Dini maarifləndirmə tədbirləri davam etdirilir
Tarix: 13.08.2015 | Saat: 01:13:00 | E-mail | Çapa göndər


Prezidentin imzaladığı sərəncama əsasən, ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün Azərbaycan Respublikasının 2014-cü il dövlət büdcəsində nəzərdə tutulmuş Prezidentin Ehtiyat Fondundan Dini Qurumlarla İş üzrə Dövlət Komitəsinə (DQİDK) 2,5 milyon manat vəsait ayrılıb.
Həmin maliyyə vəsaiti hesabına maarifləndirmə işinin aparılması məqsədilə Dövlət Komitəsinin dəstəyi ilə tədbirlər təşkil edilir. Belə tədbirlərdən biri Dini Qurumlarla İş üzrə Dövlət Komitəsinin Şirvan şöbəsi Hacıqabul rayon İcra Hakimiyyətinin birgə təşkilatçılığı ilə Hacıqabul şəhərində ”Dövlət-din münasibətlərinin yaxşılaşdırılması və qeyri -ənənəvi dinlərə qarşı mübarizə”mövzusunda keçirilib. Tədbirdə DQİDK-nın Şirvan bölgəsi üzrə şöbə müdiri vəzifəsini icra edən Aydın Alıyev, Hacıqabul RİH başçısının birinci müavini Cahib Aslanov, şəhərin axundu Hacı İntiqam Mirqani, icma sədrləri, şəhərin din xadimləri və gənclər iştirak ediblər. Tədbirdə çıxış edən natiqlər Hacıqabul rayonunda dövlət-din münasibətlərinin çox yüksək səviyyədə olduğunu bildiriblər.

“İnsanların əxlaq və sevgi yönümündən
dini maariflənməsi”

İsmayıllı rayon Diyallı kənd məscidi dini icmasının “İnsanların əxlaq və sevgi yönümündən dini maariflənməsi” layihəsi çərçivəsində təxminən 50 nəfərin iştirakı ilə Diyallı kəndində “Dini radikalizm və onun təhlükələri” adlı dəyirmi masa təşkil olunub. Tədbirə Şamaxı bölgəsi üzrə şöbə müdiri vəzifəsini icra edən Rəhim Rəhimli, ekspert qismində DQİDK-nın əməkdaşı Namiq Cırıyev, QMİ-nin səlahiyyətli nümayəndəsi Şahzadə Bilalov, Diyallı kənd məscidi dini icmasının sədri Hikmət Əhmədov, habelə dini icma üzvləri, ətraf kəndlərin dini icma sədrləri və gənclər iştirak ediblər.
Diyallı kənd məscidi dini icmasının sədri Hikmət Əhmədov keçirilən layihənin önəm və əhəmiyyətini tədbir iştirakçılarının nəzərinə çatdırıb. Daha sonra çıxış edən DQİDK-nın əməkdaşı Namiq Cırıyev dövlət-din münasibətləri, radikalizmlə mübarizə sahəsində son dövrlər görülmüş işlər haqqında geniş məruzə ilə çıxış edib.

“Gənclərimizin sağlam dini
maariflənməsi”

İsmayıllı şəhər “Cümə” məscidi dini icmasının “Gənclərimizin sağlam dini maariflənməsi” layihəsi çərçivəsində təxminən 50 nəfərin iştirakı ilə “Dini radikalizm və onun təhlükələri” adlı dəyirmi masa təşkil edilib. Tədbirə Şamaxı bölgəsi üzrə şöbə müdiri vəzifəsini icra edən Rəhim Rəhimli, ekspert qismində DQİDK-nın əməkdaşı Namiq Cırıyev dəvət olunub, milli-mənəvi dəyərlər, dini radikalizm, onun təhlükələri və bu mövzuda gənclərin üzərinə düşən vəzifələr barəsində ətraflı söhbətlər, fikir mübadiləsi aparılıb. Tədbirdə QMİ-nin səlahiyyətli nümayəndəsi Şahzadə Bilalov çıxış edərək dini icmalara ayırdığı diqqətə və qayğıya görə ölkə Prezidenti İlham Əliyevə və DQİDK-nın sədri Mübariz Qurbanlıya minnətdarlıq bildirib.

Qorqud




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info