TUMİB növbəti tədbirini Lənkəran şəhərində keçirib
Tarix: 21.07.2015 | Saat: 16:56:00 | E-mail | Çapa göndər


Bu gün “Türkiyə Universitetləri Məzunları” İctimai Birliyi (TUMİB) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Gənclər arasında azərbaycançılığın təbliğində dini maarifçiliyin rolu” layihəsi çərçivəsində Lənkəran şəhəri Mərkəzi Kitabxanasında lənkəranlı gənclərin iştirakı ilə növbəti tədbirini təşkil edib.
Tədbiri giriş sözü ilə açan Lənkəran şəhər İcra Hakimiyyətinin baş məsləhətçisi Könül Manafova qonaqları təqdim edib mövzunun aktuallığı haqqında məlumat verdikdən sonra Azərbaycan dövlətinin humanist tolerantlıq siyasətinin dünyaya nümunə olduğunu qeyd edib.
Sonra Könül Manafova sözü layihənin rəhbəri, TUMİB-in sədri Çingiz Bayramova verdi. TUMİB sədri çıxışında Azərbaycan Respublikasının Konstitusiyasında din və vicdan azadlığı, insan hüquqları kimi məsələlər, radikalizmə qarşı ideoloji maarifçilik işinin aparılması, xarici dini sektaların zərərləri və onun təsirindən qorunması işində gənclərin maarifləndirilməsinə ciddi ehtiyac olduğunu və bu məqsədlə təşkilat tərəfindən vətənimizin müxtəlif bölgələrində yaşayan gənclər arasında təbliğat işlərinin aparılmasına başladıqlarını bildirib. Daha sonra natiq tədbirdə iştirak edənləri qarşıdan gələn Ramazan bayramı münasibətilə təbrik edib.
Lənkəran şəhər İcra Hakimiyyətinin aparıcı məsləhətçisi Günəş Quluzadə və Dini Qurumlarla İş Üzrə Dövlət Komitəsinin Lənkəran bölgəsi üzrə baş məsləhətçisi Hatəm Gülməmmədov çıxış edərək Azərbaycan Respublikası Prezidenti İlham Əliyevin və Azərbaycan hökumətinin dini maarifçilik və multikulturalizm istiqamətində gördükləri tədbirlərdən, dövlətimizin insan hüquqları və dini azadlıqların qorunması istiqamətindəki fəaliyyətindən bəhs ediblər.
Lənkəran Dövlət Universitetinin tələbə gənclər təşkilatının sədri Emil Həmidli də universitetdə keçirilən multikulturalizm fənninin tədris olunmasının tələbələrə olan faydasını qeyd edib.
Sonra TUMİB-in Elmi Araşdırmalar və Tədqiqatlar Mərkəzinin rəhbəri Əli Fərhadov çıxış edərək Azərbaycandakı dini azadlıqlardan, islam və tolerantlıq, din və dözümlülük, dini öyrənmədə Ə.Hüseynzadə, M.Ə.Rəsulzadə, Mir Məhəmməd Kərim əl-Bakuvi kimi azərbaycanlı mütəfəkkirlərin əsərlərinin əhəmiyyəti kimi mövzulardan bəhs etdi və Azərbabaycandakı müxtəlif din, məzhəb mənsublarının qardaşlıq mühiti içində yaşadıqlarını vurğulayıb.
TUMİB Gənclər Mərkəzinin sədr müavini Samir Pənalıyev bildirdi ki, Ulu Öndərimiz Heydər Əliyevin “Bizim hamımızı birləşdirən, həmrəy edən azərbaycançılıq ideyasıdır, azərbaycançılıqdır” fikri hər bir Azərbaycan gəncinin ideologiyası olmalıdır.
İştirakçılar sonda ölkəmizdə olan tolerantlıq və multikulturalizm mühitinin bir çox dünya ölkəsinə örnək olduğunu və Azərbaycan modelini öyrəndiklərini qeyd ediblər.
Təhminə




 
Bölməyə aid digər xəbərlər
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10127

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info