Prezidentin sərəncamı bölgələrdə uğurla icra olunur
Tarix: 24.08.2015 | Saat: 22:02:00 | E-mail | Çapa göndər


Prezident İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün 2014-cü il noyabrın 27-də imzaladığı Sərəncama əsasən bölgələrdə tədbirlər keçirilir. Belə tədbirlərdən biri avqustun 23-də Lənkəran şəhərində Dini Qurumlarla İş üzrə Dövlət Komitəsinin (DQİDK) təşkilatçılığı ilə “Dini radikalizm və onunla mübarizə” mövzusunda keçirilib. Tədbirdə DQİDK-nın Dini qurumlarla iş üzrə şöbəsinin müdiri Əliheydər Zülfüqarov, DQİDK-nın Lənkəran bölgəsi üzrə şöbəsinin müdiri Qağayı Məmmədov, şöbənin əməkdaşları, Qafqaz Müsəlmanları İdarəsinin (QMİ) Cənub bölgəsi üzrə səlahiyyətli nümayəndəsi, qazı Qəni Axundzadə, QMİ-nin Astara rayonu üzrə səlahiyyətli nümayəndəsi İlqar Həsənov, Lənkəran, Astara, Lerik rayonları üzrə dini icma sədrləri və din xadimləri iştirak ediblər.
Tədbiri giriş sözü ilə açan DQİDK-nın Lənkəran bölgəsi üzrə şöbəsinin müdiri Qağayı Məmmədov radikalizmlə mübarizənin müasir dövrdə dövlətin daim diqqət mərkəzində saxladığı prioritet məsələlərdən olduğunu bildirib, problemin həllinin yalnız inzibati metodlarla deyil, onun ilkin çözümünün ideoloji müstəvidə aktiv iş aparılmasından və bu sahədə ictimai qınağın effektiv təsirlərindən yararlanmağın əhəmiyyətindən danışıb.
Daha sonra çıxış edən DQİDK-nın Dini qurumlarla iş üzrə şöbəsinin müdiri Əliheydər Zülfüqarov müasir dövrdə dövlətin dinə və dindarlara olan qayğısından, dindar vətəndaşlar üçün yaradılmış yüksək şəraitdən danışıb. O, bildirib ki, ölkədə yüksək dini dözümlülük mühiti olduğu halda, müəyyən radikal qrupların meydana çıxması, ümumiyyətlə dindarlar arasında radikallığa meyillilik süni xarakter daşıyır və bu bilavasitə müəyyən xarici təsirlərlə əlaqəlidir. Ölkə əhəmiyyətli ictimai-siyasi hadisələr ərəfəsində belə qrupların aktivləşməsinin təsadüfi olmadığını vurğulayan Ə.Zülfüqarov dini icmaların daha həssas davranaraq bu məsələyə diqqət artırmalarını, dindən siyasi məqsədlər üçün istifadənin yolverilməzliyini və buna qarşı mübarizədə birliyin vacibliyini önə çəkib.
QMİ-nin səlahiyyətli nümayəndəsi Qəni Axundzadə çıxışında İslam dininin yüksək mənəvi, ümumbəşəri dəyərlərindən danışmış, radikallığın bu dinlə bağlaşmadığını vurğulayaraq, müxtəlif dairələrin radikal fikirləri müsəlmanlar arasında yaymaqda maraqlı olduqlarını diqqətə çatdırıb. O, bildirib ki, dindarlar arasında radikallığa meyilliliyin əsas səbəblərindən biri dini savadsızlıqdır. Bu baxımdan hər bir din xadimi maarifləndirmə sahəsində öz üzərinə düşənləri lazımi şəkildə yerinə yetirməlidir. Radikalizmlə mübarizədə dini icmaların dövlət qurumları ilə əlaqəli işləmələrinin vacibliyini bildirən Q. Axundzadə bu sahədə birgə əməkdaşlığın problemin həllində oynayacağı roldan danışıb.
Sonda dəyirmi masa iştirakçılarının da fikirləri dinlənilib. Tədbirin əhəmiyyətini vurğulayan dini icma sədrləri və din xadimləri dövlətin bu sahədə qayğısını, insanların öz etiqadlarına uyğun yaşamaları üçün yaradılmış şəraiti yüksək qiymətləndirərək, bundan sui-istifadə edən radikal qruplara qarşı birgə mübarizədə həmrəy olduqlarını ifadə ediblər.
Avqustun 22-də Oğuz rayonunda Oğuz şəhəri “Cümə” məscidi dini icmasının “Ənənəvi İslam və dindarların radikal təsirlərdən qorunması” layihəsi çərçivəsində rayon dindarlarının və ictimaiyyət üzvlərinin iştirakı ilə tədbir keçirilib. Tədbirdə dini icmanın üzvləri, ağsaqqallar, dindarlar, ziyalılar və gənclər iştirak ediblər.
Avqustun 21-də Biləsuvar rayon Bəydilli kənd “Cümə məscidi” dini icmasında “Gənclərimizin dini radikal təsirlərdən qorunması” adlı layihə çərçivəsində növbəti tədbir keçirilib.
Tədbirdə DQİDK-nın Şirvan bölgəsi üzrə şöbə müdiri vəzifəsini icra edən Aydın Alıyev, şəhərin axundu Hacı Əlifağa Murtuzov, dini icma sədri Abuzər Kərimov, dini icmanın üzvləri, ağsaqqallar, dindarlar, ziyalılar və eləcə də gənclər iştirak ediblər.
Bəydilli kənd “Cümə” məscidi dini icmasının sədri Abuzər Kərimov layihə barədə məlumat verərək bildirib ki, layihə çərçivəsində sağlam dini biliklərə söykənən maarifləndirmənin aparılması ilə yanaşı, gənclərimizin radikallardan qorunması və dini ənənələrin təbliği istiqamətində də tədbirlər həyata keçiriləcək.
Dövlət Komitəsinin Şirvan bölgəsi üzrə şöbə müdiri vəzifəsini icra edən Aydın Alıyev keçirilən layihənin əhəmiyyətindən danışıb. Dövlət başçısının maarifləndirmə işləri aparmaq üçün icmalara maliyyə vəsaiti ayırmasını yüksək qiymətləndirib və ayrılmış vəsaitin icmaların gələcək fəaliyyətində aktivlik yaradacağına əminliyini bildirib.
Tədbirdə, həmçinin şəhərin axundu Hacı Əlifağa Murtuzov çıxış edərək gənclərimizin radikal cərəyanlardan qorunmasının vacibliyindən danışıb. O, dini icmalara ayırdığı diqqətə və qayğıya görə ölkə Prezidenti cənab İlham Əliyevə və DQİDK-nın sədri Mübariz Qurbanlıya kənd sakinləri adından minnətdarlıq bildirib.
Tural




 
Bölməyə aid digər xəbərlər
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
25.09.2018
“Bakcell“dən maraqlı aksiya və onlayn müsabiqə: DaimOnline
25.09.2018
AQTA-nın vətəndaşlara müraciəti
25.09.2018
Mübariz Qurbanlı Mingəçevirdə vətəndaşların müraciətlərini dinləyib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info