Müxalifətin daha bir bloku dağıldı
Tarix: 21.08.2015 | Saat: 00:41:00 | E-mail | Çapa göndər


Ümid Partiyasının “125-lər” adlı seçki bloku ilə iki illik əməkdaşlığını, bu blokda seçkilərə qatılmağa üstünlük verdiyini və ADP-nin “125-lər” bloku ilə bu günə qədər heç bir əməkdaşlıq etmədiyini əsas götürərək Qarabağ Blokunda təmsil olunan Ümid Partiyası ilə Azərbaycan Demokrat Partiyası seçkilərdə ayrı-ayrılıqda, öz namizədləri ilə, müstəqil iştirak etmək haqqında razılıq əldə ediblər.
Bunu APA -ya açıqlamasında ADP sədri Sərdar Cəlaloğlu deyib. O bildirib ki, ADP parlament seçkilərinə Qarabağ Blokunda qatılmağa qərar vermişdi: “Anaq Ümid Partiyası “125-lər” bloku ilə birlikdə namizədlərini müəyyən edərək mətbuata elan edib və “125-lər”lə birlikdə xeyli vaxtdır ki, seçkiyə yönəlik siyasət aparır. Məlum oldu ki, iki partiya birlikdə parlament seçkilərinə qatılacağı təqdirdə Ümid Partiyasının “125-lər”lə birgə elan etdiyi namizədlər siyahısına yenidən baxmaq şansı yoxdur. Yəni onlar mətbuata elan etdikləri namizədlər siyahısını möhkəm siyahı kimi qəbul edirlər. Biz də gördük ki, ADP-nin rəhbər şəxslərinin namizədliklərini irəli sürəcəkləri seçki dairələrinin hamısından onlar namizəd müəyyənləşdiriblər. Bizim namizədlər olan dairələrdə bunlar namizədlərini müəyyənləşdiriblər, biz isə yerdə qalan dairələrdən namizəd verməliyik ki, heç o dairələrdə bizim namizədimiz yoxdur. Ona görə də fikirləşdik ki, bu şəkildə ADP və Ümid Partiyası parlament seçkilərində birgə iştirak edə bilməyəcək. Bu baxımdan aramızda danışdıq ki, birgə seçkiyə qatılmaq ADP üçün problem olur və bir halda ki, Ümid Partiyası ADP-nin barələrində heç bir məlumatı olmadığı “125-lər”lə 2 ilə yaxındır ki, bir seçki layihəsi üzərində işləyir, onlara mane olmayaq. ADP də seçkilərdə müstəqil iştirak etsin”.
Qeyd edək ki, bundan öncəki parlament seçkilərində Qarabağ Blokunda təmsil olunan ADP və Ümid Partiyası dairələr üzrə vahid namizədlər irəli sürüb, lakin Ümid Partiyası parlamentdə təmsilçilik hüququ əldə etsə də, dövlət büdcəsindən siyasi partiyalar üçün ayrılan vəsaiti ADP ilə bölüşməyib. Son prezident seçkilərində isə hər iki partiya seçkilərə ayrı-ayrı namizədlə qatılıb. Qarşıdan gələn parlament seçkilərində də iki partiyanın ayrılıqda iştirak edəcəyi nəzərə alınsa, Qarabağ Blokunun mövcudluğunu qoruması nə dərəcədə məntiqli sayıla bilər?
S. Cəlaloğlu bildirib ki, əslində Qarabağ Bloku müəyyən mənada öz ömrünü başa vurub: “Ümid Partiyası və ADP razılaşıb ki, seçki qurtarana qədər Qarabağ Blokunun fəaliyyətini dayandıraq. Sonra elə bir situasiya yarana bilər ki, Qarabağ bloku buraxıla bilər. Ümumilikdə isə etiraf etməliyik ki, iki partiyanın uzun müddət seçkilərdə, bir çox məsələlərlə bağlı ayrı-ayrı çıxış etməsi həm üzvlərimiz arasında, həm də cəmiyyətdə anlaşılmazlıq yaradır. Məsələn, biz uzun müddətdir ki, bir blokdayıq, dəfələrlə qarşıdan gələn parlament seçkilərində birgə iştirak edəcəyimizi deyirik, amma paralel olaraq Ümid Partiyası “125-lər”lə seçki layihəsi həyata keçirir. Bu özü göstərir ki, Qarabağ Bloku siyasi blok sərhədlərindən kənara çıxmaq imkanına malik deyil. Ona görə situasiya dəyişəcəksə, yeni müxalif blokun yaranmasına ehtiyac olacaqsa, seçkidən sonra müxalifətdə yeni qruplaşma tələb olunacaqsa, həmin situasiyanın tələblərinə uyğun yenidən qruplaşa bilərik”.
Qorqud




 
Bölməyə aid digər xəbərlər
14.11.2018
Bakıda MDB daxili işlər orqanlarının iclası keçirilir
14.11.2018
Dövlət Komitəsinin nümayəndə heyəti Los-Ancelesdə görüşlər keçirib
14.11.2018
Qarabağa qanunsuz səfər edən Avropa Parlamentinin üzvü Albaniyada arzuolunmaz şəxs elan olundu
14.11.2018
Fransada yeni diaspor təşkilatının təqdimatı olub
14.11.2018
Almaniyada Naxçıvanla bağlı broşürlər paylanılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10468

1 “Universitetlərdə rəhbər şəxslərin qapıları tələbələr üçün daim açıq olur”
2 Polşalı şagirdlər Azərbaycan nağıllarına illüsturasiyalar çəkiblər
3 “Xaricdə təhsilimi davam etdirsəm, psixologiya sahəsini seçəcəyəm”
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info