seysmoloji Xidmət Mərkəzini AMEA-nın struktur vahidi kimi qəbul etmək və AMEA-nın Seymologiya İnstitutu adlandırmaq olar”.




 
Bölməyə aid digər xəbərlər
20.02.2019
“Azərmarka” Uşaqların Beynəlxalq Müdafiəsi Gününə həsr olunmuş müsabiqə elan edib
20.02.2019
Aqrar İnkişaf Könüllüləri aqrar jurnalistika ilə bağlı layihənin icrasına başlayıb
20.02.2019
Körpəyə vitamin vermək olar?
20.02.2019
“Cəmiyyətin səsi” layihəsinin I mərhələsi başa çatıb
20.02.2019
Min bir dərdin dərmanı - yaşıl çay

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info