Vasim Məmmədəliyev: “Azərbaycanda radikal dini cərəyanlarla bağlı real təhlükə görmürəm”
Tarix: 16.07.2015 | Saat: 17:20:00 | E-mail | Çapa göndər


“Azərbaycanda radikal dini cərəyanlarla bağlı real təhlükə görmürəm”. Bunu Qafqaz Müsəlmanları İdarəsinin (QMİ) Elmi-Dini Şurasının sədri, akademik Vasim Məmmədəliyev deyib.
V. Məmmədəliyev bildirib ki, radikal dini cərəyanlarla mübarizə sahəsində Dini Qurumlarla İş üzrə Dövlət Komitəsi və QMİ-nin gördüyü işləri yüksək dəyərləndirir: “Radikallarla mübarizə o demək deyil ki, əlinə çomaq almalısan. İnsanları mənəvi cəhətdən qane etmək lazımdır ki, onların tutduqları yol düzgün deyil. İslam dini orta yolu seçən din hesab olunur. “Qurani-Kərim”də də müsəlmanlar orta bir ümmət, yəni müvazinəti gözləyən bir ümmət olaraq vəsf edilir. Təbii ki, Azərbaycanda radikal dini cərəyanlarla mübarizə sahəsində iş görülür. Mən özüm şeyxülislam Allahşükür Paşazadə və Dövlət Komitəsinin sədri Mübariz Qurbanlı ilə, eləcə də din xadimləri ilə bir neçə rayonda olmuşam. Bütövlükdə görülən işi müsbət qiymətləndirirəm. Amma bu elə işdir ki, bir günün içərisində dönüş ola bilməz, təkamül yolu ilə bu mübarizəni davam etdirməliyik, heç bir çətinlikdən qorxmaq lazım deyil. İnsanları mənəvi cəhətdən başa salmaq lazımdır ki, tutduqları yol düzgün deyil”.

Azərbaycanda radikal dini cərəyanlarla bağlı real təhlükə görmədiyini söyləyən V. Məmmədəliyev qeyd edib ki, dövlət çox güclüdür: “İkincisi, o adamlarda radikallıq olsa da, bu, dini nöqteyi-nəzərdəndir. Onlarda hər şeyə qarşı radikallıq yoxdur. Bu radikallıq da yavaş-yavaş, tədricən insanlardan gedə bilər. Bunun üçün də maarifləndirməni gücləndirmək lazımdır. Bu sahədə QMİ-nin, Dövlət Komitəsinin, KİV-in də üzərinə böyük vəzifə düşür. Bu qurumlar əl-ələ verib işləyirlər, nəticəsi də yaxşı olacaq”.

Fuad




 
Bölməyə aid digər xəbərlər
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb
16.11.2018
Birinci qrup ilkin əlillik təyin olunanların sayında azalma 75,8 faizə çatıb
16.11.2018
“Bakı Metropoliteni” işçi axtarır
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info