“Qruziya onlayn”: “Samsxe-Cavaxetiya bölgəsinin azad iqtisadi zona elan edilməsi təklifi Rusiyanın Gürcüstana qarşı növbəti planıdır”
Tarix: 04.02.2013 | Saat: 17:36:00 | E-mail | Çapa göndər


Mixail Saakaşvili: “Bu ideyanın əsasını vahid administrativ birlik yaratmaq təşkil edir, bu birlik yaradıldıqdan sonra isə Gürcüstandan muxtariyyət, daha sonra müstəqillik tələb edəcəklər”

Rusiyada yaşayan Cavaxetiya erməni diasporu erməni əhalinin sıx məskunlaşdığı Gürcüstanın Samsxe-Cavaxetiya bölgəsinin azad iqtisadi zona elan edilməsinin vacib olduğunu bəyan edib. Gürcüstanın dövlət başçısı Mixail Saakaşvili bu məsələyə münasibət bildirib. «Armtoday» xəbər verir ki, Saakaşvili Samsxe-Cavaxetiya bölgəsinin azad iqtisadi zona elan edilməsi ilə bağlı təklifin Rusiyanın Gürcüstana qarşı növbəti planı olduğunu bildirib. “Qruziya onlayn” xəbər verir ki, Saakaşvili bu məsələnin uzun müddət ərzində müzakirə olunduğunu bildirib: “Acariyada Aslan Abaşidze bu məsələ ilə bağlı çoxdan spekulyasiya edirdi. Yeni separatizm ideyasını diqqət çəkmədən hazırlayırlar. Hər şey bir-birinə bağlıdır. Gürcüstan və Ermənistandan keçməklə Abxaziya dəmiryolunun açılması ilə bağlı məsələ ortaya atıldı. Bu məsələ tamamilə Gürcüstanın milli maraqlarına ziddir. İkinci məqam Çaxalyanın həbsxanadan azad edilməsidir. O qədər həyasızlaşıb ki, hər gün bəyanatlar verir. Daha sonra Gürcüstanın mərkəzi hakimiyyətinə qarşı hücumlar başladı, indi isə azad iqtisadi zona ilə bağlı məsələ ortaya atılıb. Onlar nəyin bahasına olursa-olsun nümayişkarənə şəkildə birlik görüntüsü yaratmaq istəyirlər və azad iqtisadi zona ideyasının əsasını vahid administrativ birlik yaratmaq təşkil edir. Bu birlik yaradıldıqdan sonra isə Gürcüstandan muxtariyyət, daha sonra müstəqillik tələb edəcəklər. Biz istəyirik ki, bütün Gürcüstan inkişaf etsin, reytinqlərdə ölkə daha da irəli getsin, ölkənin hər yerində iqtisadi fəaliyyət üçün lazımi şərait yaradılmalıdır. Biz bu diskussiyaları açan kimi qarşımıza vahid administrativ birlik yaratmağa əsaslanan azad iqtisadi zona yaradılması məsələsi çıxır. Bu haqda Ermənistan hökuməti və oradakı əhali, bizim elektrik stansiyası, böyük turist mərkəzi tikdiyimiz, dəmiryolu, yeni yollar saldığımız bölgənin sakinləri danışmır. Bu haqda Rusiyadakı erməni diasporu danışır. Bu o deməkdir ki, təşəbbüs Rusiyadan gəlib. Bu isə mənim dediyim vahid planın tərkib hissəsidir. Gürcüstan hökuməti buna imkan verməmək üçün hər şeyi etməlidir. Bu, sadə məsələ deyil”.
ANAR




 
Bölməyə aid digər xəbərlər
24.03.2019
Paşinyan reytinqini küçə süpürməklə qaldırmaq istəyir?
23.03.2019
Astana şəhərinin yeni adı Nur-Sultan oldu
22.03.2019
Ermənistanda qazın qiyməti artacaq
21.03.2019
“Ermənistan hakimiyyəti Qarabağ danışıqlarına hazır deyil“
20.03.2019
Dariqa Nazarbayeva Qazaxıstan parlamenti Senatının sədri seçilib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 İraqda bərə qəzaya uğrayıb: 71 ölü
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info