“Azərbaycan cəmiyyətində yəhudi icmasının özünəməxsus yeri var”
Tarix: 31.08.2015 | Saat: 19:59:00 | E-mail | Çapa göndər


Dünya yəhudiləri sentyabrın 14-də “Roş-Ha-Şana” bayramını qeyd edəcək.
Yəhudi təqvimi ilə 5776-cı ili qarşılamaq münasibəti ilə Azərbaycandakı Dağ yəhudiləri icmasında dünya yəhudilərinin bayramına hazırlıqlar başlayıb.
Azərbaycan Dağ Yəhudiləri İcmasından verilən məlumata görə, dördüncü ildir Azərbaycandakı Dağ yəhudiləri dini icmasının sədri Milix Yevdayevin təşəbbüsü və təşkilatçılığı ilə icmanın az təminatlı üzvlərinə ərzaq çeşidlərindən ibarət yardım edilir. Bu il “Roş-Ha-Şana” bayramı ərəfəsində 300 ailəyə ərzaq paketi təqdim olunacaq.
Qurumdan qeyd ediblər ki, Dağ yəhudiləri icmasının həyatında yenilik baş verib. Yasamal rayonu ərazisində yerləşən “Qurd qapı” sı adlanan qəbiristanlığın yəhudi hissəsində dəfn mərasiminin (meyidin yuyulması və kəfənlənməsi) təşkili üçün nəzərdə tutulan xüsusi binanın sentyabrın 1-də tikilməsinə başlanacaq.
Milix Yevdayevin təşəbbüsü ilə inşa edilən sözügedən binandan bütün yəhudilər (dağ yəhudiləri, Avropa və gürcü yəhudiləri) istifadə edə biləcəklər. Buna kimi dağ yəhudilərin özlərinin ayrıca belə bir xidməti fəaliyyət göstərməyib. Xidmət ödənişsiz olacaq.
Yeni 5776-cı ilin gəlişi münasibəti ilə dağ yəhudiləri sinaqoqunda böyük bayram süfrəsi açılacaq. Bayram duaları oxunacaq, şənliklər təşkil olunacaq. Tədbirə İsrail dövlətinin Azərbaycandakı səfiri, millət vəkilləri və ictimaiyyət nümayəndələri dəvət olunub.
Dağ yəhudiləri dini icmasının sədri Milix Yevdayev bildirib ki, “Roş-Ha-Şana” özündə yeniliyi, mənəvi saflığı və həmrəyliyi təcəssüm etdirən bayramdır: “Bu gün Azərbaycan etnik-mədəni müxtəlifliyin, multikulturalist ənənələrin qorunub saxlandığı, ayrı-ayrı dinlər və mədəniyyətlər arasında qarşılıqlı hörmət və etimad şəraitinin mövcud olduğu nadir məkanlardandır. Azərbaycan cəmiyyətində yəhudi icmasının özünəməxsus yeri var”.
M.Yevdayev əlavə edib ki, yəhudi əsilli Azərbaycan vətəndaşları hazırda böyük inkişaf və tərəqqi yüksəlişini yaşayan Azərbaycanın ictimai-siyasi və mədəni həyatında yaxından iştirak edir, hüquqi dövlət quruculuğu prosesində fəal mövqe nümayiş etdirirlər.
Tural




 
Bölməyə aid digər xəbərlər
15.02.2019
Ədliyyə naziri Xaçmazda vətəndaşları qəbul edib
15.02.2019
Алексей Ретеюм: “Дизайн Баку поражает. Москве есть чему поучиться“
15.02.2019
Masallıda təqdimat: “Bizim tanıdığımız Elmira...”
15.02.2019
Masallıda “Xocalı faciəsi qan yaddaşımızdır” mövzusunda inşa müsabiqəsi keçirilib
15.02.2019
Səfir: “Azərbaycanda tolerantlığın yüksək səviyyədə olmasını bütün dünya etiraf edir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info