Hikmət Hacıyev: “Xankəndində konsertin keçirilməsi beynəlxalq ictimaiyyəti aldatmaqdır”
Tarix: 13.08.2015 | Saat: 22:49:00 | E-mail | Çapa göndər


“Azərbaycana qarşı təcavüz və bir milyondan artıq azərbaycanlının qanlı etnik təmizləməsinə “Dağlıq Qarabağın müstəqilliyi” adı altında saxta don geyindirərək, konsert proqramının təşkil edilməsi Ermənistanın insanlıq əleyhinə cinayət və soyqırımı əməllərinə uğursuz bəraət qazandırmaq cəhdindən başqa bir şey deyil”.
Bu barədə Azərbaycanın işğal olunmuş ərazilərində “Dağlıq Qarabağın müstəqilliyi” ilə əlaqədar keçirilməsi nəzərdə tutulan konsert proqramına münasibət bildirən Xarici İşlər Nazirliyinin mətbuat xidmətinin rəhbəri Hikmət Hacıyev deyib. Onun sözlərinə görə, Cuzeppe Verdinin “Messa da Requiem”ni konsert proqramına daxil edən təşkilatçılar bilmirlər ki, bu əsərin fəlsəfəsini əslində insan faciəsi və insanlığa qarşı pis əməllər törədənlərin sonluğu təşkil edir: “1 sentyabr tarixində Xankəndində təşkil olunacaq Verdinin “Messa da Requiem”in premyerasını yalnız faşist Almaniyası tərəfindən 1943-1944-cü illərdə bu əsərin Terezin konsentrasiya düşərgəsində məhbuslar tərəfindən 16 dəfə məcburi ifası ilə müqayisə etmək olar. Lakin Terezin konsentrasiya düşərgəsindən fərqli olaraq, Xankəndində keçiriləcək konsertdə əsl incəsənət xadimi adına yaraşmayacaq formada ucuz qonorar arxasınca qaçan və maddiyyatı mənəvi-əxlaqi dəyərlərdən üstün tutan Lyubov Kazarnovskaya və adı hallanan Yana Safonova, Vişnia Radosav, Nikola Uliveri, digərləri ifaçı rolunda çıxış edəcəklər. Bu şəxslər təəssüf ki, Azərbaycan xalqına qarşı törədilmiş qanlı etnik təmizləmənin təşviqində alətə çevrilirlər. Onların bu cür qanunsuz davranışları Azərbaycan ictimaiyyəti və beynəlxalq səviyyədə qınaq obyektidir. Ermənistanın tam nəzarətində olan qondarma rejimdə işçilər altı aydan artıq dövrdə cüzi məbləğli əmək haqlarını belə ala bilmədikləri və Ermənistanın özünü ciddi sosial-iqtisadi problemlər bürüdüyü halda, konsert proqramının təşkil edilməsi yalnız özünü və beynəlxalq ictimaiyyəti aldatmaqdır. Bu kimi təxribatçı əməlləri ilə Ermənistan bir daha nümayiş etdirir ki, sivil qaydada münaqişənin həlli və regionda sülh və sabitliyin bərqərar olmasında maraqlı deyil”.
Qeyd edək ki, Xankəndində “Dağlıq Qarabağın müstəqilliyi”nə həsr olunmuş konsert proqramı təşkil olunacaq. Konsert proqramının layihə müəllifi rusiyalı opera müğənnisi Lyubov Kazarnovskayadır. Layihənin ideya müəllifi və himayədarı Ermənistanın birinci xanımı Rita Sarkisyandır.

Fuad




 
Bölməyə aid digər xəbərlər
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info