Əcnəbi alimlər Azərbaycanda uzunömürlülüyün sirlərini araşdırırlar
Tarix: 24.07.2015 | Saat: 22:22:00 | E-mail | Çapa göndər


İyulun 24-də Ukrayna Milli Elmlər Akademiyası Gerontologiya İnstitutunun direktoru, akademik Vladislav Bezrukov və akademiyanın müxbir üzvü Svetlana Kuznetsova Azərbaycan Tibb Universitetinin (ATU) rektoru, akademik Əhliman Əmiraslanovla görüşüblər.
ATU-nun mətbuat xidmətindən bildirilib ki, görüşdə Ukrayna Milli Elmlər Akademiyasının Gerontologiya İnstitutunun Azərbaycan Milli Elmlər Akademiyası və Azərbaycan Tibb Universiteti ilə birlikdə icra etdiyi “Uzunömürlülüyün molekulyar genetik əsaslarının öyrənilməsi” layihəsindən söhbət açılıb. Qeyd olunub ki, iki il davam edəcək layihənin əsas məqsədi Azərbaycanda yaşayan uzunömürlü insanların tibbi göstəricilərinin araşdırılmasından ibarətdir. Bu məqsədlə ukraynalı alimlər Azərbaycanın müxtəlif bölgələrinə səfər edərək yaşlı insanlarla görüşlər keçirirlər.
Əhliman Əmiraslanov layihənin tibb elmi üçün böyük əhəmiyyət daşıdığını, bu səbəbdən ATU-nun nevropatoloqları, kardioloq və terapevtlərinin ukraynalı həmkarları ilə birgə bölgələrdə aparılan araşdırmalarda iştirak etdiklərini bildirib.
Layihənin Azərbaycan ilə Ukrayna arasında tibb elmləri, təhsil və səhiyyə sahəsindəki əlaqələrin inkişafına fayda verəcəyini qeyd edən Ə.Əmiraslanov qonaqlara rəhbərlik etdiyi universitet haqqında da qısa məlumat verib.
Rektor Əhliman Əmiraslanov gələcəkdə Ukrayna Milli Elmlər Akademiyasının Gerontologiya İnstitutu ilə birgə beynəlxalq konfransın təşkili, qarşılıqlı mütəxəssis mübadiləsinin həyata keçirilməsi üçün müqavilə hazırlanmasını da məqbul sayıb.
Ukraynalı alimlər belə bir müqavilənin imzalanmasının vacibliyini bildiriblər. Onların fikrincə, qarşılıqlı əməkdaşlıq sazişi iki ölkə arasında münasibətlərin genişlənməsinə, elmi əlaqələrin artırılmasına, birgə layihələrin reallaşmasına təkan verəcək. Həmçinin belə təşəbbüslər iki dost ölkə arasında elmi münasibətlərin daha da dərinləşməsinə gətirib çıxaracaq.
Qonaqlar vaxtilə Azərbaycanda tibbi araşdırmalar apardıqlarını və bir sıra tədbirlərdə iştirak etdiklərini söyləyiblər, eyni zamanda, ümummilli lider Heydər Əliyevlə görüşləri ilə bağlı xatirələrini bölüşüblər.
Tural




 
Bölməyə aid digər xəbərlər
26.06.2019
“Danışır Xocalı” sənədli filminə ictimai baxış keçirilib
25.06.2019
“Narkomaniyaya qarşı mübarizədə gənclərin rolu” mövzusunda tədbir keçirilib
25.06.2019
Şirməmməd Ağaməmməd oğlu Hüseynov
25.06.2019
Gənclər üçün festivalın növbəti ünvanı Quba şəhəri olub
25.06.2019
Türkiyənin ölkəmizdə yeni təyin olunmuş hərbi attaşesi ilə Səfərbərlik və Hərbi Xidmətə Çağırış üzrə Dövlət Xidmətində görüş olub

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Yeni naziri kollektivə Ramiz Mehdiyev təqdim etdi
2 Prezidentin Sərəncamı: 160 minə yaxın müəllimin orta aylıq maaşı 605 manat oldu
3 Əli Nağıyev DTX rəisi təyin edildi
4 Heydər Əliyev və bələdiyyələr
5 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info