NATO-dan Türkiyəyə dəstək
Tarix: 29.07.2015 | Saat: 00:55:00 | E-mail | Çapa göndər


Yens Stoltenberq: “Terrora qarşı mübarizədə
Türkiyə ilə həmrəyik”


NATO-nun Brüsseldə fövqəladə iclası olub. Türkiyənin Suriyada və İraqda müvafiq olaraq “İŞİD” və PKK terrorçularına qarşı apardığı əməliyyatlarla bağlı çağırılan iclasda çıxış edən NATO-nun baş katibi Yens Stoltenberq terrora qarşı mübarizədə Türkiyə ilə həmrəy olduqlarını bildirib.
C. Stoltenberq bildirib ki, prosesləri yaxından izləyirlər. O, Türkiyədə törədilən terror aktlarını pisləyib: “NATO hadisələri çox yaxından izləyir. Müttəfiqimiz Türkiyə ilə terrora qarşı mübarizədə həmfikirik”. Qeyd edək ki, fövqəladə iclas Türkiyənin müttəfiqlərini məlumatlandırmaq üçün keçirilib. Bu arada PKK terror təşkilatı Türkiyənin Muş vilayətinin Malazgirt qəsəbəsinin jandarma rəisi, mayor Arslan Kulaksızın qətlinə görə məsuliyyəti öz üzərinə götürüb. Qeyd edək ki, Kulaksızın qətlində şübhəli bilinən 14 nəfər polis tərəfindən saxlanılıb. Ümumiyyətlə, son günlər PKK-nın fəallaşması Türkiyədə ağır fəsadlar verməkdədir. Həyata keçirilən antiterror əməliyyatlarında 1050 nəfər şübhəli qismində həbs olunub. Tutulanlar “İŞİD”, PKK və DHKP-C terror təşkilatlarını təmsil edirlər. Onların yerləşdikləri ünvanlardan külli miqdarda silah və sursat, terror məqsədi ilə istifadə olunan digər vəsaitlər ələ keçirilib. Türkiyə Silahlı Qüvvələrinin qırıcıları raket zərbələri ilə terrorçuların yerləşdikləri onlarla məntəqəni məhv edib. Hədəflərin dəqiq vurulması nəticəsində terrorçu dəstələr arasında birbaşa rabitə xətləri kəsilib, onlar arasında çaşqınlıq yaranıb. Antiterror əməliyyatları PKK-çıları daha da azğınlaşdırıb. Polis məntəqələri, hərbi hissələr və sənaye obyektləri, yük avtomobilləri hədəfə alınıb. İstanbul, Mərsin, Ərzurum, Diyarbəkir və digər bölgələrdə terrorçuların çoxsaylı hücumları qeydə alınıb. Avtomobil dayanacaqlarında, əhalinin sıx olduğu digər yerlərdə qoyulmuş bombalar zərərsizləşdirilib. Ən son məlumatlara görə, Muş-Kulp avtomobil yolunun üstündəki iki körpü və İran-Türkiyə qaz kəməri partladılıb. Təcili tibbi yardım maşınlarına da hücumlar qeydə alınıb. Ölkənin şərq bölgəsində avtomobil yollarına hücum edən terrorçular nəqliyyatın hərəkətini dayandırır, dinc əhaliyə, xüsusilə dövlət məmurlarına və onların ailələrinə qarşı zor tətbiq edirlər. Hökumət qüvvələri əhalinin təhlükəsizliyi üçün bütün imkanları səfərbər edib. Dövlət rəsmiləri Türkiyənin milli təhlükəsizliyi ilə bağlı beynəlxalq təşkilatlarla məsləhətləşmələr aparırlar. Antiterror əməliyyatları ölkə əhalisi tərəfindən qətiyyətlə dəstəklənir.
Cavidan




 
Bölməyə aid digər xəbərlər
13.11.2018
Hillari Klinton 2020-ci ildə ABŞ prezidentliyinə namizədliyini irəli sürə bilər
12.11.2018
Misirdə sosial şəbəkələrdə yanlış informasiya yayanlar cəzalanacaq
11.11.2018
Türkiyə HHQ İraqın şimalında 14 terrorçunu məhv edib
11.11.2018
İranın xarici işlər nazirinin maraqlı “tviti”
10.11.2018
Angela Merkel antisemitizmin artmasına görə narahatdır

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info