MDB-nin qərargahında Daimi Nümayəndələr Şurası iclas keçirib
Tarix: 21.08.2015 | Saat: 00:38:00 | E-mail | Çapa göndər


Belarus paytaxtında Müstəqil Dövlətlər Birliyinin (MDB) İcraiyyə Komitəsində Birlik iştirakçısı olan dövlətlərin MDB-nin nizamnamə orqanları və digər qurumları yanında Səlahiyyətli Daimi Nümayəndələri Şurasının növbəti iclası keçirilib. Bu barədə AZƏRTAC-a təşkilatın Minskdəki qərargahının mətbuat xidmətindən məlumat verilib.
MDB İcraiyyə Komitəsinin sədri - icraçı katib Sergey Lebedev iclasda iştirak edib. Səlahiyyətli Daimi Nümayəndələr Birliyin ali orqanlarının bu il payızda keçiriləcək iclaslarının gündəliklərinin layihələrini tərtib ediblər. MDB ölkələrinin Dövlət Başçıları Şurasının 2015-ci il oktyabrın 16-da Astanada keçiriləcək iclasında əlamətdar tarixlərə - BMT-nin yaradılmasının 70 illiyinə və Çernobıl AES-də qəzanın 30-cu ildönümünə həsr edilmiş sənədlərin layihələri müzakirə ediləcək. Bundan əlavə, dövlət başçıları miqrasiya sahəsində əməkdaşlıq, cinayətkarlığa qarşı mübarizə, mədəniyyət, fövqəladə vəziyyətlərin qarşısının alınması və onların nəticələrinin aradan qaldırılması, sərhədlərin qorunması, habelə hərbi sahədə qarşılıqlı fəaliyyətin genişləndirilməsinə dair məsələləri tənzimləyən sənədlər qəbul edəcəklər.
Bu sənədlərin bir qismi MDB Xarici İşlər Nazirləri Şurasının iclasında ilkin müzakirə mərhələsindən keçib. Xarici siyasət idarələrinin rəhbərləri MDB-nin 75 illiyinə, yaxınmüddətli perspektivdə gənclərin beynəlxalq əməkdaşlığının, bədən tərbiyəsi və idmanın inkişafı sahəsində tədbirlərin planlarını, Dövlət İnformasiya Agentliklərinin Rəhbərləri Şurasının fəaliyyətini, Birliyin iştirakçısı olan dövlətlərin baza təşkilatlarının yaradılması və fəaliyyəti məsələlərini də müzakirə edəcəklər.
MDB Hökumət Başçıları Şurasının bu il oktyabrın 30-da Düşənbədə keçiriləcək iclasının gündəliyinin layihəsinə iqtisadi sahədə qarşılıqlı fəaliyyətin inkişafına aid məsələlər: azad ticarət zonası haqqında müqavilənin reallaşdırılması, iqtisadi sahədə müvafiq orqanların fəaliyyəti, Birliyin iqtisadi inkişaf strategiyasının üçüncü mərhələsinin həyata keçirilməsi ilə bağlı tədbirlər, innovasiyalar sahəsində əməkdaşlıq, əmtəə bazarlarında rəqabət, veteranlara tibbi-sosial yardım məsələləri, habelə maliyyə xarakterli sənədlərin böyük bloku daxil edilib.
Səlahiyyətli Daimi Nümayəndələri Şurasının üzvləri MDB İqtisad Məhkəməsinin fəaliyyəti barədə məlumatı müzakirə ediblər.
Daimi Nümayəndələr Şurasının iclasında bu il oktyabrın 4-də Qırğız Respublikası Joqorku Keneşinə seçkilərdə Birlikdən müşahidəçilər missiyasının rəhbəri kimi MDB İcraiyyə Komitəsinin sədrinin - icraçı katibin birinci müavini Vladimir Qarkunun namizədliyi razılaşdırılıb.




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10495

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info