“Qəbələ və Qyonqcu şəhərləri arasında sənəd imzalanacaq”
Tarix: 17.08.2015 | Saat: 23:34:00 | E-mail | Çapa göndər


“Son illər Azərbaycan və Koreya münasibətləri yüksələn xətlə inkişaf edir. Hazırda iki ölkə arasında bir çox sahələrdə yeni əlaqələr qurulur. İki ölkənin kino sahəsində birgə həyata keçirdiyi möhtəşəm layihə uğurla başa çatıb”.
Bu barədə Koreya Respublikasının Azərbaycandakı səfiri Çoi Suk-İn Qəbələdə jurnalistlərə müsahibəsində məlumat verib. Azərbaycan Mədəniyyət Fondunun, Azərbaycan-Koreya Mədəniyyət Mübadiləsi Assosiasiyasının (SEBA), Koreya Fondunun təşkilatçılığı və Koreya Respublikasının Azərbaycandakı səfirliyinin dəstəyi ilə iyulun 6-dan avqustun 15-dək ölkəmizdə keçirilən Koreya kinosu festivalı çərçivəsində nümayiş olunan filmlərin Azərbaycan tamaşaçısında Koreya barədə daha dolğun təsəvvür yaratdığına inandığını bildirən səfir kino mədəniyyətinin inkişafı və təbliği üçün bu cür festivalların keçirilməsinin vacibliyini qeyd edib. Hər iki ölkənin milli- mənəvi dəyərlərindən danışan Çoi Suk-İn festivalda nümayiş etdirilən bir-birindən maraqlı filmlərin Azərbaycan tamaşaçılarına Koreya xalqının tarixi, mədəniyyəti, adət-ənənələri ilə tanışlıq imkanı qazandırdığını vurğulayıb. Səfir Koreya ilə Qəbələnin çox sıx əlaqələrinin olduğunu bildirərək deyib: “Mən bir neçə dəfə Qəbələdə olmuşam və burada özümü evimdəki kimi rahat hiss edirəm. Qəbələnin koreyalılar üçün xüsusi əhəmiyyəti var. Burada keçirilən beynəlxalq rəsm sərgilərində və musiqi festivallarında koreyalı rəssam və musiqiçilər də iştirak ediblər. Hazırda isə SEBA-nın dəstəyi ilə koreyalı arxeoloqlar 900 il Qafqaz Albaniyasının paytaxtı olan qədim Qəbələ şəhərinin ərazisində qazıntı və tədqiqat işləri aparırlar”. Səfir Çoi Suk-İn yaxın vaxtlarda Qəbələ Rayon İcra Hakimiyyəti rəhbərliyinin Koreya Respublikasına səfər edəcəyini, Qəbələ və Qyonqcu şəhərləri arasında qardaşlaşma haqqında sənəd imzalanacağını bildirib. Səfir deyib: “Bu il avqustun 21-dən oktyabrın 18-dək Koreya Respublikasının Qyonqcu şəhərində "Qyonqcu İpək Yolu" adlı festival təşkil olunacaq. Festival zamanı avqustun 25-dən 30-dək həmin şəhərdə "Azərbaycan günləri” keçiriləcək. Bununla bağlı Koreyaya Azərbaycan Dövlət Rəqs Ansamblının, Qədim Musiqi Alətləri Ansamblının, bir pianoçu və iki opera müğənnisinin, Qəbələ şəhərindən incəsənət işçilərinin gedəcəyi gözlənilir”.




 
Bölməyə aid digər xəbərlər
20.02.2019
Azərbaycan Litvanın vacib tərəfdaşı olub və olacaq
19.02.2019
ABŞ-na avtomobil rüsumu ilə bağlı xəbərdarlıq
18.02.2019
Akkoç: “Türkiyə – Azərbaycan qardaşlığı və dostluğu əbədidir”
18.02.2019
“Vergi Ombudsmanı institutunun yaradılması vergi sistemində şəffaflığı artıracaq”
18.02.2019
“Moskvadakı insident, Rusiyada yaşayan iki nüfuzlu qardaş xalqın arasını vurmaq cəhdi idi”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10607

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info