Ordubaddakı arxeoloji tədqiqatlar yeniliklərlə müşayiət olunur [Yenilənib]
Tarix: 04.08.2015 | Saat: 22:34:00 | E-mail | Çapa göndər


Bəhlul İbrahimli: ”Kurqanların tədqiqi qəbir abidələrinin quruluşundakı təkamülü izləməyə imkan verir”

Aparılan son araşdırmalar Naxçıvanın və Urmiya ətrafı ərazilərin Orta Tunc dövründə vahid arxeoloji mədəniyyət arealında olduğunu sübut edir.
AMEA Arxeologiya və Etnoqrafiya İnstitutundan verilən məlumata görə, Ordubad (Naxçıvan MR) ərazisində fəaliyyət göstərən Xaraba-Gilan arxeoloji ekspedisiyası Plovdağ abidələr kompleksində, Dəlmə qalasında və Xaraba-Gilan şəhər yerində tədqiqatları davam etdirir.
Cari ilin tədqiqat mövsümünün ilkin mərhələsində Plovdağın ikinci nekropolunda 7 kurqan tədqiq edilib. E.ə. III minilliyin sonu - II minilliyin əvvəllərinə aid bu kurqanlarda Urmiya yaxınlığında yerləşən Göytəpə abidəsinin K təbəqəsi keramikasına uyğun gil qablar aşkar edilib. Daha çox Naxçıvanda və Urmiya ətrafı abidələrdə yayılmış bu tip keramika hər iki bölgənin Orta Tunc dövründə vahid arxeoloji mədəniyyət arealında olduğunu sübut edir.
Plovdağda Tunc dövrünə aid aşkar edilmiş insan qalıqları (skeletlər) AMEA-nın müxbir üzvü, tarix elmləri doktoru Vəli Baxşəliyevin rəhbərlik etdiyi Azərbaycan-Amerika Beynəlxalq Arxeoloji Ekspedisiyasının üzvü, Çikaqo Universitetinin antropoloqu Selin Elizabet Nugent tərəfindən tədqiq edilir. Xaraba-Gilan arxeoloji ekspedisiyasının rəhbəri, tanınmış arxeoloq Bəhlul İbrahimli isə qazıntılarla bağlı aşağıdakıları bildirdi: ”AMEA Arxeologiya və Etnoqrafiya İnstitutunun Xaraba-Gilan arxeoloji ekspedisiyasının İkinci Plovdağ nekropolunda tədqiq etdiyi Orta Tunc dövrünə aid 7 kurqan İlk Tunc dövründən Orta Tunc dövrünə keçid mərhələsinə aid maraqlı məlumatlar verib. Əldə olunan materiallardan aydın olur ki, Kur-Araz Mədəniyyətinə aid gil qabların formalarındakl bəzi xarakterik elementlər Orta Tunc dövründə də qorunub saxlanıb. Kurqanların tədqiqi qəbir abidələrinin quruluşundakı təkamülü də aydın izləməyə imkan verir. Belə ki, artıq Orta Tunc dövrünün sonlarında kurqanaltı daş qutu qəbirlər çoxluq təşkil edirlər. 66 saylı kurqanda, Plovdağ nekropolları üçün ilk dəfə olaraq oturaq şəkildə dəfn aşkar edilib.”
Qorqud




 
Bölməyə aid digər xəbərlər
21.01.2019
Dumanlı hava şəraiti ilə bağlı sürücü və piyadalara xəbərdarlıq
21.01.2019
“Milliön”dən gizli yolla 122 min manatdan çox vəsaiti talamış şəxs saxlanılıb
21.01.2019
Biləsuvarda 1176 yerlik yeni məktəb binası tikilir
21.01.2019
“AtaSığorta”: “Sığorta yığımları 8,7 milyon manat artıb”
21.01.2019
Ölkəyə narkotik vasitə keçirilməsinin qarşısı alınıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Dərslər təxirə salındı
3 Nikola Sarkozi: “Bakıda böyük quruculuq işlərinin şahidi oldum”
4 Mehman Hüseynov Prezident İlham Əliyevə müraciət ünvanlayıb
5 Yalçın Topçu: “Türkiyə və Azərbaycan arasında ticarət daha da artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info