TUMİB Əli bəy Hüseynzadəyə həsr olunmuş seminar keçirib
Tarix: 10.08.2015 | Saat: 22:52:00 | E-mail | Çapa göndər


“Türkiyə Universitetləri Məzunları” İctimai Birliyi (TUMİB) 08.08.2015 tarixində təşkilatın qərərgahında milli ideologiyamızın formalaşmasında xüsusi xidmətləri olan Əli bəy Hüseynzadənin (Əli Hüseyn Turan) həyat və yaradıcılığına həsr olunmuş seminar keçirib.
TUMİB-in sədri Çingiz Bayramov seminarı açıq elan etdi və qeyd etdi ki, milli ideologiyamızın formalaşmasında rolu olan, tariximizdə xüsusi xidmətləri olan ziyalıları gənc nəslə daha yaxından tanıtmaq və bunun gənclərin milli-mənəvi dəyərlər baxımdan yetişməsi, maariflənməsi baxımından əhəmiyyətini nəzərə alaraq silsilə tədbirlərə başladıqlarınıı bildirib. Natiq ilk silsilə tədbirin Azərbaycançılıq məfkurəsinin banilərindən, böyük mütəfəkkir Əli bəy Hüseynzadənin (Əli Hüseyn Turan) həyat və yaradıcılığına həsr olunmasının önəmindən və 2014-cü ildə Azərbaycan Respublikası Prezidenti İlham Əliyevin Əli bəy Hüseynzadənin 150 illik yubileyinin keçirilməsi haqqında Sərəncamından danışıb. Natiq Ulu Öndər Heydər Əliyevin “Bizim hamımızı birləşdirən, həmrəy edən azərbaycançılıq ideyasıdır, azərbaycançılıqdır” fikrinin Əli bəy Hüseynzadə kimi mütəfəkkirlərin öyrənilməsi üçün gənclərə bir stimul olduğunu bildirib.
Daha sonra söz seminarın məruzəçisi TUMİB-in Elmi Araşdırmalar və Tədqiqatlar Mərkəzinin rəhbəri Əli Fərhadova verilib. Əli Fərhadov öz məruzəsində Əli bəy Hüseynzadənin “Həyat”, “Füyuzat” kimi ilk azərbaycandilli mətbuat orqanlarındakı rolundan, onun milli və dini maarifçilik fikirlərindən, cəhalətə, xurafata qarşı mübarizəsindən, türkçülük, islamçılıq və müasirləşmək istiqamətindəki çalışmalarından bəhs edib. Əli bəy Hüseynzadənin milli mədəniyyətin formalaşması üçün islam və Avropa mədəniyyətlərini milliliklə sintez etməsi sahəsindəki fikirləri natiq tərəfindən vurğulanıb.
Əli Fərhadovdan sonra TUMİB Tarix Mərkəzinin rəhbəri Əkbər Nəcəf, Üsküdar Universitetinin bölüm rəhbəri, sosioloq Əbülfəz Süleymanlı, TUMİB-in fəal üzvü Babək Xəlilov, taekvando üzrə milli hakim və idman jurnalisti Təranə Xudabaxşıyeva, “Müvəkkil” Hüquq Mərkəzinin sədri Səməd Vəkilov, TUMİB-in İdarə Heyətinin üzvü Cabir Dövlətzadə öz çıxışlarında Əli bəy Hüseynzadənin Azərbaycan mədəniyyətindəki rolundan, azərbaycançılığa və türkçülüyə etdiyi xidmətlərdən bəhs ediblər. Tədbirdə TUMİB-in Gənclər Mərkəzinin rəhbəri Gülər Qasımlı, onun müavini Samir Penaliyev, TUMİB-in Mətbuat Xidmərinin rəhbəri Səbinə Novruzzadə, TUMİB-in Gənclər Mərkəzinin üzvləri Türkan Əliyeva, Asif Hacıyev, Məhəmməd Əsgərov, Cəmilə Aslan və sair gənclər, tələbələr də iştirak ediblər.
Tədbirin sonunda iştirakçıların suallarına cavab verildi və bu istiqamətdə silsilə tədbirlərin gələcəkdə də davam edəcəyi bildirilib.


Təhminə




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info