Hərbiyönümlü QHT-lər birləşdi
Tarix: 04.02.2013 | Saat: 21:19:00 | E-mail | Çapa göndər


Tərxis Olunmuş Hərbçilərin Gəncləri Maarifləndirmə İctimai Birliyindən qəzetimizə verilən məlumata görə, hərbiyönümlü QHT-lər “Antimilli ünsürlərə qarşı həftə” elan edib. Bununla bağlı onların yaydığı bəyanatda bildirilir: “Son günlərdə sosial şəbəkələrdə, bəzi KİV-də ordumuz barədə qərəzli, həqiqətə uyğun olmayan məlumatlar geniş yer alır.
Bu əsassız ittihamlar bütünlükdə Azərbaycan Ordusunun əsgər və zabit heyətində və ordunu sevən, aparılan islahatları dəstəkləyən insanlarda təəssüf doğurur. Bu gün ordumuz regionun ən güclü ordularından biridir. Sürətlə inkişaf edən Azərbaycan Ordusunda müxtəlif islahatlar həyata keçirilir. Yeni hərbi hissələrin tikilməsi, ordunun müasir hərbi-texnika ilə təchiz olunması, müdafiə sənayesinin inkişafı, hərbçilərin sosial problemlərinin həlli buna misaldır. Silahlı Qüvvələrin inkişafı və möhkəmləndirilməsi Prezidentin diqqət yetirdiyi ən prioritet istiqamətdir. Cəmiyyətlə ordu arasında münasibətlərin qurulması da bu baxımdan olduqca əhəmiyyətlidir. Orduda gedən islahatları əyani şəkildə görmək istəyən hər kəs bu proseslə yaxından tanış olmaq imkanına sahibdir. Millət vəkillərinin, QHT-lərin, KİV nümayəndələrinin cəbhə xəttinə səfərləri, hərbi hissələrdə keçirilən görüşlər buna sübutdur. Buna görə də ordu haqqında mətbuatda işıqlandırılan hər bir məlumatın yanlış faktlara deyil, görülən işlərə əsaslanması mühümdür. Unutmaq olmaz ki, insan fəaliyyəti olan yerdə nöqsanların olması qaçılmazdır. Amma baş verən ən kiçik detalın Azərbaycanı istəməyən qüvvələr tərəfindən qabardılaraq ictimaiyyətə təqdim olunması heç də düzgün addım deyil. Çünki ordu bizim hər birimizə məxsusdur. Buna görə də orduya şəxsi mənafedən deyil, xalqın mənafeyindən yanaşmaq lazımdır. Ordunun əleyhinə aparılan bu qərəzli kampaniyaya etiraz əlaməti olaraq hərbiyönümlü QHT-lər “Antimilli ünsürlərə qarşı həftə” elan edib. “Antimilli ünsürlərə” qarşı elan olunan həftəliyin iş planında həmin ünsürlərin ordunu gözdənsalma, qarayaxma kampaniyasına necə təkan vermələri, bəzi QHT-ləri necə maliyyələşdirmələri saf-çürük edilərək 12 yanvar aksiyasından tutmuş, bu günədək onların antiordu fəaliyyətinə konkret qiymət veriləcək. Etiraz edən hərbiyönümlü QHT-lər Azərbaycan Ordusuna qarşı aparılan bu çirkin kampaniyaya son qoyulmasını tələb edir. “Antimilli ünsürlərə qarşı həftə” elan edən QHT-lər bunlardır: Azərbaycan Respublikası Silahlı Qüvvələri Ehtiyatda Olan Zabitlər Konfederasiyası, Azərbaycan Respublikası Qarabağ Müharibəsi, Əlilləri Veteranları və Şəhid Ailələri İctimai Birliyi, Tərxis Olunmuş Hərbçilərin Gəncləri Maarifləndirmə İctimai Birliyi, Azərbaycan Respublikası Vətən Müharibəsi Veteranları İctimai Birliyi, Azərbaycan Çernobl Əlilləri İttifaqı, Milli Qəhrəmanları Tanıtım İctimai Birliyi, “Əsgər Anaları” Şurası, Qarabağ Əlilləri və Veteranları Cəmiyyəti, Azərbaycan Respublikası Beynəlmiləlçi Əlil Döyüşçülər Fondu, Müharibə Veteranı Qadınlarına Sosial Yardım İctimai Birliyi, “Əsgər Ailəsi” Cəmiyyəti və Azərbaycan Respublikası “20 Yanvar Cəmiyyəti”.
FUAD




 
Bölməyə aid digər xəbərlər
21.09.2018
Cüdo üzrə dünya çempionatının açılış mərasimi keçirilib
21.09.2018
Ədliyyə naziri Ağstafada vətəndaşları qəbul edib
21.09.2018
Sumqayıtın ən innovativ startap layihələri bəlli oldu
21.09.2018
Ramin Quluzadə Qazaxda vətəndaşlarla görüşüb
21.09.2018
Leysan yağacaq, dolu düşəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10129

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info