Danimarka miqrantlara qarşı sərt tədbirlərə keçir
Tarix: 29.07.2015 | Saat: 21:01:00 | E-mail | Çapa göndər


Danimarkanın yeni hökuməti xarici mətbuatda qaçqınları bu ölkəyə miqrasiya etməkdən çəkindirmək məqsədi daşıyan kampaniya keçirmək niyyətindədir.
Bu barədə Danimarka televiziyasına müsahibəsində inteqrasiya və immiqrasiya məsələləri üzrə nazir İnger Steyberq məlumat verib. Nazir vurğulayıb ki, seçim imkanlarının geniş olmasına baxmayaraq, qaçqınlar əsasən Danimarka, Norveç, İsveç və Almaniyaya gedirlər. Bunun üçün bir çox ölkələrdə insanların göndərilməsi üzrə qanunsuz sistem yaradılıb.
Məsələn, bu yaxınlarda Danimarka mətbuatında belə bir məlumat yayılıb ki, Avropada qeyri-leqal miqrasiyanın təşkilatçıları potensial qaçqınlar arasında qalıb yaşaya biləcəkləri yeri seçməkdə onlara kömək edən sənəd yayıblar. Sənəddə müxtəlif Avropa ölkələrində yaşamağa icazə almaq üçün gözləmə müddəti, maddi yardımın məbləği və digər sosial güzəştlər müqayisə olunur. Danimarka mətbuatının yazdığına görə, Danimarka hökuməti tərəfindən planlaşdırılan kampaniya bu məlumata cavab olacaq.
Hökumətin planlarına görə, miqrant axınına qarşı mübarizə aparmaq üçün xarici mətbuatda Danimarkada məskunlaşmağa hazırlaşan qaçqınları dayandırmağa çağıran mətnlər yerləşdirmək planlaşdırılır. İnger Steyberq deyib: “Həmin mətnlərdə güzəştlərin gözlənilən az qala yarıbayarı azaldılması, habelə digər məhdudiyyətlər barədə konkret faktlar olacaq”. Nazir ümid bəsləyir ki, bu mətnlər sosial şəbəkələrdə yayılacaq, istər qaçaqmalçılar, istərsə də potensial qaçqınlar üçün əlçatan olacaq.
Bununla belə, Şimali Avropa ölkələrində sosial təminatın səviyyəsi qitədə ən yüksəkdir. Qaçqınları da elə bu cəlb edir. Vəziyyət sadə vətəndaşları getdikcə daha çox narahat edir.
Bu ilin iyununda Danimarkada növbəti parlament seçkiləri keçirilib. Sağ-mərkəzçi Liberal Partiya (Venstre) hakimiyyətə gələrək yeni hökumət qurub. Həmin partiyanın nümayəndələri seçkiqabağı proseslərdə ölkədə immiqrasiya siyasətini sərtləşdirmək niyyətlərini də elan ediblər.
Qeyd edək ki, Danimarkada sığınacaq istəyən şəxslərin sayı 2014-cü ildə təqribən iki dəfə artaraq 2013-cü ildəki 7557 nəfər müqabilində 14815 miqrant təşkil edib. Danimarka İmmiqrasiya Xidmətinin yeni hesablamalarına görə, bu il ölkədə miqrant və qaçqınların sayına görə yeni rekord müəyyən edilə bilər.

Tural




 
Bölməyə aid digər xəbərlər
16.02.2019
Misirdə terror aktı nəticəsində ən azı 15 əsgər həlak olub
16.02.2019
Suriyadan olan 395 qaçqın ötən il Rusiya vətəndaşlığı alıb
16.02.2019
ABŞ-da atışma: xəsarət alanlar var
16.02.2019
Nigeriyada silahlı hücum nəticəsində 60-dan çox dinc sakin həlak olub
15.02.2019
Tramp ABŞ-da fövqəladə vəziyyət elan etdi

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info