“Təzyiqlər heç bir effekt vermir”
Tarix: 21.07.2015 | Saat: 23:59:00 | E-mail | Çapa göndər


“Avropa bizimlə hüquqi müstəvidə görüşməlidir”
Azərbaycan yenidən müstəqillik əldə etdikdən sonra xarici siyasətində əsas strateji hədəflərindən biri Avropa Şurası, Avropa Birliyi və digər Avropa təşkilatları ilə münasibətlərin yaradılması idi.
Gənc müstəqil dövlət olaraq Azərbaycan bu hədəflərə çatmaq üçün bir neçə Avropa təşkilatları qarşısında öhdəliklər götürdü. Demokratiya yolu almış bir ölkə olaraq Azərbaycan bu öhdəlikləri tam yerinə yetirir. Eyni zamanda, bəzi Avropa təşkilatları Azərbaycana qarşı münasibətdə heç də demokratik davranmırlar. Ən çətin anlarda belə, Azərbaycanı dəstəkləmək əvəzinə, əksinə, qərəzli münasibət göstərirlər. Əlbəttə ki, Azərbaycan tərəfindən bu münasibət heç də müsbət qarşılanmır. Yuxarıda adı çəkilən təşkilatlar öz ikili standart siyasəti ilə Azərbaycanla manipulyasiya edirlər. Nazirlər Kabinetinin son iclasında Prezident İlham Əliyev öz nitqində bu məsələ ilə bağlı narahatlığını bildirib. Dövlət başçısı deyib ki, Azərbaycanla Avropa İttifaqı arasında əlaqələr bərabərhüquqluluq prinsipinə əsaslanmalı və Azərbaycanın milli maraqları maksimum dərəcədə təmin olunmalıdır: “Mənəvi, iqtisadi böhran bu gün Avropada reallıqdır və bu amillər gələcək fəaliyyətdə mütləq nəzərə alınacaq. Avropa ilə əməkdaşlığın yeni mexanizmi, formatı və konsepsiyası hazırlanmalıdır. Azərbaycan Avropa İttifaqı ilə Assosiasiya Sazişinə qoşulmamışdır. Bu saziş Azərbaycanın maraqlarına uyğun gəlmir. Azərbaycan bütün ölkələrlə, beynəlxalq təşkilatlarla bərabərhüquqlu münasibətlər qurur və gələcəkdə də fəaliyyət bu prinsip üzərində davam etdiriləcək”.
Prezidentin sözlərinə görə, Azərbaycanla Avropa İttifaqı arasında əlaqələr tərəfdaşlıq və strateji tərəfdaşlıq prinsipləri əsasında qurula bilər: “Ancaq bu, bərabərhüquqluluq prinsipinə əsaslanmalı və Azərbaycanın milli maraqları maksimum dərəcədə təmin olunmalıdır. Biz bütün məsələləri dərindən təhlil edərək, ölkəmiz üçün, xalqımız üçün ən məqbul, ən yaxşı variantı seçirik”.
Trend-in baş direktorunun müavini, siyasi ekspert Arzu Nağıyev “Palitra”ya açıqlamasında dedi ki, biz dünyəvi dövlətik və heç vaxt Avropaya inteqrasiyadan imtina etməmişik: “Təəssüf ki, Prezident İlham Əliyevin də qeyd etdiyi kimi, əsas məqam müstəqil dövlətə digər bir dövlətin qanunverici orqanları tərəfindən siyasi təsir etmək istəyinin yolverilməz olduğundan gedir. Yəni, qanunverici orqanlar öz dövlətlərinin problemləri ilə məşğul olmaqdansa, bizimlə diktə yolu ilə danışmağa səy göstərirlər. Bu isə yolverilməzdir. Biz hər cürə ikitərəfli əməkdaşlığa razıyıq. Təbii ki, qarşılıqlı hörmət çərçivəsində”.
Siyasi ekspertin fikrincə, Avropa Şurasında qeyri-səmimilik və riyakarlıq müşahidə olunur: “Misal kimi göstərmək olar ki, bir sıra qeyri -hökumət təşkilatları Avropa parlamentində və digər qurumlardakı mövqelərindən istifadə edərək, erməni lobbisinin istəyini bizə aşılamaq istəyir. Belə təzyiqlər isə öz effektini vermir. Avropa Oyunları öncəsi və sonrakı dövrdə biz bu proseslərin şahidi olduq və təbii ki, fiaskoya uğradığını da gördük. Əgər bu gün biz Şərq tərəfdaşlığını dəstəkləyiriksə və Avropa bizi öz strateji tərəfdaşı hesab edirsə, enerji daşıyıcılarımıza ehtiyacı varsa, bunu inkar etməməlidir və əksinə, bizimlə hüquqi müstəvidə görüşməlidir. Yəni artıq doğrudan da təzyiq yolundan ikitərəfli münasibətlər və eynihüquqlu tərəfdaş müstəvisinə keçilməli və bu istiqamətdə də konsepsiya hazırlanmalıdır. Biz hər cürə sülhün və tərəfdaşlığı dəstəkləyirik, təbii ki, müstəqilliyimiz hər şeydən önəmlidir...”.
Fuad Hüseynzadə




 
Bölməyə aid digər xəbərlər
20.07.2019
Ali Baş Komandanın qarşımızda qoyduğu ən əsas tapşırıq yüksək döyüş hazırlığıdır
20.07.2019
İqor Dodon: Moldova ilə Azərbaycan arasında çox gözəl əməkdaşlıq əlaqələri mövcuddur
19.07.2019
Xarici işlər naziri Elmar Məmmədyarov Çinin ölkəmizdəki yeni səfiri ilə görüşüb
17.07.2019
“Rusiya Azərbaycanlıları İttifaqı gündəmə bəyanatla yox, əməli işlə gəlir”
17.07.2019
STM-də millət vəkili Əli Hüseynli ilə görüş keçirilib

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info