Leyla Yunus məhkəməni şouya çevirməklə diqqəti faktlardan yayındırmağa çalışır
Tarix: 11.08.2015 | Saat: 00:27:00 | E-mail | Çapa göndər


Leyla Yunus özü də etiraf edib ki, Azərbaycan dilində yalnız
söyməyi bacarır. Dohaya uçmaq istəyərkən saxlanılan zaman və növbəti gün onun polislərə qarşı davranışı və söyüşləri bunu
bir daha sübut edir

Dünən Bakı Ağır Cinayətlər Məhkəməsində hakim Əfqan Hacıyevin sədrliyi ilə "Sülh və Demokratiya İnstitutu" adlı qurumun həbsdə olan direktoru Leyla Yunus və həyat yoldaşı Arif Yunusun cinayət işi üzrə məhkəmə prosesi davam edib. Proses başladıqdan sonra məhkəmə iclasında sədrlik edən iş üzrə tərcüməçi Teymur Süleymanovun iclasda iştirak etmədiyini, prosesə tərcüməçi qismində Musa Abbasovun dəvət edilməsini bildirib.
L.Yunus yeni tərcüməçinin onun sözlərini mükəmməl tərcümə edəcəyinə inanmadığını bildirib ona etiraz edib. Məhkəmə proses iştirakçılarının fikrini dinləyib M.Abbasovun işə tərcüməçi qismində buraxılmasına dair etirazı təmin edib. Bundan sonra, məhkəmə iclasında sədrlik edən iclasa tərcüməçi qismində Aliyə Cəfərovanın dəvət edilməsini bildirib. L.Yunus yenidən həmin tərcüməçinin də onun sözlərini mükəmməl tərcümə edəcəyinə inanmadığını bildirib ona etiraz edib. Məhkəmə proses iştirakçılarının fikrini dinləyib A.Cəfərovanın işə tərcüməçi qismində buraxılmasına dair etirazı təmin edib və prosesin təxirə salınaraq növbəti iclasın 13 avqust 2015-ci il tarixə, saat 10:00-a təyin olunmasını qərarlaşdırıb. Göründüyü kimi, konkret cinayət əməllərində ittiham olunan L.Yunus hər vəchlə məhkəmə prosesinin gedişatını uzatmağa çalışır. Onun indiyə qədər Azərbaycan dilinə, Azərbaycan dövlətinə olan münasibəti məhkəmə prosesində bir daha qabarıq şəkildə özünü göstərir. Bu insan heç vaxt Azərbaycanı, xalqı, dövləti sevməyib. Həmişə Azərbaycana, xalqımıza, doğma dilimizə qarşı həqarətlə yanaşıb. Xaricdən aldığı qrantlara görə ödəməli olduğu vergini dövlət büdcəsindən gizlədən bu şəxs aldığı həmin vəsaiti dövlətə qarşı fəaliyyətə yönəltməklə yanaşı, xaricdə özünə mal-mülk alıb. Onun məhkəmə ortaya atdığı tərcüməçi problem də Azərbaycan dilinə və ümumiyyətlə Azərbaycana əsl münasibətinin təzahürüdür. Leyla Yunus özü də etiraf edib ki, Azərbaycan dilində yalnız söyməyi bacarır. Dohaya uçmaq istəyərkən saxlanılan zaman və növbəti gün onun polislərə qarşı davranışı və söyüşləri bunu bir daha sübut edir. Leyla Yunus Azərbaycana o qədər nifrət edir ki, doğma dilimizin onun üçün ancaq söyüş söymək üçün lazım olduğunu açıq şəkildə dilə gətirməkdən də utanmır. İndi də məhkəmədə oyun çıxarmaqla məhkəmə prosesini ləngitməyə çalışır. Onun bu davranışının başqa səbəbi süni problemlər yaradaraq yerli və xarici ictimaiyyətin diqqətini məhkəməyə cəlb etməkdir. Faktlar qarşısında aciz qalan Leyla Yunus məhkəməni şouya çevirməklə diqqəti ittihamdan, faktlardan yayındırmaq niyyəti güdür. Xatırladaq ki, L.Yunus Cinayət Məcəlləsinin 274-cü (Dövlətə xəyanət), 178.3.2-ci (Dələduzluq (külli miqdarda ziyan vurmaqla törədildikdə), 192.2.2-ci (Qanunsuz sahibkarlıq (külli miqdarda gəlir əldə etməklə törədildikdə), 213.2.2-ci (Vergi ödəməkdən yayınma) külli miqdarda törədildikdə), 320.1-ci (Hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədilə saxtalaşdırma və ya qanunsuz hazırlama, yaxud bu cür sənədi satma, habelə eyni məqsədlə Azərbaycan Respublikasının saxta dövlət təltifini, ştampı, möhürü, blankı hazırlama və ya satma) və 320.2-ci (Bu Məcəllənin 320.1-ci maddəsində göstərilmiş bilə-bilə saxta sənədlərdən istifadə etmə) maddələri, Arif Yunus isə 178.3.2-ci (dələduzluq) və 274-cü (Dövlətə xəyanət) maddələri ilə təqsirləndirilir. Hər iki şəxs barəsində olan Cinayət Məcəlləsinin 274-cü (Dövlətə xəyanət) maddəsi üzrə cinayət işi ayrı icraata verilib. Hazırda məhkəməyə göndərilən cinayət işi dələduzluq və digər cinayət işləri ilə bağlıdır.
Anar Miriyev





 
Bölməyə aid digər xəbərlər
16.06.2019
Azərbaycan və Rusiya arasında sərhədyanı işgüzar əməkdaşlığın inkişafına dair dəyirmi masa keçirilib
16.06.2019
Erməni əsilli Fransa politoloqundan etiraf: “Azərbaycanın bu istiqamətdə apardığı iş az rol oynamadı”
16.06.2019
Mariya Zaxarova: Mən Bakını çox sevirəm
15.06.2019
Litvada “Qara bağın faciəsi” kitabının imza mərasimi olub
15.06.2019
Özbəkistan portalı Ermənistan ordusunun cəbhə xəttindəki son təxribatları barədə yazır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info