Sosial xidmətlərin inkişafı üzrə yeni layihənin təqdimatı olub
Tarix: 30.07.2015 | Saat: 00:45:00 | E-mail | Çapa göndər


Əmək və Əhalinin Sosial Müdafiəsi Nazirliyində (ƏƏSMN) Avropa İttifaqının Avropa Qonşuluq Siyasəti çərçivəsində icra olunacaq “Azərbaycanda sosial xidmətlərin inkişafı” adlı yeni Tvinninq layihəsinin təqdimatı olub.
Tədbirdə əmək və əhalinin sosial müdafiəsi nazirinin müavini İlqar Rəhimov bildirib ki, Tvinninq layihəsi çətin həyat şəraitində olan şəxslərin sosial inklüziyasının təmin edilməsi və müvafiq sahədə qanunvericiliyin, institusional mexanizmlərin daha da təkmilləşdirilməsində ƏƏSMN-ə dəstək göstərməkdən ibarətdir. Bununla bağlı olaraq, layihə çərçivəsində görüləcək işlərdə Avstriyanın müvafiq dövlət qurumu ilə əməkdaşlığın həyata keçirilməsi də nəzərdə tutulur.
Qeyd olunub ki, hazırda ƏƏSMN-in sosial xidmət müəssisələrində 1182 nəfər tam dövlət təminatında yaşayaraq, stasionar şəkildə sosial xidmətlə, həmçinin sosial işçilər tərəfindən 12853 nəfər evlərində səyyar qaydada sosial-məişət xidməti ilə təmin olunur. Eyni zamanda nazirliyin sifarişləri əsasında ixtisaslaşmış qeyri-hökumət təşkilatları tərəfindən 1500 nəfər ehtiyacı olan uşağa və onların ailələrinə sosial xidmətlər göstərilir. Hazırda ölkəmizdə sosial xidmətlər sisteminin mütərəqqi təcrübədən istifadə olunmaqla daha da inkişaf etdirilməsi əsas vəzifələrdən biridir.
Avropa İttifaqının Azərbaycandakı Nümayəndəliyində Layihələr üzrə rəhbər vəzifəsini icra edən Olaf Heldebax, Avstriya Respublikasının Azərbaycandakı səfirinin müavini xanım Ute Fresner Azərbaycanda sosial xidmətlər sisteminin mütərəqqi dünya təcrübəsi əsasında daha da təkmilləşdirilməsində bu layihənin önəmli rol oynayacağına əminliklərini ifadə ediblər.
ƏƏSMN-in sosial təminat siyasəti şöbəsinin müdiri Səbinə Cəfərova, layihənin rəhbəri Corc Dimitz və ölkə üzrə məsləhətçisi Herbert Paulişin və başqaları layihənin fəaliyyət istiqamətləri barədə ətraflı məlumat veriblər. Bildirilib ki, 4 komponentdən ibarət layihə sosial xidmətlərlə təminatın Avropa İttifaqının ən yaxşı təcrübələrinə müvafiq təkmilləşdirilməsi üçün strateji çərçivənin yaradılmasını, bu sənədə əsasən mövcud qanunvericilikdə dəyişiklikləri nəzərdə tutan sənəd layihələrinin hazırlanmasını ifadə edir. Layihə üzrə sosial xidmət sisteminin modernləşdirilməsi işləri aparılacaq. Bu prosesin tərkib hissəsi kimi sosial xidmətlər üzrə keyfiyyət standartları və keyfiyyətin idarə olunmasına dair mexanizmlər, sosial xidmət təminatının monitorinqi və qiymətləndirmə sistemləri hazırlanacaq. Yeni sosial xidmət modelləri hazırlanaraq ilk növbədə Bakı şəhərində və üç pilot rayonda sınaqdan keçiriləcək. Həmçinin sosial xidmətlər sahəsində çalışacaq insan resurslarının inkişafı strategiyası və fəaliyyət planının hazırlanması, ƏƏSMN-in aidiyyəti sahədə fəaliyyət göstərən işçi heyətinə təlimlərin keçirilməsi təmin olunacaq.
Tədbirdə layihə çərçivəsində görüləcək işlərə və əldə olunacaq nəticələrə dair fikir mübadilələri aparılıb, layihənin icrası ilə əlaqədar cari məsələlər müzakirə olunub.
Qorqud




 
Bölməyə aid digər xəbərlər
16.11.2018
Sumqayıt Kimya Sənaye Parkında tütün məmulatları istehsalı fabriki istifadəyə verilib
16.11.2018
Prezident İlham Əliyev Sumqayıt şəhərinə səfərə gedib
16.11.2018
Məşğulluq Strategiyası insan kapitalının inkişafında, məşğulluğun təminatında mühüm addımların atılmasına imkan yaradacaq
15.11.2018
Peyk vasitəsilə Yerin məsafədən müşahidəsi xidmətlərinin inkişafına dair Dövlət Proqramı təsdiqlənib
15.11.2018
Azərbaycan şirkətləri Çinə ixracı genişləndirir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10485

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info