“Xaricdə təhsil alan gənclərimizin ekstremistlərin təsiri altına düşməməsi üçün tədbirlər görülür”
Tarix: 02.09.2015 | Saat: 19:26:00 | E-mail | Çapa göndər


“Azərbaycanda gənclərin xarici ölkələrdə təhsil almasında heç bir məhdudiyyət yoxdur. Yalnız dini təhsil ilə bağlı müəyyən düzəliş var. Bu da Azərbaycanda məsciddə, sinaqoqda, kilsədə yalnız Azərbaycanda təhsil almış şəxslərin dini ayinləri icra edə bilməsindən ibarətdir”.
Bunu Dini Qurumlarla İş üzrə Dövlət Komitəsinin sədriMübariz Qurbanlı bildirib.
O qeyd edib ki, bu qayda əksər ölkələrdə var və bu belə də olmalıdır: “Amma təhsilin qalan sahələrində heç bir məhdudiyyət yoxdur. Azərbaycanda dövlət proqramı çərçivəsində xaricdə təhsil almağa göndərilənlər var, eyni zamanda müstəqil şəkildə bu və ya digər ölkələrdə təhsil alan azərbaycanlı tələbələr var. Minlərlə Azərbaycan gənci müxtəlif ölkələrdə təhsil almaqdadır.
Türkiyədə təhsil alan gənclərimiz var. Onların fəaliyyəti ilə bağlı Ankaradakı səfirliyimiz, İstanbuldakı konsulluq və digər şəhərlərdə olan qurumlarımız fəaliyyət göstərirlər. Əlbəttə, xaricdə təhsil alan gənclərimizin müxtəlif dini və ya ekstremist təşkilatların təsiri altına düşməməsi üçün qabaqlayıcı tədbirlər görülür və bu qabaqlayıcı tədbirlər də həmin tələbələr arasında müəyyən izahat işinin aparılması, müxtəlif səviyyələrdə dövlət nümayəndələrinin həmin ölkələrə səfərləri zamanı tələbələr ilə görüşlər keçirməsidir.
Məsələn, mən Türkiyədə və İranda rəsmi səfərdə olduğum zaman dini təhsil alan tələbələrlə ayrıca görüşmüşdüm, müxtəlif nazirliklərin nümayəndələri də bu cür işlər görür, eyni zamanda Təhsil Nazirliyi bu sahədə xüsusi bir proqram həyata keçirir. Amma bilirsiniz ki, dünyada insanların bu və ya digər qrupların təsiri altına düşməsini tam aradan qaldırmaq o qədər də asan məsələ deyil. Bəzi təsir altına düşən gənclər olub. Mən də sosial şəbəkələrdə gördüm, müvafiq qurumlar bunu araşdırırlar. Amma bunlar tək-tək hallardır. Tək-tək halları biz ümumiləşdirə bilmərik. Azərbaycandan Türkiyədə minlərlə tələbə təhsil alır. Onların içərisində əgər 2-3 nəfər bu cür qrupların təsiri altına düşübsə, bunu ümumiləşdirmək olmaz. Hər halda daha çox izahat işi aparılmalı, KİV də bu yöndə çalışmalı, ailələr xaricdə təhsil alan uşaqları üzərində təsirlərini artırmalı, səfirliklərimiz də bu yöndə işi daha da gücləndirməlidirlər”.

Tural




 
Bölməyə aid digər xəbərlər
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info