Rusiya və Qərb arasında yeni qarşıdurma oçağı - Bosniya
Tarix: 28.07.2015 | Saat: 01:03:00 | E-mail | Çapa göndər


Belə görünür ki, Rusiya və Qərb arasında yeni qarşıdurma üçün növbəti meydan Bosniya olacaq. Belə ki, Moskva birmənalı şəkildə, Bosniyanın tərkibində olan Serb Respublikasının prezidenti Milorad Dodikin qurumun Bosniyanın hüquq sistemindən çıxmaq üçün referendum keçirmək təşəbbüsünü dəstəkləyib.
İyulun ortalarında Bosniya Serb parlamentində qəbul edilmiş qərara görə, referendum bu ilin sentyabrında keçiriləcək. Təbii ki, Qərb Serb Respublikasının bu təşəbbüsünü ölkənin Avropa Birliyi və NATO-ya inteqrasiyasının qarşısını almaq üçün düşünülmüş bir addım kimi qəbul edir. Sarayevo belə bir referendumun keçirilməsini ölkənin bütövlüyünə zərbə kimi dəyərləndirilir. “Bu, Deyton müqaviləsinin müddəalarını pozmaqdır. Dodik son on ildə özünün ritorikası ilə Bosniyanın sabitliyini pozur”-deyə ölkənin Rəyasət Heyətinin üzvü Bakir İzetbeqoviç bildirib. Oxşar mövqe Avropa Birliyi və ABŞ tərəfindən də ortaya qoyulub. Qərb bu addımı Bosniyanın “Avropa yolunun minalanması” kimi qəbul edərək, serblərə “odla oynamamağı” məsləhət görür. Moskva isə öz növbəsində yenə də bosniyalı serblərin müdafiəsinə qalxıb. Rusiyanın Bosniyadakı səfiri Petr İvanşov Serbiya parlamentinin qərarını müdafiə etməsini Bosniya əhalisinin yarıya qədərinin serb olması ilə əsaslandırıb. O, iddia edib ki, “beynəlxalq ictimaiyyətin əsas rolu millətlərarası barışığı təbliğ etməkdir”. Rusiya Xarici İşlər Nazirliyi də Serbiya parlamentinin qərarının müdafiəsinə qalxıb. Qeyd edilməlidir ki, bu olay son aylar Bosniya məsələsi ilə əlaqədar Rusiya ilə Qərb arasında yaşanan ikinci ciddi ziddiyyətdir. Bundan bir müddət əvvəl, iyulun əvvəlində Rusiya Britaniyanın hazırladığı Srebrenitsada qətnaməsinə BMT Təhlükəsizlik Şurasında veto qoymuşdu. Hətta rusiyalı səfir faciənin 20-ci ildönümü münasibətilə keçirilən mərasimlərə də qatılmamışdı. Bu məsələ Bosniya ilə əlaqədar Rusiya ilə Qərb arasında fikir ayrılığının ilk təzahürü kimi qəbul edilir. Brüssel və Vaşinqton, ölkənin Avropa Birliyi və NATO-ya inteqrasiyasına böyük dəstək verirlər. Qərb hesab edir ki, bu inteqrasiya iki hissədən ibarət effektsiz konfederasiyadan daha səmərəli olar, dövlət mexanizminin funksionallığını artırar. Moskvada isə bu dövlətin Avro-Atlantik perspektivlərin qəbul edilmir. Kreml indiki sistemin əsasını təşkil edən Deyton müqaviləsinə ciddi əməl edilməsini tələb edir. Bunu nəzərə çatdıran bəzi ekspertlər serblərin məntiqi olaraq Moskvanın qanadı altına sığındığını iddia edirlər. “Rusiyanın koordinasiyası ilə fəaliyyət göstərən Dodik açıq-aydın Bosniyanın mövcudluğunu sual altına almış olur”- deyə balkanlı aparıcı politoloqlardan biri olan Duşan Yaniç bildirir. O, daha sonra Balkanlarda öz nüfuzunu qorumaq üçün yollar axtaran Rusiya üçün Serbiya dövlətinin uyğun alət olduğunu bildirir.
Ağasəf Babayev




 
Bölməyə aid digər xəbərlər
24.05.2019
Nursultan Nazarbayevə Türk Şurasının Fəxri prezidenti statusu verilib
24.05.2019
İraqın şimalında türk әsgәri şәhid olub
24.05.2019
Hindistanda baş verən yanğında azı 15 yeniyetmə həyatını itirib
24.05.2019
Tereza Mey istefasını elan edib - VİDEO
24.05.2019
İğtişaşların ardı-arası kəsilmir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10787

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 …Hər sözdə vətən axtaran soydaşımız
5 Özbəkistan Respublikasının Prezidenti Şavkat Mirziyoyevdən


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info