“Bizdə əsas problem 2 və 3 ulduzlu hotellərin sayının az olmasıdır”
Tarix: 30.07.2015 | Saat: 00:06:00 | E-mail | Çapa göndər


Ölkə Prezidentinin Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına həsr olunan iclasında turizm və xidmət sektoru ilə bağlı səsləndirdiyi iradlardan sonra əksər hotellərdə qiymətlər endirilib.
Azərbaycan Turizm Assosiasiyasının prezidenti Nahid Bağırov bildirib ki, qurum Mədəniyyət və Turizm Nazirliyi ilə birlikdə hotellərdə otaq nömrələrinin qiymətlərinin endirilməsi ilə bağlı işlər aparır, görüşlər keçirir: «Bunun nəticəsi olaraq, artıq əksər hotellər qiymət siyasətinə yenidən baxaraq müəyyən endirimlər edib, otaq nömrələrinin qiymətlərini minimum 20-30 faiz ucuzlaşdırıblar. Endirimlərin bundan sonra da davam etməsi gözlənilir və hazırda bu istiqamətdə bəzi tədbirlər həyata keçirilir. Biz bu barədə yaxın müddətdə ictimaiyyətə əlavə məlumat verəcəyik”.
Assosiasiya sədri onu da bildirib ki, əslində Gürcüstanla müqayisədə Azərbaycanda beşulduzlu hotellərin qiymətləri ucuzdur: «Gürcüstanda 5 ulduzlu hoteldə bir otaq nömrəsinin günlük qiyməti 320 dollar olduğu halda, Azərbaycanda bu qiymət 150-240 dollar arasında dəyişir. Gürcüstanda iki, üçulduzlu hotellər çox olduğundan turistlər bu hotellərdə qalmağa üstünlük verirlər. Bizdə iki, üçulduzlu hotellərin az olması bu baxımdan problem yaradır”.

Qədim abidələrin öyrənilməsi, tədqiqi, bərpa olunub turizm məhsulu kimi təqdim edilməsi çox vacibdir
Bu gün dünyada ənənəvi, sırf istirahət niyyətli turist səfərləri ilə yanaşı, təbiət, tarix, mədəniyyət abidələrini ziyarət, ayrı-ayrı ölkələrin mədəni irsi ilə tanışlıq məqsədli turlar da geniş yayılmaqdadır. Azərbaycan Turizm və Menecment Universitetinin prorektoru Eldar Aslanovun sözlərinə görə, ölkəmizdə turizm istiqamətinin inkişaf etdirilməsi üçün geniş imkanlar var və son illər bu sahədə bir sıra addımlar atılır: “Qobustan qoruğunda yeni beynəlxalq standartlara uyğun müasir muzey kompleksinin yaradılması, “Atəşgah” məbədində aparılan təmir-bərpa işləri milli-mədəni irsimizin öyrənilməsinə, onun turizm vasitəsilə dünyaya tanıdılmasına misaldır. Regionlarda tarix-mədəniyyət abidələrinin təmir-bərpası, tədqiqi və təbliği də mədəni turizmin inkişafına xidmət edir. Qədim Ağsu şəhər yerində arxeoloji muzey kompleksinin yaradılması buna nümunədir”. Prorektor hazırda Qafqaz Albaniyası ilə bağlı dövlət proqramının hazırlandığını bildirdi. Sənəd Azərbaycanın qədim dövlətçilik tarixində mühüm yeri olan Qafqaz Albaniyası irsinin təbliği, öyrənilməsi və turistik məqsədlər üçün istifadəsini də özündə əks etdirəcək: “Nəzərə alsaq ki, bu gün dünyanın bir çox ölkələrində turistləri qədim dövrün abidələri cəlb edir, onda Qafqaz Albaniyası dövrünə aid olan 600-dən çox abidənin turistlərdə böyük maraq doğuracağını təxmin etmək mümkündür. Bu abidələr Qəbələdə, Şəkidə, Gədəbəydə, ölkəmizin şimal və qərb bölgəsindəki digər rayonlarda mövcuddur. Onların öyrənilməsi, tədqiqi, bərpa olunub turizm məhsulu kimi təqdim edilməsi çox vacibdir. Beləliklə, biz mədəni irsimizi turizm nümayiş obyekti olaraq təbliğ etməklə həm onların yaşadılmasına, gələcək nəsillərə çatdırılmasına nail oluruq, eyni zamanda da ölkəmizə çoxsaylı turistlərin gəlməsinə şərait yaradırıq”.
Nigar Abdullayeva




 
Bölməyə aid digər xəbərlər
18.09.2018
ABŞ ilə Çin arasındakı danışıqlar gərgin mərhələyə qədəm qoyub
18.09.2018
NATO Azərbaycanın beynəlxalq təhlükəsizliyə verdiyi töhfəni alqışlayır
18.09.2018
Bakıda Azərbaycan və Türkiyə əsgərlərini eyni sırada görmək tarixlərə işıq saçan xoşbəxtlikdir
18.09.2018
Ölkəmizə faydalı vətəndaşlar yetişdirməyə çalışırıq
17.09.2018
“Dünya görür ki, Türkiyə və Azərbaycan bir yerdədir”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info