Kəndlərdə “biznes-ledi“lər yetişdirilir
Tarix: 29.07.2015 | Saat: 21:32:00 | E-mail | Çapa göndər


Ailə, Qadın və Uşaq Problemləri üzrə Dövlət Komitəsini bu gün maraqlandıran əsas məsələlərdən biri əhalinin orta təbəqəsinə aid olan qadınların sahibkarlığa gətirilməsi və onlara dövlət dəstəyinin göstərilməsidir. Bunu Trend-ə komitənin sədr müavini Sədaqət Qəhrəmanova deyib. Böyük sahibkarların artıq öz işlərini qurduqlarını söyləyən komitə rəsmisinin sözlərinə görə, bu gün BMT-nin komitə qarşısında qoyduğu ən aktual məsələlərdən biri kənd qadınları arasında sahibkarlığın inkişaf etdirilməsidir. S.Qəhrəmanova hazırda BMT-nin Bakı ofisi ilə bu istiqamətdə birgə layihə həyata keçirdiklərini söyləyib: "Artıq layihə Sabirabad rayonunda həyata keçirilib. Hazırda isə Neftçala rayonunda həyata keçirilir. Layihənin Masallı rayonunda davam etdirilməsi planlaşdırılır. Bu layihəyə uyğun olaraq, ali savadı olmayan, evdar kənd qadını biznes imkanlarını inkişaf etdirir. Layihə çərçivəsində onlara müəyyən bacarıqlar – layihənin yazılması, qrantların əldə olunması yolları öyrədilir. Sabirabadda ali savadı olmayan 9 evdar qadına maliyyə dəstəyi göstərilib, onların indi artıq müxtəlif sahələr üzrə kiçik biznesləri var. Biz bu sahəni inkişaf etdirmək istəyirik. Bununla da kənd qadının maliyyə baxımından asılılığını aradan qaldırmağa çalışırıq”.
Komitə səlahiyyətlisi BMT-nin Qadınlara qarşı ayrı-seçkiliyin bütün formalarının ləğv edilməsi haqqında Konvensiya üzrə Xüsusi Komitəsinin ekspertlərinin Azərbaycanda qadınlara xüsusi imtiyazlı kreditlərin verilməsi barədə etdiyi təklifinə də münasibət bildirib. S.Qəhrəmanova bildirib ki, bu gün Azərbaycanda qadın sahibkarlığının inkişafı üçün qadınlara dövlət tərəfindən güzəştli kreditlərin verilməsi məsələsinin qaldırılmasına ehtiyac yoxdur: "Çünki hazırda İqtisadiyyat və Sənaye Nazirliyi yanında Sahibkarlığa Yardım Milli Fondu tərəfindən güzəştli kreditlər verilir. Xeyli qadın həmin kreditlərdən yararlanıb. Biz daim sahibkar qadınlara dəstək veririk, onların problemlərini müzakirə və həll edirik. Lakin nəzərə almaq lazımdır ki, biz bazar iqtisadiyyatı dövründə yaşayırıq. Ona görə də hər bir kişi və ya qadın imkanlarını bazar iqtisadiyyatının tələblərinə uyğunlaşdırmalıdır, bu məsələdə fərq qoyulmamalıdır”.

Nigar




 
Bölməyə aid digər xəbərlər
20.03.2019
Əhalinin banklardakı pulları 8 milyard manatı keçib
20.03.2019
“Dövlət büdcəsinin tərtibi və icrası Qaydaları“nda dəyişiklik edilib
19.03.2019
Azərbaycan 5 min tona yaxın şəkər ixrac edib
19.03.2019
“Kartla ödə, kartla qazan” adlı stimullaşdırıcı lotereyanın ilk tirajı oynanılıb
19.03.2019
Azərbaycandan 76 milyon dollar dəyərində meyvə-tərəvəz ixracı olunub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 “Kaspersky Password Manager” proqramının yeni versiyası şifrənin təhlükəsizliyini yoxlayır
4 Yuliya Naçalova vəfat edib
5 Lənkəranın ucqar kənd məktəbində Novruz şənliyi keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info