Nazir: “İnternet infrastrukturunun genişləndirilməsi üçün artıq büdcə vəsaitİ tələb olunmur”
Tarix: 28.08.2015 | Saat: 21:13:00 | E-mail | Çapa göndər


Prezident İlham Əliyevin tapşırıq və tövsiyələrinə uyğun olaraq mərkəzi icra hakimiyyəti orqanlarının rəhbərləri bölgələrdə vətəndaş qəbulunu davam etdirirlər. Növbəti belə qəbul avqustun 28-də rabitə və yüksək texnologiyalar naziri Əli Abbasov tərəfindən Gəncədə keçirilib. Gəncə, Samux, Goranboy, Göygöl, Daşkəsən və Kəlbəcərdən olan sakinlərin müraciəti əsasən telekommunikasiya, internet, poçt, televiziya və radio yayımı xidmətlərinin keyfiyyəti, eləcə də işə qəbul, yeni elektron ATS-lərin çəkilişi və sair məsələlərlə bağlı olub.
Qəbula gələn vətəndaşların hər birini diqqətlə dinləyən nazir Əli Abbasov müraciətlərin bəzilərini yaradılmış canlı videobağlantı ilə aydınlaşdıraraq tapşırıqlar verib, bir sıra məsələləri yerindəcə həll edib. Nazirliyin səlahiyyətlərinə aid olmayan müraciətlər isə müvafiq nazirlik və təşkilatlara göndərilməsi məqsədilə nəzarətə götürülüb. Qəbulda iştirak edən vətəndaşlar yerlərdə keçirilən belə görüşlərə görə dövlətimizin başçısına minnətdarlıq ediblər.

“Nazirliyin əsas siyasəti internet infrastrukturunu rayon mərkəzlərindən kəndlərə doğru aparmaqdır”

“İndi artıq internet infrastrukturunun genişləndirilməsi üçün dövlət büdcəsindən vəsait tələb olunmur”.Bunu rabitə və yüksək texnologiyalar naziri Əli Abbasov Gəncədə jurnalistlərə açıqlamasında deyib. O bildirib ki, bu gün nazirliyin əsas siyasəti internet infrastrukturunu rayon mərkəzlərindən kəndlərə doğru aparmaqdır: “Çox yaxşıdır ki, bu gün kəndlərdə də internet istifadəçilərinin aktivliyi çoxdur. Onların internet xidmətlərini ödəmə qabiliyyətləri də yüksəkdir. Əsas problem ucqar dağ kəndlərinə internetin çəkilməsi ilə bağlı olur ki, oraya da investisiya qoyuluşu lazım gəlir”. Ə. Abbasovun sözlərinə görə, kredit götürülərək kəndlərə qədər internetin infrastrukturunun genişləndirilməsi istiqamətində işlər aparılır. Bu layihələrin hamısının rentabelli olduğunu söyləyən nazir, gəlirlərin hesabına kredit borclarının ödənildiyini vurğulayıb.

Nigar Abdullayeva




 
Bölməyə aid digər xəbərlər
22.02.2019
Sahil Babayev canlı efirdə 36 vətəndaşın müraciətini cavablandırıb
22.02.2019
“Prezidentin Əfqanıstan müharibəsi veteranlarına və bu müharibədə həlak olanların ailələrinə qayğısı davamlıdır”
22.02.2019
“AZƏRSUN HOLDİNQ“ İnsan Resursları üzrə mütəxəssis axtarır
22.02.2019
Bu il Bakının 4 rayonunda “DOST” mərkəzləri yaradılacaq
21.02.2019
Dövlət Əmək Müfəttişliyi Xidməti işəgötürənlərə müraciət edib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info