“Qiymətin baha olması hemofiliyalı xəstələr üçün dərman çatışmazlığı problemini yaradan əsas səbəblərdəndir”
Tarix: 14.07.2015 | Saat: 20:32:00 | E-mail | Çapa göndər


“Azərbaycandakı hemofiliyalı xəstələr üçün dərman çatışmazlığı problemini yaradan əsas səbəblərdən biri dərmanların qiymətinin baha olmasıdır”. Bunu Trend-ə Hemofiliyalı Xəstələrin Respublika Assosiasiyasının prezidenti Gülnarə Hüseynova ölkə başçısının Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasda ölkədə satılan dərmanların qiymətlərinin baha olması haqqında söylədiyi fikrə münasibət bildirərkən deyib. Assosiasiya sədri bildirib ki, dövlət hemofiliyalı xəstələr üçün dərmanları sosial proqramlar çərçivəsində alır: "Lakin həmin dərmanlar Səhiyyə Nazirliyinin elan etdiyi tenderdə udan yerli distributorlar tərəfindən xarici ölkələrin dərman şirkətlərindən alınır və onlar tərəfindən daha baha qiymətə dövlətə satılır. Qiymətin baha olması hemofiliyalı xəstələr üçün dövlət büdcəsi hesabına alınan dərmanların yetərincə olmamasına gətirib çıxarır. Bu səbəbdən də hemofiliyalı xəstələr onların həyatı üçün vacib olan dərman preparatları ilə yetərincə təmin oluna bilmirlər".
G.Hüseynova deyib ki, Azərbaycanın dövlət büdcəsindən hər il hemofiliyalı xəstələr üçün təxminən 10 milyon manat maliyyə vəsaiti ayrılır: “Bu pulla iki dəfə çox faktor konsentratı dərman preparatı almaq mümkündür. Bu vəsaitlə hətta tədbirlər planında nəzərdə tutulan digər işləri də görmək olar. Lakin yerli distributorlar höküməti baha qiymətə dərmanlarla təchiz edirlər. Biz necə ildir ki, bu problemi gündəmə gətirmək istəyirik. Ölkə başçısına təşəkkür edirik ki, bu barədə ürək ağrısı ilə danışaraq diqqəti problemə yönəltdi”.
Qeyd edək ki, hazırda Azərbaycanda 1500-dən çox hemofiliyalı xəstə qeydiyyatdadır. Onların 612 nəfəri bütün həyatları boyunca daim müalicə olunmalıdır. Əks halda, onlar sağlam həyat tərzi sürə bilməz və ağır dərəcəli əlil ola bilərlər.

Nigar




 
Bölməyə aid digər xəbərlər
22.02.2019
Sahil Babayev canlı efirdə 36 vətəndaşın müraciətini cavablandırıb
22.02.2019
“Prezidentin Əfqanıstan müharibəsi veteranlarına və bu müharibədə həlak olanların ailələrinə qayğısı davamlıdır”
22.02.2019
“AZƏRSUN HOLDİNQ“ İnsan Resursları üzrə mütəxəssis axtarır
22.02.2019
Bu il Bakının 4 rayonunda “DOST” mərkəzləri yaradılacaq
21.02.2019
Dövlət Əmək Müfəttişliyi Xidməti işəgötürənlərə müraciət edib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 1400 manat maaşla sürücü axtarılır
5 “İnternet medianın getdikcə daha da aktivləşməsi tendensiyasını müşahidə edirik”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info