Azərbaycan “Xəzər kuboku-2015” yarışlarında yüksək səviyyədə iştirak edir
Tarix: 13.08.2015 | Saat: 16:06:00 | E-mail | Çapa göndər


Avqustun 1-də Mahaçqala limanı yaxınlığında başlayan Azərbaycan, Rusiya, Qazaxıstan, Türkmənistan və İran Hərbi Dəniz Qüvvələrinin iştirakı ilə “Xəzər Kuboku - 2015” beynəlxalq müsabiqəsi davam edir.
Beynəlxalq müsabiqədə ölkəmizi Hərbi Dəniz Qüvvələrinin 2 ədəd gözətçi və 1 ədəd xilasedici yedək gəmisi təmsil edir.
“Xəzər Kuboku - 2015” yarışlarında iştirakla yanaşı hərbi dənizçilərimiz Mahaçqala şəhərində olduqları müddətdə digər ölkələrin gəmi ekipajları ilə qarşılıqlı görüşlər, ziyafətlər, mədəni-kütləvi və digər tədbirlər keçirir.
Yarışların birinci mərhələsində iştirakçı ölkələrin heyətlərinin artilleriya silahları ilə davranma və atış vərdişləri yoxlanılıb. Azərbaycan Hərbi Dəniz Qüvvələri, Qazaxıstan Hərbi Dəniz Qüvvələri və Rusiya Federasiyası Hərbi Dəniz Donanmasının heyətləri müxtəlif tapşırıqlar yerinə yetirib. Hava hədəflərinə atəş zamanı hər üç ölkənin iştirakçı komandası yüksək peşəkarlıq nümayiş etdirərək bu mərhələdə hava hədəflərini məhv edib. Ağır hidrometereoloji şəraitdə, küləklihavada üzən mina və maneələrlə atış zamanı da dənizçilərimiz yüksək döyüş hazırlığı nümayiş etdirib.
Birinci mərhələnin yekunlarına görə Rusiya Federasiyası Hərbi Dəniz Donanmasının kiçik raket gəmisi "Qrad Sviyajsk" birinci, Qazaxıstan Hərbi Dəniz Qüvvələrinin raket-artilleriya gəmisi "Sarı Arka" ikinci, Azərbaycan Hərbi Dəniz Qüvvələrinin gözətçi-patrul gəmisi "G-124" üçüncü yeri tutub.
İkinci mərhələdə heyətlərin dəniz vərdişləri yoxlanılıb. Turnirin 2-ci mərhələsinin şərtlərinə görə “Beynəlxalq Siqnallar Toplusu” üzrə verilən siqnalların qəbulu, açıqlanması, cavablarının hazırlanaraq digər gəmilərə ötürülməsi üzrə müsabiqədə Rusiya Federasiyasından və Qazaxıstandan olan həmkarlarını qabaqlayaraq 1-ci, gəminin serinq üsulu ilə təyin olunmuş nöqtəyə lövbərə qoyulması, təyin olunan kursun saxlanması müsabiqəsində isə ümumilikdə 29 bal toplayaraq Azərbaycan Hərbi Dəniz Qüvvələrinin G-124 gözətçi gəmisinin heyəti 2-ci yeri tutub. Bu mərhələdə Rusiya Federasiyası Hərbi Dəniz Donanmasının kiçik raket gəmisi "Qrad Sviyajsk" birinci, Azərbaycan Hərbi Dəniz Qüvvələrinin gözətçi-patrul gəmisi "G-124" ikinci, Qazaxıstan Hərbi Dəniz Qüvvələrinin raket-artilleriya gəmisi "Sarı Arka" üçüncü yeri tutub.

Rusiya Federasiyası Hərbi Dəniz Donanması Döyüş Hazırlığı İdarəsinin rəisi, “Beynəlxalq Xəzər Kuboku - 2015” müsabiqəsinin baş hakimi kontr-admiral Kaçemazov Viktor Nikolayeviç yarışların nəticələrindən danışarkən Azərbaycan Hərbi Dəniz Qüvvələrinin də iştirakını yüksək qiymətləndirib: “Yarışın baş hakimi olaraq heyətlərin əzmkarlığı və peşəkarlığı mənə böyük zövq verdi. Hər bir komanda özünü ən yaxşı tərəfdən göstərməyə çalışırdı. Bu yarışda Venesuella, Anqola, Çin və Hindistandan beynəlxalq müşahidəçilər də iştirak edirdilər. İnanıram ki, növbəti illərdə "Xəzər kuboku"nda iştirak etmək istəyən iştirakçıların sayı artacaq”.

Fuad




 
Bölməyə aid digər xəbərlər
23.08.2019
Bu il artıq 750-dək məcburi köçkün özünüməşğulluq proqramına cəlb olunub
22.08.2019
500 nəfər əlilliyi olan şəxsə kiçik biznesini qurmaq imkanı yaradılır
21.08.2019
Bakıda yeni liftlərin quraşdırılması davam edir
20.08.2019
Bakıdan avtobusla Naxçıvana gedənlərə şad xəbər
20.08.2019
Azərbaycanın avtomobil bazarında qiymətlər necə dəyişəcək?

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info