İtaliyanın “beyin mərkəzi” Azərbaycanın xarici siyasətinin önəmini təhlil edir
Tarix: 14.07.2015 | Saat: 19:03:00 | E-mail | Çapa göndər


İtaliyanın nüfuzlu “beyin mərkəzi” olan Beynəlxalq Siyasi Tədqiqatlar İnstitutu “Cənubi Qafqaz regionunda əməkdaşlığın çərçivələri: Azərbaycan, Gürcüstan və Türkiyə - enerji strategiyasının kölgəsində üçtərəfli diplomatiya” adlı hesabat yayıb. Hesabatın müəllifləri Venesiya Universitetinin və institutun elmi işçisi Karlo Frappi və Roma Tre Universitetinin professoru Marko Valigidir.
Hesabatda göstərilir ki, bəzi hallarda Qərbdə bir sıra akademik dairələr və regionla məşğul olan diplomatlar Qafqazı gələcəyi olmayan perspektivsiz bölgə kimi dəyərləndirirlər. Regionda mövcud münaqişələr bölgənin gələcək inkişafı yolunda ən böyük maneə olsa da, göstərilən coğrafiyaya bu cür yanaşma əslində Qərbin onların dəyərlərindən fərqli əsaslarla nizamlanan istənilən siyasi münasibətləri qeyri-səmərəli və dağıdıcı kimi yanlış qiymətləndirmə meyilindən irəli gəlir. Buna baxmayaraq, Azərbaycan, Gürcüstan və Türkiyənin bir-birindən asılı, eyni zamanda, bərabərhüquqlu münasibətləri müasir dövrdə Qafqaz-Xəzər regionunda prosesləri təhlil etmək üçün başlanğıc nöqtəsidir. Əməkdaşlığın əsası enerji sahəsində qoyulsa da, bu sahə üçtərəfli əməkdaşlığın daha da dərinləşməsinə imkan verib.
Müəlliflər hesabatın girişində bölgədə Abxaziya və Cənubi Osetiya kimi münaqişələrin regionun gələcək inkişafı üçün maneə olduğunu qeyd etməklə yanaşı, Ermənistan-Azərbaycan, Dağlıq Qarabağ münaqişəsinin onların içərisində daha geniş miqyaslı olduğunu və Azərbaycanın beynəlxalq hüquq tərəfindən tanınmış ərazilərinin işğalının hələ də davam etdiyini göstərirlər.
Bu araşdırma region haqqında dünyanın müxtəlif ölkələrində yazılan, sadəcə siyasi qərarvericilər üçün konkret tövsiyələri nəzərdə tutan və ya bölgədə siyasi prosesləri təsvir edən hesabat deyil. Müəlliflər hesabatda Cənubi Qafqazda çoxşaxəli və mürəkkəb münasibətlər sistemini təhlil edərkən Azərbaycan, Gürcüstan və Türkiyə arasında əməkdaşlığın dinamikasına həm də akademik və nəzəri-konseptual prizmadan baxmağa çalışıblar. Teodor Kaplovun üçtərəfli münasibətlərdə ittifaqlar nəzəriyyəsi nöqteyi-nəzərindən baxılması bu hesabatın həm də beynəlxalq münasibətlərin nəzəri əsasları ilə məşğul olan müxtəlif akademik dairələrin uzun müddət diqqətində olacağına təminat verir. Müəlliflərə görə, nəzəriyyənin Azərbaycan, Gürcüstan və Türkiyə arasında münasibətlərin təhlili zamanı tətbiq edilməsinin akademik əhəmiyyəti odur ki, bu ölkələr arasında münasibətləri mürəkkəbləşdirən və regionun təhlükəsizliyini təhdid edən kənar amillərin həmin nəzəri prizmadan dəyərləndirilməsi araşdırmaya marağı artıracaq. Bu baxımdan dünya okeanına çıxışı olmayan, Dağlıq Qarabağ münaqişəsi zamanı ərazisinin bir hissəsi işğal edilmiş Azərbaycanın göstərilən üçtərəfli münasibətlərin əsas təşəbbüskarı və aparıcısı olması diqqətəlayiqdir. Hesabatda enerji layihələri ilə əsası qoyulan üçtərəfli əməkdaşlığın gələcəkdə digər istiqamətlərdə daha da dərinləşəcəyi xüsusi vurğulanıb.

Fuad




 
Bölməyə aid digər xəbərlər
20.02.2019
Özünüməşğulluq proqramına cəlb edilənlərin “Məşğulluq” altsistemində ayrıca kabineti olacaq
19.02.2019
İş vaxtı ərzində işçi digər peşə üzrə əmək funksiyasını da icra edərsə, onun əmək haqqına əlavə ödənilməlidir
19.02.2019
Beyləqanın Əhmədli və Gödəklər kəndlərində modul tipli məktəb binaları istifadəyə verilib
19.02.2019
Əmək və əhalinin sosial müdafiəsi nazirinin yeni müavini təyin olunub
19.02.2019
Qarabağ müharibəsi əlilləri və veteranları, şəhid ailələri, tərxis olunmuş hərbçilərin bir qrupu ilə görüş olub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10607

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info