Ukraynadakı diasporumuzun turizmin inkişafına töhfəsi
Tarix: 18.08.2015 | Saat: 19:51:00 | E-mail | Çapa göndər


Prezident İlham Əliyev Nazirlər Kabinetinin son iclasında çıxışı zamanı Azərbaycana turist axınına maneə yaradan məqamlara sərt irad bildirməsi ölkəmizin hər yerində olduğu kimi diaspor təşkilatları tərəfindən də diqqət və maraqla qarşılanıb. Həmin çıxışdan ruhlanaraq Ukrayna Qafqaz Xalqları Konqresinin sədri Paşa Məmmədov (İlisuyskiy) və Rusiyada Azərbaycan diasporunun fəalı Rüfət Əliyev bir neçə ölkədən olan 20-ə yaxın turistin Qax rayonuna səyahətini təşkil ediblər. Əsrarəngiz təbiət gözəlliklərinə, əlverişli iqlim şəraitinə malik olan Qax rayonunun turizm potensialı geniş olduğundan xarici ölkələrdən olan turistlərin buraya marağını artırmaq məqsədi ilə Paşa Məmmədovun və məşhur fotoqraf Rüfət Əliyev yeni təşəbbüsü bu sahədə ilk olmaqla yanaşı, həm də ölkəmizin tanıdılması baxımından diqqəti çəkir. Bununla bağlı Paşa Məmmədov qəzetimizə açıqlamasında vurğulayıb: “Qaxın əsas özəlliklərindən biri onun turizm üçün son dərəcə əlverişli, füsunkar bir məkanda, uca dağların qoynunda yerləşməsidir. Qədim kənd və müasir şəhər elementlərini özündə birləşdirən bu turizm məkanını ilin bütün fəsillərində yerli və xarici turistlər ziyarət etmək imkanına malikdir. Məhz bu baxımdan Rusiya, Ukrayna və İsraildən olan turistlərin rayonumuza səyahətini təşkil etmişik. Cənab Prezident son müşavirədəki çıxışında qeyri-neft sektorunun inkişafını vurğuladı və prioritet sahə kimi turizm sektorunu da qeyd etdi. Bu çağırışa cavab olaraq Qaxın adından, bir qaxlı kimi Qax rayonunun turist potensialı ilə tanış etmək məqsədi ilə turistləri cəlb elədik. Təbii ki, bunlar Qax rayonunda yaşayan əhalinin rifahının artmasına kömək olacaq, həm Qax rayonunun turizm potensialının dünyaya çatdırılmasına kömək olacaq. Və bu sahədə biz Qax gəncləri bacardığımız işi heç kimdən gözləməyərək özümüz görəcəyi nəzərdə tutmuşuq. Bu gün bu layihənin birinci etapıdır. Bu layihə turizm mövsümü başa çatanadək davam edəcək”.
Ukrayna, Rusiya və İsraildə yaşayan turistlər səyahət zamanı Kürmük məbədində, Sumu qalada, Ulu körpü, Ləkit və Qum kəndlərindəki dünya memarlıq abidələrinə baş çəkdiklərini, eləcə də şəhərdəki İçəri bazar mədəniyyət-turizm mərkəzindən xüsusi zövq aldıqlarını, bu məkanların dünyanın öndə gedən turizm bölgələrindən heç də geri qalmadığını xüsusi qeyd ediblər. Paşa Məmmədovun verdiyi məlumata əsasən, ölkə başçısının qeyri-neft sektorunda, xüsusən də turizmin inkişaf etdirilməsinə dair verdiyi tövsiyələri həyata keçirmək üçün yaxın vaxtlarda bir neçə tur-aksiyaların təşkili nəzərdə tutulur.
Fuad Hüseynzadə




 
Bölməyə aid digər xəbərlər
18.03.2019
“Bakcell” gənc developerlər üçün məzun gecəsi keçirib
18.03.2019
“Sağlamlıq-2018” Respublika Spartakiadasının qalibləri mükafatlandırılıb
18.03.2019
Novruz bayramı türkdilli xalqlarda etno-mədəni hadisədir
18.03.2019
Bakı şəhəri ilə Dərbənd və Maqas şəhərləri arasında Memorandum imzalanıb
18.03.2019
Dənizçilər Cocuq Mərcanlıda olublar

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info