ABŞ jurnalında Azərbaycanla bağlı məqalə
Tarix: 19.08.2015 | Saat: 16:49:00 | E-mail | Çapa göndər


Amerikada çıxan “IJ Review” jurnalında “The Jerusalem Post” və “The Baltimore Jewish Times” qəzetlərinin sabiq baş redaktoru Maayan Caffenin məqaləsi dərc edilib. Məqalədə ABŞ Administrasiyasına ünvanlanmış bir çağırış – ABŞ-ın Qafqazdakı müttəfiqi Azərbaycana Dağlıq Qarabağ münaqişəsinin həllində dəstək vermək çağırışı əks olunur. Müəllif yazır ki, ABŞ rəhbərliyi, o cümlədən Ağ Ev və Konqres ölkələrin ərazi bütövlüyü prinsipini dəstəkləyir və son bir il ərzində Ukraynada davam edən münaqişə ilə əlaqədar rəsmi Kiyevi bu cür dəstəklədiklərini bildiriblər. Müəllif qeyd edir ki, 2012-ci ildə ABŞ-ın dəstəyi ilə BMT Abxaziyada və Cənubi Osetiyada separatçıları tanımaqdan imtina edərək Gürcüstanın ərazi bütövlüyünü bir daha dəstəkləyib. Xanım Caffe vurğulayır ki, Konqres postsovet məkanında separatçı münaqişələr barəsində ardıcıl siyasət yürütməlidir. Müəllif daha sonra qeyd edir ki, Ermənistan Azərbaycan ərazilərinin 20 faizini işğal edib və bu torpaqlarda etnik təmizləmə aparıb. Ekspert 1918-ci ildə Azərbaycan Xalq Cümhuriyyətinin yaradılması və 1920-ci ildə Azərbaycanın “Qırmızı Ordu” tərəfindən işğal edilməsi barədə məlumat verərək qeyd edir ki, 1991-ci il oktyabrın 18-də Azərbaycan öz dövlət müstəqilliyini bərpa edib. M.Caffe yazır ki, Amerika həmişə Azərbaycanın dostu olub. Azərbaycan Avropa ilə ABŞ ilə tərəfdaşlığı davam etdirir, enerji resursları ilə təchizatın şaxələndirilməsi yolu ilə Avropanın enerji təhlükəsizliyinin təmin olunmasına töhfə verir.Sonda M.Caffe yazır ki, Ermənistan-Azərbaycan münaqişəsi beynəlxalq hüquqa və BMT Təhlükəsizlik Şurasının qətnamələrinə müvafiq şəkildə həll edilməlidir.
Tural




 
Bölməyə aid digər xəbərlər
25.09.2018
Yaponiya hökuməti dövlət qulluqçularının çoxunun evlərində işləməsinə çalışır
25.09.2018
Roma Papası Latviyada səfərdədir
25.09.2018
Mərkəzi Asiyada ilk beynəlxalq turizm universiteti Astanada açılacaq
25.09.2018
PKK başçısının yaxın silahdaşı həbs olunub
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10144

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info