İran Azərbaycan peyklərindən istifadə etmək istəyir
Tarix: 03.08.2015 | Saat: 20:14:00 | E-mail | Çapa göndər


"İran Azərbaycan peyklərindən istifadə sahəsində Azərbaycanla əməkdaşlıq edə bilər". Bunu Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri Şahin Mustafayevin Tehrana səfəri (3-4 avqust) öncəsi “Trend”ə müsahibə verən İran-Azərbaycan hökumətlərarası komissiyanın katibliyinin rəhbəri Mehdi Möhtəşəmi bildirib.
M.Möhtəşəmi deyib ki, Azərbaycan Rabitə və Yüksək Texnologiyalar Nazirliyi ilə İran Rabitə və İnformasiya Texnologiyaları Nazirliyi arasında əlaqələr yüksək səviyyədədir: “Ötən il cənab Mahmud Vaezi "BakuTel-2014" sərgisində iştirak etdi. Həmçinin Əli Abbasov Tehrana səfər etmişdi. Səfər zamanı onu Azərbaycanın müxtəlif qurumlarından və şirkətlərindən nümayəndələr müşayiət edirdi. İndi də cənab Şahin Mustafayevin başçılıq etdiyi nümayəndə heyətinin tərkibində rabitə və yüksək texnologiyalar nazirinin müavini cənab İltimas Məmmədovu da dəvət etmişik. Onun üçün xüsusi görüşlər proqramlaşdırmışıq. Belə görüşlərdən biri “Pardis” texnoparkında, digəri isə İran Televiziyasında olacaq”.
Onun sözlərinə görə, İran şirkətləri rabitə və informasiya texnologiyaları sahəsində Azərbaycanla əməkdaşlıq etməkdə maraqlıdır: Əməkdaşlıq sənədinin Bakıda "BakuTel-2015" (1-5 dekabr 2015-ci il tarixində keçiriləcək - red.) çərçivəsində imzalanacağına ümid edirik. Həm istehsal, həm də xidmət baxımından bəzi sahələrdə İran, bəzi sahələrdə isə Azərbaycan inkişaf edib. Xüsusilə, Azərbaycan peyklərindən istifadə sahəsində əməkdaşlıq edə bilərik”.
M.Möhtəşəmi qeyd edib ki, İran Televiziyasının proqramlarının Azərbaycan peykində yayımlanması ilə bağlı yalnız Rabitə və İnformasiya Texnologiyaları Nazirliyi qərar vermir. İranın bəzi təşkilatları, o cümlədən Dövlət Televiziyası yayım haqqında rəyini bildirməlidir və birgə rəy əsasında qərar veriləcək: “Hazırda biz məlumatları toplayırıq və peykin potensialından nə dərəcədə istifadə edəcəyimizi dəyərləndiririk. Sevindirici haldır ki, bu səfərdə cənab İltimas Məmmədov İran Dövlət Televiziyasının rəsmiləri ilə görüşəcək və bu sahədə danışıqlar aparacaq. İndiyədək danışıqlar yaxşı səviyyədə aparılıb, layihələr müəyyən olunub. Texniki məsələlər də öz həllini tapmalıdır ki, bu sahədə saziş imzalansın”.
Onun sözlərinə görə, İ.Məmmədovun Tehrana səfəri iki ölkə arasında kompüter, proqram təminatı və tətbiqləri sahəsində sazişlərin imzalanması ilə nəticələnəcək.
Katiblik rəhbəri onu da əlavə edib ki, İran öz poçt daşımalarını Azərbaycan vasitəsilə göndərməyə və almağa hazırdır: “İran Prezidenti Həsən Ruhaninin Bakıya səfəri zamanı bu sahədə bir sənəd imzalandı. Bu sənəd hər iki ölkənin poçt sahəsində əməkdaşlıq etməsinə şərait yaradır. Sevindirici haldır ki, hər iki ölkənin poçt sahəsində çalışan rəsmiləri sənədin icrası sahəsində əməkdaşlıq edirlər. Əməkdaşlıq həm elektron poçt, həm də yük və karqo daşımaları sahəsini əhatə edir. Ümid edirik ki, iki ölkə həm bir-birinə, həm də üçüncü ölkələrə poçt daşımalarını həyata keçirmək üçün əməkdaşlığı daha da inkişaf etdirəcək”.




 
Bölməyə aid digər xəbərlər
20.09.2019
AccessBank-da vakansiya
20.09.2019
Bankda işləmək istəyənlərin nəzərinə
20.09.2019
“Veysəloğlu” işçi axtarır
20.09.2019
Şirkət işçi axtarır
19.09.2019
“Qida təhlükəsizliyi haqqında” qanun qəbul olunacaq

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10889

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info